اسعفوني بالله

[ابو خالد 1991]

السلام عليكم
امس اشتريت قرموشه ولا هي راضايه تاكل ما الحل في اكلها

[فتك الاسطوره]

اخوي وضح وشو القرموشه

[.راعي الطير]

وعليكم السلام اذا الطير صنيع طمرمه يوم وبكره ان شاءالله بياكل
واسال راعيها متى موعد علفها
وان شاءالله الشباب بيفيدونك

[أنا داري]

يفدونك الاخوان انشالله مايقصرون
بس وضح
هل الطير فرخ وفيه وحاشه ولا الطير ناقله قبل ومدهل وفجأه مايعلف؟!

[أبوبسام ممدوح]

اول مره اسمع بهالاسم
اخوي وضح وشي القرموشه

[ابو خالد 1991]

الطير فرخ وحش النوع سفن ايت

[ابو خالد 1991]

ومشكورين عالمشاركه

[شاهين2]

السلام عليكم ورحمة الله وبركاته
القرموشه ذكر الجير
اخوي حاول تعطيها علف وهي مبرقعه
واذا علفت شيل البرقع ولا تخلي احد عندك
واذا ما علفت حاول اكثر من مره
وكثر النقل لا تخليها تنزل من ايدك لما تطيح وحاشيتها

[حر اشعل]

وعليكم السلام أفادك شاهين2 وماقصر في شئ

[اسلي نفسي]

الطير فيه وحاشه كثر من نقلته وعلفه وهو مبرقع
وبيستانس وبياكل انشالله

[عبدالرحمن بن ذياب]

الظاهر ان الطير وحش وزي ما قال اخوي شاهين انقل الطير على يدك
و خذ معك قطعه نسر و امسحها برجل الطير وإذا نزل راسه حاول تعطيه النسر و هو مبرقع
و لا تنسى الطير من الماء حط له مويه بفنجال قهوة و سو له نفس الطريقة
و امسح على صدر الطير باستمرار و اكشف البرقع عنه 5 ثواني ورجعه و لا كشفته و حسيت انه بيكفخ
برقعه و تاكل من صيده واي استفسار ان شاء الله ما بيقصروا الشباب معك

[سنجااار]

الطير وحش دهله وناسر الطير لين ينقز ع يدك

وبالتوفيق

[علي الصقار]

ياخوي امر عادي الطير وحش حاول تخلي العلف عند صوايد الطير وحرك العلف عند ارجوله وان شاء الله بيعلف بس انت وسع بالك عليه والباقي افادوك بيه النشامه

[برق المغيب]

افادوك النشامى وماقصروا وهذا الكلام الصحيح توه وحش اتعب عليه شوي

[من طبعي القنص]

انا جربت هاالطريقه علي طيروحش اكلة وهو ابرقع وستجاب معي والحمدلله

[صقار الأسياح]

اخوي شف حوك من الربع صقار وخله يعلمك احسن لك

[عشق الرحيل]

افدوك الاخوان .......

[ابو خالد 1991]

تسلمو وما قصرتو