الحل الرائع لندف الشوزن أم حبة المفجع

[DAWRD]

السلام عليكم و رحمة الله وبركاته


أعتذر أولاً لصاحب الصورة المستخدمة في الموضوع ولكن للحاجة للتوضيح تم أستخدامها


من تجربتي في شوزن ام حبة وندفها الأمحق و البحث مرراراً وتكراراً عن الحل كنت أستعمل الشماغ بلفه بشكل متكرر على الكتف لتخفيف الندف و لكنه حل غير عملي


بعد كذا ركبت جلد بلاستيك في اخمص البندق و ما تاخذ فترة و تنقطع لانها صينية معفنه وبعض المرات و أنت تركبها تنقطع معك (مهي نفس الموجودة في الصورة الصورة لتقريب الفكرة لا أكثر)

http://www.mekshat.com/pix/upload05/images250/mk42666_mk32953_w.jpg

يقال فيه نوعية من الربل البلاستيك أصلية و لكن سعرها 300 ريال يعني 10% من قيمة البندق النظيفة



بعد بحث مطول سابقاً حصلت الحل وهو محزم أمريكي زي محزم المسدس تقريبا مزود بحشوة من مادة نسيجية لينة تمتص ندف الشوزن(أنس تنكسر ترقاتك أو حتى تحس بندف البندق) وحصلته بالصدفة في أحد المحلات التالية لأني ناسي وين شريته بالضبط (الرميح ، الرماية ، الهدف )وجميعهم قريبين من بعض في شارع التخصصي بالرياض
نجي للسعر يصل سعرها ل150 ريال طبعاً أنا شاريها مبطي ماني متأكد من أسعارها الأن

http://www.mekshat.com/pix/upload05/images250/mk42666_20120924_054425.jpg

http://www.mekshat.com/pix/upload05/images250/mk42666_20120924_054550.jpg

طيب واحد يقول غالية نقول ما فيه مشكلة يا أخوي تقدر تفصلها بالمقاس الي يناسبك عند محلات الأشرعة و تجهيزات عزب البر وتقدر تحط الحشوة 3 الى 4 بيوز الي تشيل فيها الدلة و ما راح تكلفك ولا 20 ريال

http://www.mekshat.com/pix/upload05/images250/mk42666_imagescabsoq4e.jpghttp://www.mekshat.com/pix/upload05/images250/mk42666_imagescajnto9n.jpg

ختاماً وخدمة للأخوان في الموقع لو تم الإجماع على محل أوديها له ويفصلها بشكل جيد نفس بنفس تصميم الكتافة الموجودة عندي بحيث تباع بسعر منخفض للاخوان في منتدى مكشات حتى لو يطبع عليها شعار المنتدى و تكون دعاية له


أتمنى أكون وفقت في حل مشكلة أزلية واجهتني شخصياً وواجهت معظم محبي الشوازن الكسر

[اتحشى الهم]

الله يجزاك خير كانكم سويتوها احجزلي وحده
اتشرف اكون اول من رد عليك

[DAWRD]

غريبة جداً 275 مرور على الموضوع و لا واحد علق
طيب قل ما عندك سالفة
والا قل نعرف هالحل من مبطي
والا كتوف الناس تعودت على ندف الشوازن وما صار يهمهم الحل



والمشرف وينه فيه إقتراح كنت أتمنى أنه يكون أول من يرد

[التركوازي]

جزاك الله كل خير

فكرة جميلة
وفيه حل ثاني جربوا ترمون بضغط 32 جرام واقل وبتلاحظون الفرق

[ابو صقر 111]

لاتنزعج ابد 000الناس تحب تقرأ اكثر من الكتابه وفكرتك واضحه وسيستفيدون منها ان شاء الله

[ذيبان 2000]

يعطيك العافيه

[ابو وليد999]

تسلم ياذيان ويعطيك العافيه بس هل بعد تجربتك ماتعلم الشوزن علا كتفك كدمات

[المنطلدز]

وعليكم السلام

حل رائع الف شكر لك

[الخديوى]

الصوره الاولي اللى تركب بعقب البندق تجي انواع انحش من الصناعه السوريه وبتلقا الصيني هذا الزين ورهيف على الكتف السوري لعين زي بشار وقاسي.

[تربة الشمال]

بيض الله وجهك على الاقتراح الطيب وماقصرت

[magnum 350]

الله يعطيك العافيه يالغالي وماقصرت وعسى الله يجعلها في مزازين حسناتك

[دكتور زمانه]

بارك الله فيك
بصراحة موضوع مهم جداً لمستخدمي
ام حبة . انا سنوات على ام صتمه ويوم
استخدمت ام حبة توهقت بهالندف والله
انها تخرع الكتف . لكن حلك رائع جداً
٣ اسئلة صغيرة
س : لو بحثت عنها في المحلات الي ذكرتها
هل اقول لهم حزام شوزن والا وش اقولهم
والشي الثاني تحس انهاخففت الندف بنسبة كم ٪
شي ثاني صوتها الي يفقع الاذن ماله حل ؟ هل
تنفع معه السماعات الي تباع في السوق
اكرر شكرك واسف على الاطالة

[مكشاتي 33]

الله يجزاااك خير ع الفكرة الممتازة

انا سألت واحد يقووول جبلك أسفنج مقوى مثل الي ينحط تحت الفرشات ودبله خمس قطع وشرطنهن ولزقهن في آخر بالشوزن وتقبل مرووووري

[حربي الحرة1]

ماقصرت يالذيب الله يعطيك العافيه
تقبل مروري

[ال-رايق]

الله حي اخونا ..وسبحان الله العظيم
وتراها من طيب الرجال انه يصير مثل الحلم ..او مثل مايقولون (الذيب على طاريه).
=
اليوم العصر ونظرا لتخويف التفاتيش قلت ابجرب شوزن كسر ايطاليه /عندي من زمان وقاص من ماصورتها يجي شبر بسبب الصدى والميلة..المهم بنت الطليان رميت بها في شعيب حولنا -فقط رميتين- والله ان مكان رجفها انه يعور للان وانا اكتب,,هذا وانا حاط البلاستيك اللي بالاخمص شاريه من الرماية لكن مافاد مع انه فاد مع التركيه ام روحين(مسمّيها الولبة هههههه)لأن لها فتحتين فوق بعض:D
نجي لموضوعك الله يعطيك العافيه:
هذا جيد ودامك مدحته بنصدقك ونص
لكن اللي بيرمي بالجهتين ما هو قاعد يفك وينقله من مكان لمكان,,,,الا مثل ماقلت يرهّم شبيه له او يحط من حقات الجاكيتات يسمونها شيال.:D.لأن بيني وبينك الرجف هذا يكرهك الصيد وسنة من السنوات كان معي كندية كسر مسمّيها(قشعه) وتسوق سوق الهوايل لكن عذروبها الندف -تصدقون مارجعنا من مقناصنا الا يدي فيها بقعه خضرا كن صاقلني حمار وانتم بكرامه-.
***وفيه ملاحظه للي يقول ابحط سفنج (المشكله الله يطول عمرك انه بتبعد المسافة ويختلف النيشان اذا بتحط خدك خصوصا اذا السفنج كثير ويزغمد ماعاد تشوف الحبه)او انا غلطان؟
على العموم ياخوينا بيّض الله وجهك على الموضوع.ومن يقرا.وانا الان ان شاء الله ابروح للرماية او الهدف واشوف وش عندهم.

[دكتور زمانه]

كلامك في محله اخوي الرايق
ولاتهون اذا مريت هالمحلين عطنا
العلم وهل هو بنفس السعر
بيض الله وجهك

[ال-رايق]

http://www.mekshat.com/pix/upload05/images250/mk211399_akhms2.jpg


اخواني كما وعدتكم ..رحت للرماية والرميح(والله وماقالت من تالي وخلّوها في ذمتي سواء من ناحية التعامل او توفر المطلوب يمكن الرماية احسن شوي)على العموم ماعلينا وموضوعنا ماهو للنقد.
ورحت للهدف وحصلت عنده اللي بالصورة ب75 ريال واعطانيه ب70/وفيه مثل اللي ذكر اخونا نوعين ب100ريال و160 ريال واقصد بلاستيك ماهو اللي يعلق بالكتف لاني ماحصلته ..ولا ابغاه دام هالمزيون اللي بالصورة موجود:
1-لونين مموه مثل اللي شريت اعلاه----ولون بني مثل اللي على الكرتون.
2-يجي معه 4سفنجات سود مثل اللي بالصورة كل وحده لها مقاس(المقاس بالسماكه).
3-مصنوع من البلاستيك المقمش زي تلبيسات البنادق
----
مقاساته للاسف واحده..وهذا اللي يعاب عليه ..يعني اذا عاقب البندق كبير زي اللي عندي تحصل فيه نتوءات لكن ماعليه.
من مميزاته هالاسفنجات تقدر تحط ثنتين في شرّاب العائلة لو تبغى:D
في بندق ثانية على العموم انا ركبته في المجنونه كما يظهر من الصورة التالية وحطيت الاسفنجة رقم 3 يعني اصغر من الكبيرة مرة.

http://www.mekshat.com/pix/upload05/images250/mk211399_akhms3.jpg


والتجريب ان شاء الله بكره ...لأن الدنيا ليل وماعندي رصاص ضغط قوي لكن الخير واجد بكره بنحصله باذن الله
ونقول خير...ولكم تحياتي

[مكشاتي 33]

نفس هالأسفنج الي أنا قلته
http://www.mekshat.com/pix/upload06/images/2012/09/mk240360_mk211399_akhms2.jpg

ثاخذ ثلاث قطع وتلزقهن بشطرطون ثمين تلزقهن في الشوزن

[دكتور زمانه]

وين رحت ياخوي
قضى الموسم وحنا
نحتري تجربتك خخخخ
بشر وش صار على التجربه

[المرسل9]

فية ربل عند محل الهدف سعرة ماية ريال تركب على الكسر وحدة بوحدة اكنك ترمي بخرازة طبعا صناعة على امعتقد امريكي يجي منه نوعين اسود وبني

[ابومحــ م ـــد]

موضوعك ممتاز وفيه فايده وحل ممتاز
واتذكر اني في بدايات الصيد كنت استخدم ام حبه طبعاً الحين اللي يقدر على ام خمس يترك عنه ام حبه
عموماً بعد ما تنيشن على الهدف وتجي تضغط على الزند ارخ كتفك وحاول تبعده قدر الامكان عن الكتف وشد كفوف ايديك وتبي تحس بفرق انشاء الله
بعكس السكتون السكتون لانه هوائيه وحبه وحده رصاصه لازم تشده على الكتف وترمي اما الشوزل نثر مافيه مشكله في عدم الدقه بالتصويب

[أسامة .]

موضوع رائع بارك الله فيك .