الحرارهـ تزود مع السرعهه ..

[ملتبكك]

بسم الله الرحمن الرحيم ..

مساء / صبآح ... الخير كلن بوقته

عندي ددسن 2005 فيها مشكلة الحراره تزود مع السرعه خاص أذا تعدت سرعة 120 ,, أما اذا كان الموتر واقف حتى لو المكيف شغال ماترتفع وثابته .. علما اني شايل البلف

المشكله هذي ب الموتر من كذا سنه ,, والي طرالي أني أصلحها عندي نيةة بيع للموتر .. ونفسي أصلحها قبل أبيع لجل مايدخل بذمتي شي ..

عطوني رايكمم ما الحل ؟

[ls1.5700]

كم تاصل الحراره معك اذا كنت مسرع

[ملتبكك]

160 النص وكل ما أزيد السرعه تزود .. ولو مانيب شايل البلف كان توصل فوق النص

[ls1.5700]

شك على الاديتر صيخه وغطاء الاديتر غيره اصلي

[المرتهي]

مرحبا اخوي
انا صارت معي قبل فترة في باثفندر نفس المشكله الي تصير معك
واذا طلعت مرتفعات ترتفع توصل للـ H
سويت تسييخ راديتر وغيرت موية تويوتا
وغطاء راديتر ولله الحمد الحين تمام الحرارة
أتمنى لك التوفيق

[yousef1410]

الرديتر لو سيخته تخف الحرارة لأنك شايل البلف لكن مشكلتك مع أتوماتيك المروحة ..
جرب تمسك المروحة والسيارة شغالة لكن بحذر بتشوف إن المروحة توقف بسرعة معك بينما لو الأوتوماتيك شغال ما تقدر تمسكه والطريقة هذي خطرة لا تجربها بنفسك خل الميكانيكي يختبرها بنفسه .
إذا زادت السرعة توقف المروحة بسبب قوة الهواء الخارجي الي يصدم فيها ..
بعض الميكانيكين يثبت المروحة بس يصير الصوت مزعج جداً وفيه خطورة على المكينة خصوصاً إنك شايل البلف فلو قال لك نثبته لا تقبل غير الأتوماتيك وراح تنسى المشكلة بإذن الله .

[مركز حراره]

سيخ الرديتر 100% واذا كان رصه يجي رصتين ركبه وارتاح

[ابوعمرالحربي]

أخي الغالي المشكلة عندك بالديتر يحتاج تسييخ وتنتهي المشكله وقبل ذلك تأكد أن شبك الديتر نظيف من الخارج ولا يوجد عليه ترسبات تعيق مرور الهواء من خلاله.
ومع أحترامي لرأي الأخ اللي يقول أتوماتيك المروحة !
عندما يتعطل أتماتيك المروحة ترتفع الحرارة عند توقف السيارة فقط

[4800VTC]

واحد من الشباب نفس مشكلتك اعرفه شخصيا

يقول ما بقى شي ما سويت حتى المراوح غيرها:mad:
و اخر شي طلعت المشكلة من عداد (امبير) الحراره:eek:

[الضيغم]

السلام عليكم ورحمة الله وبركاته

مساء الورد

الماء اللي بالرديتر ينقص ولا لا

واذا كان ينقص شف السبب

وأحتمال كبير غطاء الرديتر زي ما تفضل ألأخ الغالي وكذلك يمكن ( الأمبير )


والله يجزاك خير على حسن نيتك

[ابوكشتات]

رجع البلف وتزين امورك

[yousef1410]

مساكم الله بالخير جميعاً .
السيارة دفع خلفي والمروحة تجي راكبة بصدر المكينة مقابلة للرديتر وهي اللي تسوي المشكلة لأنه مع السرعة يضرب الهواء على المروحة ويكون قوته أكبر من قوة المروحة وتقل سرعته أو تتوقف نهائياً .
المشكلة متأكد منها تماماً وفي كل الأحوال اختبارها ما يكلف ولا ريال وتتضح النتيجة مباشرة قبل يفك الرديتر ويسيخ أو يشتري غطاء .. فإذا ما نفعت ما ضرت ..
المشكلة صارت معي قبل ومع أكثر من واحد واختبارها بسيط بس فيه خطورة لغير المختص لأنك بيدك تمسك المروحة وتوقف معك على طول إذا الأوتوماتيك متعطل ولو كان شغال ما راح تقدر توقفه وفيه خطورة .
أهم شيء إن اختبارها بسيط وغير مكلف قبل مايفك الرديتر .

[ملتبكك]

بيض الله وجيهكمم .. على التفاعل


وقبل اغير شي راح اشيكك عليه .. وراح أوفيكم بالاحداث بأذن الله

[BLA6K]

نفس مشكلتك صارت معي
والحل 100% من البلف كنت شايله يوم ركبته رجع الموتر طبيعي
لكن هذا مايمنع أنك تشيك على الديتر والمراوح الخ ..

[مسافر بلا عنو]

بسم الله الرحمن الرحيم

المعذرة ياخوي ملتبك اني شاركتك في الموضوع . لاكني أنا معي نفس المشكلة في سيارتي . وهي ارتفاع الحرارة الحرارة قريب النص وبدون تشغيل المكيف وسرعتي في السيارة كانت مابين 110 إلى 120 بمعنى اني إذا تعدت السرعة 100 زادت الحرارة إلى قريب النص وإذا نقصت عن 100 نقصت الحرارة . مع أني مغير الرديتر ثلاث رصات نحاس اماراتي . أيضاً غيرت كلتش المروحة أصلي قيمته 320 ريال

فماهي المشكلة . علماً أن سيارتي هايلوكس موديل 93 ولا أقدر ابيعها لأني اعشق هذا الموديل

[Khaled Al-Ota]

ياصاحب الددسن عندي الحل وهو تماتيك المروحه وقد حصل معي

غيره اصلي وكاله وإرتاح

[azq]

خوي قبل كل شيء تعمله انتبه على الجوين - لي - مواسير الماء الخارج من الراديتر الى السلندر اثناء السرعة الزائدة احياناً يبدأ بالغلق بالانكماش وبالتالي لايسمح بدخول الماء الكافي لتبريد المحرك ....؟ ثم بعد ذلك جيك على الماء ان كان تسريب ثم الثرموستات ثم نظافة الراديتر ............ وقم بعمل تنفيس الراديتر من الهواء ان كان فيه لانه يسبب حرارة ........ # ان كان الجوين - لي منه السبب استبدله بجديد ونوعية جيدة

[الظافر]

السلام عليكم ورحمة الله وبركاته اخو صارت الي هذى المشكلة بسيارتي باترول وغيرت الرديتر و تماتيك المروحة وكلها اصلي حتي الماء وسافرت على اساس الموتر زبط لكن المشكلة موجوده حتي أني فكرة أبيع السيارة بس ارجع و كان واحد من الزملاء مكانيكي قال شغلك هذا كله خساره المشكلة عندك في خراطيش الماء طلع كلمه صحيح وغيرتها وراحت المشكلة ونصيحة لك غير اليات وان شاء الله يزين الموتر معذرة على الاطاله

[ملتبكك]

ي أخوان .. غيرت غطاء الاديتر .. ورحت ب صيخ الاديتر قالي صاحب المحل
أديتركك نظيف مايتاج تصييخ .. فحصة تماتيك المروحه وطلع شغال ولله الحمد
والمشكله للحين بالموتر

[مركز حراره]

اخوي اذا كنت بلقصيم الله يحييك واذا مازان موترك لاتحاسب

[yousef1410]

مثل ما قالوا الإخوانAZQ والأخ الظافر الله يجزاهم خير .. بالفعل نسيت الخراطيش .. جرب وأنت واقف على السيارة اسحب سلك البنزين بقوة عند الرديتر وخل صوت السيارة يطلع بالحيل .ولا خل واحد يدوس على الأبنص بس بسرعة عالية وخل عينك على الخراطيش إذا انكمشت فهذي المشكلة الخراطيش انتهى عمره وتقفل مع ضغط الماء وتصير هذي المشكلة أكثر شيء مع السيارات اللي البلف مفكوك من السيارة .

[BLA6K]

ي أخوان .. غيرت غطاء الاديتر .. ورحت ب صيخ الاديتر قالي صاحب المحل
أديتركك نظيف مايتاج تصييخ .. فحصة تماتيك المروحه وطلع شغال ولله الحمد
والمشكله للحين بالموتر

يـ: الغالي قلتلك رجع البلف ورد لي

[ابوعزآم]

صيخ الرديتر متأكد منها 100٪ واحتمال يحتاج تغير الغطاء حق الرديتر ..
ولاتنسى تغير مويه اصليه ..

صارت معاي في جيب باترول ربع 2005 بس ما احتجت اغير غطاء الرديتر

[ملتبكك]

الأخوان الي يقولن رجع البلف .. لو رجعته ب تزود الحراره .. وانا حذفته ونزلت الحراره بشكل ملحوض بس منتهت المشكله

[فارس المصارير]

تبي العلم الاكيد
الخراب واحد من الاثنين
يالطرمبه ولا حساس الحراره مب مضبوط

[طاررق]

والله صارت معي

قسم بالله ماخليت ولا شي الا غيرته وكاله وفي الاخير مليت منها وبعتها

[التغلبي 502]

شيك على الخرطوش اللي من الاديتر للمكينة بتلقاه ينسم شيك عليه وانا شبة متاكد لان نفس المشكله جتني وانحلت ب 20 ريال

[وطن العزة]

مشكلتك ما تطلع من هذي

1- الخرطوش وهذا هو الأقرب... لأن مع السرعه العالية او الدعس ينصفط عندك ويحبس الماء

عن المكينه فلازم تغيره وللتأكد امش الين ترتفع الحراره وبعدها وقف بسرعه وافتح الكبوت وشف او ادعس له وهو واقف وخل معك واحد يراقب الخرطوش >> وصارت معي بالددسن

2- طرمبة الماء تكون ضعيفة مع السرعات العالية بس ولاتدفع الماء زين للمكينه

3- الدبة الوسطية (دبة التلوث) منسده


وبالنسبة للمراوح او كلتش المروحه ماله دخل لأن اغلب المواتر تفصل مراوحها مابين 80-120

ويصير التبريد عن طريق الهواء اللي يضرب خشم الموتر