ستفسار عن النفضاخ الريشة الطير

[المعرقب]

السلام عليكم ورحمة الله وبركاته

عندي طير ونفضخة ريشه في احد المرابط للقرنسه
والي خابره ان ريشه لانفضخة معاد تسوق من جديد وفيه ناس تقول تطلع مره ثانيه
في حالة ماساقة اقدر اغرسلها ريشه

[تواق]

هلا والله باالغالي

انشاءالله تظهر بس لاحد يسحبها الطير بنفسه بيتخلص منها وخلال 15 يوم تظهر وسوقها سبحان الله اسرع

حصلت معي

[مازن الصعب]

السلام عليكم

بالنسبة للريشة اذا انفضخت راح يحذفها الطير

واحتمال تطلع ريشة مرة ثانية

واذا ماطلعت رح لخالد العويدي يفتح لك فتحة مكان الريشة اللي طاحت وراح تطلع باذن الله

[سنجااار]

الريشه انفضخت اول ماطلعت ولا عقب مانتصفت ؟؟

تقبل مروري

[المعرقب]

الريشه انفضخت اول ماطلعت ولا عقب مانتصفت ؟؟

تقبل مروري
هلاخوي سنجار انفضخت بعد منتصفة

[راعي شوق]

اخوي ان شاء الله تطلع انا طيري انفضخت فيه الريشه الثالثة وهي اكثر من النص وحذفها وابشرك اللحين تعدت النص الحمد لله

[SNGAAR]

الطريقه هاذي صارت فيني انفضخت نايفة طيري وقصيتها مع الفضخ واللتوت وطاحت وطلعت جديده اذا ريشة طيرك توها تسوق قصها وسلامتك

[برق المغيب]

افادوك الاخوان بارك الله فيهم ... وان شاء الله ما تحتاج لفتحة لمكان الريشة الاولة ..

[ابرق الحرار]

تطلع ان شالله نفس الي حصل بطيري تكسر فيه خمس ريش الي انفضخ والي انكسر وطلعت جميعها

[قلب ذيب]

انفضاخ الريشه .
. . يحدث انفضاخ الريش عندما يتعرض ريش الطير لمواد صلبه قبل اكتمال نموه وتمام يبوسه , وعندما تنفضخ الريشه لابد من قصها وتقصيرها والذهاب بالطير الى البيطري لاخراج الريشه المنفضخه وتطهير مكانها ومعالجته , ولاتظهر بديلة الريشه المنفضخه في الحال ! وعلى صاحب الطير التأكد من عدم انسداد مكان الريشه بتجمد الدم الذي يمنع ظهور الريشه الجديده , ويتطلب ظهور الريشه الجديده فتره زمنيه طويله وربما تصل الى عام اي تظهر مع استبدال الطير لريشه في المقيض , واحيانا ينسد مكان ظهور الريشه والذي يحتاج الى عمليه لازالة تجلطات الدم .
. . وتختلف اهمية الريشه المنفضخه واخطرها الموس والنايفه والطويله وهو الريش المعرض للفضخ , واحيانا يتكون ردائة الريشه وعدم قوة نموها سببا في انفضاخهاا خاصه لدى الصقور التي يكون لديها نقص حديد ونحاس وكالسيوم .

[المعرقب]

الله لا يهينكم ويجزاكم الف خير

[سنجااار]

الله العالم ماراح تطلع غيرها ريشه ومالك طال عمرك ألا تصبر لين تتم الريشه وتوسرها

وان شاءالله مايضره ( التوسير لاتتعدى ابوعبدالله خالد العويدي )

تقبل مروري

[عشق الرحيل]

افدوك الاخوان .....