ادعس بنزين وارفع رجلي ويطلع صوت تكتكه .. الحل تكفون

[dawas2009]

السلام عليكم إخواني الكشااته


عندي مشكلة في اليوكن 2008

وهي صوت تكتكه مع الدعس

ورميت على كذا ورشه

اللي يقول طرمبة زيت

واللي يقول تكايات بلوف

واللي يقول لازم نفك المكينة واللي يقول توظيب

بصراحه ودي واحد فاهم توريه مؤتمري ويفتي لي

فحص الكمبيوتر يقول المكينة سليمة 100٪


لا تحرمونا من مشورتكم

[Magellan]

اخوي صوت التكايات معروف بالجمس من سنة 70 وحتى الأن
انا سيارتي فيها صوت التكايات وهذي طبيعية جدا
ماهو غير الطبيعي ان تسمعه كصوت الدريل فهنا مشكلة
واحرص ان ضغط الطرمبة يكون في مستوى مناسب فوق النص او قريب منه في حالة الخمول
ويزداد مع الدعس
ونصيحتي لك ملازمة تغيير الزيت مع السيفون رقم pf61e كل 5000 كيلو
ولاتشتري السيفون الا من محلات بيع قطع الغيار
،،،،،،
اما الجاهل الذي ذكر لك ان المشكلة من طرمبة البنزين فلاتعليق

[tewster]

السلام عليكم
حبيب قلبي
نحن ضحيه تلاعب من اصحاب تغير الزيت
صارت معي وكنت راح ادخل في سوالف ماكينه وغيرها
انصحك تروح الوكاله وتاخذ لك سيفون اصلي
ومن بعدها تروح عند اي بنشري خله ينزل الزيت كامل
وغيره الى
10w30
مهما كان نوعه ليس هناك فرق
ومن ناحيه صوت التكيات فهذا اكيد من نوعيه الزيت
ودائما خل عيونك على عداد الزيت
الصبح تجد عداد الزيت فوق النص او قريب منها
وعند الوقوف يكون اعلى من الربع
ولكن لا يقل عن الربع قرابه الخط الاحمر
وحاول من تسمع اي صوت تكيات بلوف لاتزيد على السياره
تقبل تحياتي

[dawas2009]

السلام عليكم
حبيب قلبي
نحن ضحيه تلاعب من اصحاب تغير الزيت
صارت معي وكنت راح ادخل في سوالف ماكينه وغيرها
انصحك تروح الوكاله وتاخذ لك سيفون اصلي
ومن بعدها تروح عند اي بنشري خله ينزل الزيت كامل
وغيره الى
10w30
مهما كان نوعه ليس هناك فرق
ومن ناحيه صوت التكيات فهذا اكيد من نوعيه الزيت
ودائما خل عيونك على عداد الزيت
الصبح تجد عداد الزيت فوق النص او قريب منها
وعند الوقوف يكون اعلى من الربع
ولكن لا يقل عن الربع قرابه الخط الاحمر
وحاول من تسمع اي صوت تكيات بلوف لاتزيد على السياره
تقبل تحياتي

أخي الغالي

ممكن ترسل لي رقم جوالك خاص

ودي استفيد من تجربتك

لا استطيع ارسال لك رسالة خاصة

[essa2088]

انا بالنسبة لي طلعة صوت التكيات وخليتها سنة بعدين حسيت ان السيارة مع التشغيل تغير صوتها استشرت وقالوا طرمبة زيت وغيرتها والان السيارة رجعت بدون اصوات مية مية يعنى توكل وغير طرمبة زيت وانشاء اللة تضبط وكذا تضمن انك غيرت الطرمبة ولاتحط عينك كل يوم على امبير ضغط الزيت
مع تغيير الطرمبة غير الصوفة للانبوب الي يسحب زيت من الكرتير