بخصوص الاستوقر

[ع الحربي]

السلام عليكم ورحمة الله وبركاته
اخواني بخصوص تشوكات الاستوقر
من يفيدني عنهن
انا كل مارميت تنتف ريش الطير اللى انا رميت ولا يموت
وش السبب
هل الشوكات لها دخل في السالفه او ان صوت يصدر قبل الفشق
يااااليت تفيدوني

[ستيفنزالقصيم]

وش نوع الفشق المستخدم بعدين جرب رميها عل لوح بلكاش

[بواردي الروقه]

انت يمكن ترمي برقم 7

جرب رقم 6 او رقم 1


بس انتبه لها من الظغوط

ترا التركيات مايتحملن الكرف

[ستيفنزالقصيم]

حتى لوكان 7يطرح الطير المشكله يقول مايموت

[ع الحربي]

اتشوكات وش اركبه ايهما احسن ابي العاديه مره
ياليت تنزلون لي صور الفشق الطيب
الفشق ابو غزال اللى نازل الجديد 7ونص ضغط 36 انا استخدمه
فيه واحد يقول لي بس مدري هو يعرف ولا لا يقول تبي وزن الغاز
انا بندقي مااتوقع انها على غاز
ياليت تفيدوني
ابي اركبه لها تشوكة بانلي 660 تصلح لها ولا لا

[السجل المدني]

نفس الطريقه بس ريش -------بس احسن رقم 2

[راعي البريدوس]

اول شي يغالي اعرف مرمي شوزنك بعدين فكر في التشوكات

انت وين تحط الهدف في الطير ولا فوقه ولا تحته ؟

سؤال اي تشوك مركب انت وكم المسافه اللي ترمي بها ؟

انا معي ستوقر مثلك او عموم التركي لازم تحط الهدف في الراس لان الرمي والحلبي ينزل تحت مو مثل البلجيك تحطه تحت الطير يرتفع الحلبي .

النقطه الثانيه افضل تشوك له رقم 2 وتشوك رقم 1

ولا تركب له تشوكات حقت بنلي لان بيكون فيه سنه من الماصوره ناقصه تنفجر عليك مع التدبيل بالضغط

[حربي الحرة1]

السلام عليكم ورحمة الله وبركاته
يااخوان اللي عنده خلفيه عن الستوقر وش الحل مع زمتها ؟؟؟
مع العلم ان زمتها بالحيل
وبلشه للطير اللي بالشجره

[الراحل عنيزة]

انا معي نفس المشكله ام سيلان ام وحده اذا رميت من قريب يطيح الطير ومن مسافه بعيد شوي مايدري عنه الطير وبعض المرات القريب مايطيح ووش الحل

[اكسجيين]

ساعطيك اقتراح بسيط وسهل وستخرج بنتيجه معرفة مرمى بندقك بنفسك لأن كل واحد له راي بعضهم رميه من بعيد والبعض يفضل الاقتراب للصيد ، فالافضل انك تجرب بنفسك بكل التشوكات، مر اقرب مكتبة وخذ 5 صحايف ورقية الي تجي متر في متر ، وارسم دائرة بوسط كل صحيفة ولونها بلون واضح ، اطلع اقرب شعيب وثبتها على طلحة واحسب مسافة مرماك، وتوكل على الله وضع العيار اسفل الدائرة المرسومة مباشرة ، وهكذا بجميع التشوكات ستعرف حينها مرمى بندقك وتوزيع الحلبي لكل تشوك. ولو اخذت راي الناس الي يبي يقولك 1 والي 2 والي 3 وكلن يفضل تشوك معين وفشق معين ، اما بالنسبة لي افضل تشوك رميت فيه بالستوقر رقم 3 مع 7.50/32 للموقع والطيار الى 40 متر رشه رائع وخفيف للقريب والمتوسط نسبياَ.

[ستيفنزالقصيم]

احسنت وبارك الله فيك اكسجين ....

[جول قميري]

اخوي عندي تشوكات ستوقر 660 و 685 خارجي من ترولوك جديده بغلافاتها
اذا لك نظر راسلني..
تحياتي

[بحر الخليج]

هلا بك يالحربي الستوقر معي ورميها حلوبس ترى فيها زمه قويه بحيث تحط النيشان في اسفل الصيده على سبيل المثال اذا ترمي حمامه من مسافة 35 متر وحولها تحط النيشان في ارجل الحمامه وهكذا مع ملاحظة اني ارمي بتشك 2 وفشق 6 ضغط 36 وترى فشق 7.5 حلو للحمام والقميري لكن مثل ما قلت لك وان شاء فالك الصيد

[فرخ الجني]

انا معي ستوقر 2000 ومركب لها شوك 660 حق بنلي ام1 الطير القريب اقص راسه قص اغمس الحبه براسه وينقص بس هالطريقه تبي دقه عشان ما تتلف الطير

[ع الحربي]

صباح الخير
يعني اركب تشوكرقم 2
يعنيكل رميي يكون عند رجلين الطير
القريب والبعيد