ما هو أفضل الأنواع من (( منفاخ الهواء))......... [الأرشيف]

kaaaatm

01/08/2006, 11:06 AM

السلام عليكم ورحمة الله وبركاته...............

بصراحة يا شباب انا جازتلي مواضيع المنتدى وهذا بفضل الله ثم بفضل أعضاءه الكرام

ولكن الموضوع هو:

ماهو أفضل منفاخ هواء لتفخ الكفرات

من حيث القوة
وسرعة التفخ
وعدم احتمائه
وقدرة على تفخ أكثر من سيارة

بغض النظر عن السعر؟؟؟؟؟؟؟؟؟؟؟؟؟؟؟

يا ليت طيور البر يفيدوننا في هذا الموضوع وجزاكم الله خير لاني ناوي اشتريلي واحد

مسافر1

01/08/2006, 11:32 AM

عليك أخي بأبو جمل ..
وهونوعين يجي أصلي وتقليد ..طبعاً عليك بالأصلي .
ويتم تثبيته داخل كبوت السيارة ..

ولد وايل

01/08/2006, 04:31 PM

تلقى عند العليان شي ممتاز افضل من ابوجمل

اشكرك اخوي

ولد وايل

01/08/2006, 04:42 PM

تلقى عند العليان شي ممتاز افضل من ابوجمل

اشكرك اخوي

ابو فهد 911

01/08/2006, 06:39 PM

انا شريت منفاخ ابو جمل مهوب اصلي وممتاز جدا شفه عند العبوثاني 170ريال وعند غيره فرق واجدج وسراحه سريييييييييييييييييععععععع جدا طبعا الحراره لازم يحتر بس معه فيوز اذا احتر مره يفصل لا يفوتك

kaaaatm

02/08/2006, 07:24 AM

مشكورين اخواني على الردود

اخوي المسافر كيف افرق بين الأصلي والتقليد.................

اخوي ولد وايل ايش هذا النوع اللي هو افضل من ابو جمل............ ياليتك تحط اسمه..............

اخوي عاشق الشاص بالعادة التقليد مايكون مثل الاصلي من حيث طولة العمر والمكدة وتحمل اكثر من ثلاث سيارات...............

عجلوا علينا بالردود ترانننننننننننننننني بشتريلي واحد هاليومين ................

وشكرا

الدبل الثقيل

02/08/2006, 05:50 PM

اللي عند العليان اسمه تايقر .. وبجي صغير و كبير..

أبو أسامة

02/08/2006, 06:27 PM

السلام عليكم ورحمة الله وبركاته

أخي الكريم : عليك بأبو جمل الأصلي ............... وإذا أنت من أهل الرياض وتبيني أروح معك للغرابي عشان تأخذ الأصلي ماعندي مانع ....... بالنسبة للتايغر فالذي أعرفه أن التايغر كان يجي منه ياباني والله يعيش صدق بس عيبه أنه بطي جداً ...... أما الذي أسمعه الأن عن التايقر الآن أنه يصنع في الصين .............

وإذا أنت مقرش وماهمتك الفلوس رح للرماية على شارع التخصصي وأشترلك الأسترالي ...........

الرهدن

03/08/2006, 06:11 AM

السلام عليكم /
ياجماعة الخير لايقربكم الصيني وللأسف الغالب صيني ويوجد موضوع مثل هذا في المنتدى لكن لايحضرني الرابط00

*

سداااااح

03/08/2006, 11:00 AM

فيه منفاااخ هواء
يمكن يكونالاسترالي
اسمه
Rab
موجود عند الرمايه
والعليان بحدود 900 على ماعتقد
هاذا افضل شي موجود بالسوق
يجي بعده على ماقالو الاخوان
ابوجمل بحدود 270
الاسعار هاذي توقع تحتمل الصحه والخطاء
من زمان مدري عن اسعارها
اخوك
سداااااح

ملاعب الريح

04/08/2006, 02:40 PM

أبو جمل كله صيني الأصلي والتجاري وسعره كان 250وما تحصله بهذا السعر في الغرابي لأنه منقطع
بالنسبه لنفخه للكفرات ينفخ الكفرات الأربعه من 10 إلى 35 في قرابة 10 دقائق ويصخن بعد 6 كفرات تقريباً لاكن ما يطفي هذا بالصيف أما بالشتاء ينفخ 8 كفرات بالراحه

ألحين سعره بــ270-280 وقليل تلقاه وعند السنيدي بالقصيم (بريده) 260 الأصلي

الربان

05/08/2006, 12:51 AM

اخي kaaaatm
السلام عليكم ورحمةالله وبركاته
سبق لي وان استخدمت الاستراليوهو ممتا ز جدا وسعره تقريبا عند
العليان (860)ريال وعند الرمايه (980)ريال هذا والله اعلم

كذلك استخدمت ابوجمل الاصلي وهو ممتا ز ايضا ووكيله الشراع
واخذت منه بالأمس الخميس اثنين بقيمة (520)ريال اي (260)ريال للواحد مع الضمان(6)شهور

باترول 4×4

05/08/2006, 01:46 AM

الاخوان سداااح و الربان ياليت تذكرون لنا مدة نفخ الماطور لكفرات السيارة بالدقيقة إذا أنتم مجربينه للفائدة للجميع .
أما أنا فعندي ماطور من سنتين ونصف أمريكي مادري وش نوعه شريته بـ180 وسعره الآن في ساكو قرابة 130 يعبي الكفر من 20 إلى 40 في 4 دقايق ويحتر لكن مايطفي ، وهو على الولاعة لكن جعلت أسلاكه على البطارية مباشرة .

kaaaatm

05/08/2006, 12:12 PM

اخوي الربان وين القى وكيله الشراع....ز

الربان

07/08/2006, 02:59 AM

اخي kaaaatm
اتمنى ان الوصف قد وصل اليك وعموماً هذا رقم التلفون(2760169)الشراع.

اخي باترل 4×4
بالنسبه لحساب الوقت في الحقيقه لم احسب من قبل ولكن اجد ان الاسترالي و ابو جمل هما الاسرع.
اما بالنسبه للحراره من واقع تجارب واستعمال لعدد من المواطير سواء اصلي او تجاري فالجميع يحتر بدون استثنأ ولكن البقاء للاصلح.

ولد وايل

29/08/2006, 02:38 AM

اخووووووووووووي معي بالسياره شاريه من العليان

عموما له ضماااااااااان 30 امبير

جربوع داعس

29/08/2006, 03:02 AM

ماظنك بتلقى افضل من ابو جمل الاصلي والماطور الاسترالي بس انتبه ترى ابو جمل يجي منه اصلي وتقليد
الاصلي 260 ريال اما التقليد 170 ريال وانا جربت التقليد شاريه من الغرابي تشوفه تقول اصلي وانفجر اللي معاي مرتين ورجعته لم ابو يمن ولقيت اصلي وشريته ومعاي الى الحين بصراحه عملي لكنه ابطأ بنفخه من منفاخ يسمى الحصان لكن الحصان يحتر بسرعه اما ابو جمل :good: خذ ابو جمل الاصلي واتكل على الله واشوف بعض الناس يركب فيه راس ثاني بحيث يكون اسرع بالنفخ بس مادري كيف الطريقه:confused:

أبو سيف السيف

30/08/2006, 11:44 AM

ياخي انا شاري ابوحصان يحتمي بسرعه لدرجه سلكه الأصفر ماع من الحراره
بس ترانن معبي 3 سيارات باث وددسن وهايلوكس
وش حليله خفيف وعملي وسعره تقريباً " 180 "
وتلقاه عند العوبثاني بالغرابي

gmc1

31/08/2006, 03:33 PM

هناك نوع من أجهزة نفخ الهواء تأتي مع لاند كروزر الحوض ( الشاص ) ويقال إنها تحمل علامة تويوتا ( يعني تجي مع الجيب الشاص المويلات الجدد من الوكالة )

منتعش

01/09/2006, 02:55 AM

حي الله أخوي المحب
يمكن يفيدك هذا الرابط :
http://www.mekshat.com/vb/showthread.php?t=36815

والله يوفقك

ابن المدينه

01/09/2006, 05:34 PM

يا شباب ممكن تطلعون صورته

يوجد نوع يأتي مع الكامري وعليه علامة تويوتا لكن لقيته في احد المحلات بــ 90 ريال بسسسسسسسسسسسسسسس

واضن الى يجي مع الكامري نفس نوعيته وهو صيني

المحل اسمه كل جديد في المدينه النبويه الفرع الى على الدايري جوار مستشفى الاحمدي للعيون

kaaaatm

02/09/2006, 01:54 PM

يا شباب ابشركم اخذت المنفاخ ابو جمل الاصلي من الشراع وقيمتة 270 ريال هذه الايام وله ضمان 6شهور وهو ضمان استبدال

لكنه خذ رجال

شبح الصحراء

02/09/2006, 02:02 PM

انا جربت ابو جمل وبصراحة فاشل لأنه بعد استخدام سنتين تهرقل وانقطم اللي وماع سلك التشغيل من الداخل وبلشت فيه مع اني ما استخدمته كثير .

أفضل شي هو منفاخ سفاري وارد الشراع الأصلي بصراحة لا يعلى عليه منفاخ تحطه على يمناك .

kaaaatm

02/09/2006, 03:17 PM

اخوي شبح الصحراء

انا اللي اقصده النوع الاصلي

وبعدين ان نفس صاحب المحل حق الشراع يقول ان ابو جمل افضل من سفاري ولا بفرق ويقول ايضا ان سفاري ماعليه ضمان بسبب كثرة خراباته............

وشكرا وآسف على مخالفة الراي...........

شبح الصحراء

02/09/2006, 03:38 PM

لا عادي الإختلاف لا يفسد للود قضية مثل ما يقولون بس ترى ابو جمل اللي كان عندي اصلي على ما اظن لأني اشتريته فوق 300 ريال من عند محلات الزينة بالنسيم ، بس انا كنت مركبه داخل الكبوت عند المكينة فترة بسيطة وبعدين فكيته ، هو صحيح قوي وفيه بستمين بس تهرقل علي وتفكك مع انه ما كمل سنتين والليات خربت .

kaaaatm

06/09/2006, 02:49 AM

كل له رايه يااخوي شبح الصحراء لكن الاخوان كلهم مدحو ابو جمل الاصلي

ابو فهد 1

06/09/2006, 03:25 AM

وعليكم السلام ...

انا عندي ساكا شاريه ب200 وراسين مره خرب وصلحته بس ركبت له سلك عريض

وماشاء الله الحين معي له ثلاث سنين والي مب الاصفر ركب بلف بدال ماتشبك الي الاصفر ويطلع سريع النفخ ومايحتمي ابد

لازم تغير السلك لان السلك يجي سخيف عشان كذا يحتمي ....

والسلام عليكم..