مشكلة بجهاز 276c من لديه الحل ؟ يتفضل

[nass2005]

السلام عليكم ياشباب أنا حصلت معاي مشكلة بجهاز 276c..... والجهاز مشترية من سنة وشهرمن( دارالموجة)مع ضمان سنة فقط وستخدامي لة أستخدام حشمة ....بس ذاك اليوم حاولت اشغل الجهاز بس قلبت الشاشة لونها أحمر وفيها مسج سوفت وير لوس حاولت بكل الطرق اني أشغلة بس المشكلة عجزت معوة .....:confused: ... رحت لفرع ((دار الموجة)) الجديد الي بالدمام الوكيل وعطيتة الجهاز عشان يرجعة للحياة..... وثمن قام الزول يطقطق بزراروة أكثر من ساعتين يقالوة خبير برمجة وهو من جبنبها .... قلت لة وش الحل قال نودية الرياض يحتاج لة سوفت وير قلت مومشكلة ودة الرياض ....وياخذ الجهاز ثلاث اسابيع وبعدها دقيت على الزول: وقالي ما عرفنا نصلحة و الجهاز ماقدرنا نزل لة سفوت وير تعال خذ جهازك ........ وكيل ((ما عندهم تقني يعرف يصلح الجهاز أو يعرف وش علتة )) الدعم الفني الي عندهم فقط على السوفت وير يا شباب للمعلومية فقط يعني بعد ماينتهي الضمان مايعرفونك وأذا أختربت أي قطعة باجهاز مــايوفرها لك أبسط شي الجهاز لو طاح منك ونكسرت شاشتة قطوة با زبالة لاتعب نفسك معهم !!!!!! قلت لة أذا معرفتو تصلحونة عطوني جهاز بدالوة :no2: قال مـــــــــــالك الى جهازك دبر نفسك وش رايكم يا شباب برد ... صراحة شغلة تفقع المرارة ...قلت لة راح اشتكي عليكم قال رح أشتك ماهي مشكلة ..... والجهاز الي كلفني 2700 ارمية ..... وش الحل ياشباب مع المعلومية هذي الأجهزة حساسة ومو اي مصلح يصلحة ... وش الحل ياشباب

[لبرتي]

وعليكم السلام ورحمة الله وبركاتة

والله شي غريب المفروض أنهم يصلحونه حتى لو بفلوس

لكن ليه ما تروح لمحلات ثانية مثل محل (( الشمالات أو العامة أو البوصلة )) بالرياض وجرب حظك معهم


بالتوفيق أخوي

[مسافر1]

أعتقد أن عنوان الموضوع قاسٍ .. .

[طالب حق]

من الأهمية بمكان أن يضع الواحد منا بعين الإعتبار ما يسمى " ما بعد الشراء ". خاصة إذا كانت السلعة المطلوب شراؤها متوفرة في أكثر من محل ويوجد لها أكثر من وكيل.

لكن مثل جهاز ال جي بي إس لا يتوفر إلا عند جهة واحدة ووكيل واحد (مثل دار موجة). وهنا تكمن المشكلة والله المستعان.

عموما، أعانك الله أخي/ nass2005

[ابوعزيزm]

السلام عليكم ورحمة الله وبركاته

الله يعيننا وأياك والله أنه شئ يضيق الصدر لكن . . لا تحزن إن الله معنا

أنا من رأيي أنك تودية للرياض مباشرة وتدخل عليهم وكأنك أول مرة تبي تصلحة وعطهم أياه يمكن أذا ما صلحوووة يعطونك جديد على الضمان ترا السوداني من أول ما قلت أنه قعد يقلب الجهاز عرفت أنه ماعنده أستعداد يخدمك
وإذا رحت للرياض حاول أنك تقابل سعودي أو مصري لأنهم دائماً يحبون الخدمة وما يحسدون العميل . .
وخلك أخلاق :) لا تعصب علشان تبلغ المضمووون :)

والله يعيننا وأياك . .

[ابوالجازي]

السلام عليكم
ياليت اكرم يدخل ويرد على الموضوع ويفيدنا كيف هذا الشي يصير

[خيال الغلبا]

نعم هذا هو حال دار موجه يااخوان
وقد مررت بنفس التجربه ..........
اذا استلموا قروشهم قالوا لك نوكل على الله مالك سنع عندنا ... نعم

[المستوي 1]

اذا تبي شوري ......
صار معي زي ما صار معك و لكن مع شركه ثانيه
وش سويت؟؟؟!!!
كلمت مديرهم قال ما لك عندنا شي،،،، قلت وكيل ولا عندك هذي القطعه ،،،،قال نعم ،،،، قلت زين

رحت الى موقع الشركه الام على النت و كتبت لهم بالانجليزي وش صار معي بكل ادب او حماس زايد لاني اعرف انه انا الكسبان
و اليوم الثاني جاني الرد بالخير و قال رح للوكيل خذ القطعه
و اروح لهم ثانيه و المدير منكسر خشمه وفك احد الاجهزه الجديده و اخذ القطعه منه

و بدون اي مشاكل


و دمت سالم

[وجهة نظر]

السلام عليكم
والله انا اعرف صاحب الوكاله ( القاسم ) معرفه من بعيد والله من غير
مجامله الرجل فاضل وخلوق ولايمكن يرضى بمثل هذا ... وزود علي هذا
حريص علي سمعته تراه يدوام بفرع عمارات الصالحيه علي طريق الملك
فهد بالرياض .................................................. . وشكراً

[غالي]

بتخوفونا كذا ياشباب ترا عندنا نية شراء منهم :(
هاه اجل نهون وناخذ ماجلان؟؟؟؟؟؟؟؟؟

[عين محمد]

المشكلة هالسوداني اللي بالدمام اذا قلت له شي قال انا مهندس وهو ما يقوا يسوي تحديث للجهاز وعنده استهتار واضح بالعميل.......تكفون يا شباب اللي يعرف الرابط حق الشكاوي يضعه لنا......... مشكورا

[مخاوي الأحزان]

اخوي nass2005 الله يعوضك إنشاءالله
ماأقول إلا الشكوى لله وحسبنا الله ونعم الوكيل
إن كان هذا الوكيل المتعمد ( دار موجه ) يقول لك كذا تعال خذ جهازك مانقدر نصلحه
فكيف ببقية الوكلاء الآخرين
أين الفنيين أين المصلحين عند هؤلاء الوكلاء المعتمدين ( دار موجه ) !!