افيدوني ياصقاقير

[بدوي نمبر ون]

السلام عليكم
يالربع عندي طير وافي صلف وطلعته من المربط وطبعا قصرت عليه عشان ينقز
نقز الطير لكني لازلت اقصر عليه شافه واحدن من الربع وقلت ابشنذره قال لو شنذرته يموت الطير لانه جف ضعيف مره اثريني نزلته وبتلت على تنزيله لين وصل وزنه 700 والطير وافي .
السوال هنا شلون ارفع وزنه بسرعه دون ما اضره قالواي فروخ حمام ؟
والسوال الثاني متى اشنذره دامه على هالحاله ؟

[عاشق الطير999]

لاتشنذر الطير لسببين 1ـ ظعيف مره وكثر الطيور الي تموت بالشناذر سبب الظعف 2ـ والجو فيه حر ومايصلح الشناذر فيه يظره وبالنسبه لرفع لاتكثر له العلف وهو ظعيف تخاف يظره ارفعه شوي شوي الوقت توه وممدي على رفعت الطير عطه ثلاث ايام سمانه الا رجل وبعدها سمانه وبعدها وزن الطير

[حمود الصعيبي]

لاتنشنذر الطير وأنت مادعيته

[سنجااار]

اذا الطير ١٦.٥ وطالع لايقصر عن ٨٨٠ يعني وزنت الهدد

وشف نفسية الطير قبل تنشذر كان نفسيته زينه خله وقبل تقنص باسبوع شنذره الطير

واذا تبيه يرتفع عطه الظهر والرجلين

[عابر الموج]

لازيد على كلام الاخوان الا بالشي االقليل عطه سمان اي نص سمانه حتى يصل 800 وبعد ذلك سمانه كامالة السمان يرفع الطير بوقت قصير تقبل تحياتي

[قلب ذيب]

السوال هنا شلون ارفع وزنه بسرعه دون ما اضره قالواي فروخ حمام ؟

اعلف الطير صباح مساء الى ان ترتفع عدته , وراقب محط الطير اذا فيه اي تغير اعرضه على البيطري
والسوال الثاني متى اشنذره دامه على هالحاله ؟

شنذره بعد ماتكتمل عدته بعد تطويفه يوم على ان تكون فرسة الطير خاليه من الروباج ( الريش/ العظم ) ويفضل شنذرته عن طريق الطبيب المختص ........ والله اعلم .

[بدوي نمبر ون]

بارك الله للجميع
وجزاكم الله عنا خير الجزاء