فزعتكم يااصحاب الخبره في الدرابيل

[عناز المصنع]

السلام عليكم ورحمة الله
يالربع انا محتاج لي دربيل واحترت بين السايس والسوار فسكي
وابي فزعتكم خصوصا اصحاب الخبره والتجربه
طبعا المواصفات الي احتاجها بالدربيل يكون صافي وتقريبه طيب بالحيل ووزنه خفيف ليسهل حمله في مقناص الضلع وبرودته على العين ويكون سعره حول الثلاث الاف
اعطوني اسمه ومقاسه ووين ينباع شاكر ومقدر لكم
وسدد الله رايكم

[مزن الشمال]

انشاء الله يفيدونك اهل الخبره

[d3izol]

افضل دربيل للضلع السوارفسكي CL10X30 سعره ٣٥٠٠ عند العقيلات و ٣٨٠٠ عند الهدف

وفيه السوارفسكي EL10X32 لكن سعره غالي فوق السبعه

[راح الأمل]

الزايس طيب طبعا ولكن حكمني سعرك اللي حاطه ال 3000 يجيبلك مقاس 50*10 يكون نظيف وطيب واسعاره المستعمل طبعا بس يكون نظيف سعره ب 2400 لغاية ال 2800 وانصحك بالزايس واذا عندك زود على المبلغ شوي خلك على السوارفسكي اجود وافظل واخف ولكن اغلا بس دربيل شيك حتى لا خلصت منه ماتخسر فيه اذا ماتبيعه بسعره يجيبلك ربح عليه شوي وفالك التوفيق ان شالله .

[عناز المصنع]

الله يبيض وجيهكم
لكن انا ابي جديد مالي ومال المستعمل
وللحين متردد والله

[راح الأمل]

الله يبيض وجيهكم
لكن انا ابي جديد مالي ومال المستعمل
وللحين متردد والله

جديد ماظن تحصل زايس او سوارفسكي ب 3000 لان اقل شي فيهم يوصل 3700 ريال. ومقاس صغير يعني يا 30*8 او 32*10 اما ال 50*7 يكون اغلى يعني بالنسبه لزايس الربل مقاس 50*7 ب 6100 ريال عند الرمايه والسوارفسكي طبعا اغلى فا انا من رايي في سعرك هذا تاخذلك ستنر الماني الستنر طيب بعد وسعره ال 50*7 ب 1250 ريال وحسب مراة تاخذه بزود شوي او اقل شوي ويجي منه 50*10 بس نادر ماتلقاه متوفر ويوصل سعره في حدود 2500 2700 بهالحروه ماني متأكد بالضبط وبعد هالنوعيه عاد تقدر اذا لك رغبه تاخذ من اليابانيات جلوري او عبدالواحد واسف عالاطاله وتقبل مروري

[قناص الأشهب]

أنصحك بـ ليبولد مقاس 10 * 42 ممتاز ومجرب
وذابغيت الأفضل منة أستنر مقاس 10* 50 رووووعه
هذا على حسب ميزانيتك

[Abu Sary]

يارجال مالك ومال الغالية على قلة سنع ..

عليك بالكوري سوفت والله إنه طيب بالحين ولا راح تندم لاشريته ..

الا إذا سلاحك عيار ثقيل مره ..