سؤال عن سمك السبيطي

[ahli_KSA]

السلام عليكم ورحمة الله نخش بالزبدة على طول هل السبيطي يضرب على الربيان ؟؟

[المبردي]

يضرب وبقوه

[سكن حبك سكن]

اتوقع يضرب.

[صياد الاحساء]

شوف لك صدور دجاج ميقاوم الطعم
الربيان صار موضه قديمه

[baracuda]

كان بودي افيدك بس للاسف ما عندي فكرة عنه بحكم وجودي في جدة
وشكرا

[accentkool]

يضررررب بس مو بشكل رئيسي

[الوحش79]

صدور الدجاج خله للشعري
وعيبه يفل بسرعه خاصه لمن يكون مجمد

جرب قوانص الدجاج شرط يكون تاريخه جديد

وخلي حجمه بحجم رطب الخنيزي بالطول والعرض( راجع القوقل ان لزم)
والميدار رقم 8-9

واصبر زين
لعفة قويه ولها نتايجها

ولعلمك السبيطي هذي ايامه ع الاسياف
ودايم جلسته بالاسياف الرمليه والطينيه


والله يرزقك

[هيتاشي]

سُبْحَانَكَ اللَّهُمَّ وبَحَمْدكَ
أشْهدُ أنْ لا إلهَ إلا أنْتَ
أَسْتَغْفِرُكَ وأتُوبُ إِلَيْكَ


-

[White_Shark]

السلام عليكم ورحمة الله نخش بالزبدة على طول هل السبيطي يضرب على الربيان ؟؟

وعليكم السلام ورحمة الله وبركاته

نعم .. السبيطي يضرب على الربيان وبشكل أساسي ويعتبر طعم ممتاز جداً للسبيطي .. ولكن بشروط صيد السبيطي ؟!

وأفضل شي من واقع تجربه إذا بتحدق للسبيطي بربيان .. إنك تعمل ترديعة السبيطي اللي هي الميدار أول مقاس من (7-10 ) وبعده تحط ثقل متحرك يعني لاتربطه في الخيط .. وضروري تكون ( الربيانه كبيرة ) وغير قديمه .. إذا كنت تعرف بأن موقعك يجيه سبيطي .. وإلا بيروح عليك الطعم :) .

تحياتي .

[ahmed777s]

وعليكم السلام

مثل ما قالوا الاخوان يضرب وبقوه على الربيان

توني يوم الخميس 20/9/2012 صايد السبيطي

والطعم المستخدم ربيان

[داحم99]

يضرب وكثير بعد ....

عندك الربيان الميد الخثاق الجواف ..


كله يضرب ..

اهم شي فرشششش

[فارس 07]

انا اصيده بالبرستد

[ربان الخليج]

واللة يالحبيب اللي يبي السبيطيات انشدني عنها طلع لك كم ميدة بالسالية وحطهم في سطل عشان يبقى حي بس جدد الماي كل ساعة والميد يطول0خذ لك ميده منهم وشكها بالمخيط من تحت جلدة ظهرها ابتداء من خلف الراس الى خروجه من الذيل بحيث تبقى حية0وتكون الترديعه خيط 35أو40والمجدار8أو9وحاول تبحث عن شاطىء هادىء ومظلم وعليك بالهدوء التام والتقليل قدر المستطاع من الأناره 0وفالك السبيطي العود0

[عبادي الجبيل]

طعم السبيطي من واقع تجربة ....

بالدرجة الاولى ( مصارين الدجاج )

مابعده ( الميد ، السلس ، النغاق ، الربيان )

[حداق متمرس]

زي ما قالوا الاخوان يضرب وبكثره بس اهم شي ما فيه سمك صغير

تحياتي لكم

[mr-albreak]

يعطيكم العافيه على تفاعلكم يا شباب
بس السؤال الاههم
ماهي معالم اماكن تواجد السبيطي يعني كيف تعرف اماكن تواجد السبيطي
سمعنا من البعض يقول تلاقيه في الشواطئ الرمليه والبعض قالي حول الشعاب ولاماكن الصخريه
ولازلنا نبحث عن اقرب جواب ويعطيكم الف عافيه

[ربان الخليج]

الاسياف الرمليه الهادئه يالغالي 0واكثر تحركاته في منتصف طلوع الماء ومنتصف نزوله0/تحياتي

[mr-albreak]

الاسياف الرمليه الهادئه يالغالي 0واكثر تحركاته في منتصف طلوع الماء ومنتصف نزوله0/تحياتي


يعطيك العافيه اخوي ربان الخليج ومشكور على تفاعلك :good2: