افيدوني جزاكم الله خير

[بدوي نمبر ون]

السلام عليكم
يالربع عندي طير وافي صلف وطلعته من المربط وطبعا قصرت عليه عشان ينقز
نقز الطير لكني لازلت اقصر عليه شافه واحدن من الربع وقلت ابشنذره قال لو شنذرته يموت الطير لانه جف ضعيف مره اثريني نزلته وبتلت على تنزيله لين وصل وزنه 700 والطير وافي .
السوال هنا شلون ارفع وزنه بسرعه دون ما اضره قالواي فروخ حمام ؟
والسوال الثاني متى اشنذره دامه على هالحاله ؟

[AL MSAFER]

ادهن العلف بصفار البيض

صفار البيض يزيد وزن الطير بسرعه

[بدوي نمبر ون]

بارك الله فيك وجزاك الله عنا كل خير

[برق حرب]

علف الطير فري او السمان

[الجره جديده]

لا تشنذر الطير ويمكن سبب ظعف طيرك انك قصرت له وهو يمكن فيه ريش يسوق والريش يحتاج دم واذا ما كان الطير يعلف صح بينزل وزنه
لكن عطه حمام فرنسي واخلط اللحم في بيض ودق العظام له لانه اللي يرفع الطير العظم
وانتبه لا تكثر للطير العلف وتغثه لان الطير الظعيف تصريفه ضعيف يبطي ما يصرف العلف
انته غده وعشه بس اهم شي البيض وثلاثه ايام وتلاحظ الطير تبدأ ترتفع صنعته والمحل اللي هو فيه لا يكون بارد هذا اهم شي
واذا ما لاحظت ارتفاع في الطير رح افحصه تأكد ان الطير مافيه دود
نصيحه لك الطير حاول انك ما تضعفه دايم

[بدوي نمبر ون]

ياسلام كلام حلوو ومفيد الله لايحرمنا من هل العرف
مشكورين
يعطيكم العافيه

[هواي البر 2]

افادوك الاخوان

[ابو خالد 1991]

افادوك الاخوان جزاهم الله خير

[ابرق الحرار]

كلام صحيح صفار البيض مجرب

[سوبر صقار]

صفار البيض اوفيتامين كبد الحوووت انا مجربه فعال جدا بس لا تكثر منه .,