ملاك الباترول 97 وتحت مين فيكم جرب الرديتر الألمنيوم الأردني ؟

[باترول للأبد]

السلام عليكم ورحمة الله وبركاته

أخواني ملاك الباترول 97 وتحت مين فيكم جرب الرديتر الألمنيوم الأردني ؟ وهل هو أنواع أو نوع واحد ؟

لأن اللي على موتري الحين نحاس وناوي على الألمنيوم أبي الحراره تنام لأنها مع المكيف مبهدلتني

[محسن اليامي]

وعليكم السلام ورحمة الله وبركاته

ياهلا بالخوي:)

اللي اعرفه يالغالي إن الألمينيوم دايما ابرد من النحاس


ننتظر اهل الخبره

[باترول للأبد]

منور لبى قلبك وكلامك صح وأنا هذا اللي خلاني أبي أبدله

[عقووول]

هلا وغلا اخوي

انا مركب صيني

والحرارة كانت دايم الثلث او الربع

وبعد تركيب الاديتر الصيني صارت ما تعرف الربع الى مع الجور بالتطعيس

[فهم العدواني]

حسب علمي الاردني هو الصيني ومشكلته عمره قصير

اشوف العالم طايحن في اديتر الفي اكس ار

ياريت الشباب اللي جربو يطرحون تجاربهم

للفايده ونا اشوف الافضل الفي اكس ار

خزانه كبير ويركب سلام سلام

[قناص2000]

انصحك بالرديتر المطلق افضل نوع ونحاسه سويدي للابد

[. ذيب ساحوق]

انا مركب صيني المنيوم واشوفه زين مايحتر مثل النحاس وله كم شهر واموره طيبه وسلامتكم

[على كف القدر]

لايرخص عليك وانا اخوك .... بحكم انه راكب على موتري باترول 97 بخاخ ماشفت منه خلاف ولاشكى معي من شي

[أبوخالد707]

السلام عليكم,,,
اخوي فهم العدواني رديتر الفكس آر ,,, أي موديل من (94ـ97) ولا (98ـ2007) وشكرأ

[فهم العدواني]

السلام عليكم,,,
اخوي فهم العدواني رديتر الفكس آر ,,, أي موديل من (94ـ97) ولا (98ـ2007) وشكرأ

الله اعلم الى 98 تاكد من ورش الترهيم اعتمادهم على هذا التوع لاكبر المكاين

[مركز حراره]

حق الفيكس ار نحن نركبه بس للمرهمات اما البلد فلاردني زين
بس مشكلت موترك ماهي برديتر يعني ماتحتاج تبدل البلد ركب مراوح كهرب لانه مايحتمي الى مع المكيف والوقفه صحيح؟
وعلي الضمان اذبغيت ارسل بلخاص

[باترول للأبد]

أشكركم يالغالين وأنا مركب مراوح أضافيه والمشكله ما زالت موجوده

[محمد النيساني]

معاي باترول 2000 ركبت له رديتر المنيوم صيني قبل ثلاث سنين ومشى معاي لين قبل شهر صار فيه تهريب من الطبه العلويه فكيته وطقيت اخوه صيني ب 280 والله مافي فرق بينه وبين الوكاله والحراره ابدن ما اعرفها ولله الحمد واحرص على كلتش المروحه خذه من الحمراني ترى كل الي عند الوكلاء الدرجه الثانيه حق الوكاله ب 760 ينزل الحراره في الارض واسال مجرب ركبت اكثر من 4 كلتشات مروحه اسعارها من 200 ياباني الى 550 على قولتهم وكاله وكلها زفت..... والمويه علبتين حمرا من تويوتا والباقي مقطر الحضاره

[سلاطين]

هلابك اخوي
انا ركبته ع موتري ماشاء الله ممتاز جدااااااا خذيته من محل الرديترات الاردنيه في الصناعيه القديمه حول ميزان اليلاد المنيوم عليه ضمان 6 اشر ب270 ريال لا تاخذ من قطع الغيار خذ من الوكيل نفسه
بالتوفيق

[باترول للأبد]

الله يعطيكم العافيه شاكر لكم يا طويلين العمر

[برق الدهناء]

وعليكم السلام ورحمة الله وبركاته :

ركبته ومشاني سنتين ونصف على باترول ربع 93 وعليه مراوح كهرب , ماشاء الله فرق معي في الحرارة , يعني بشكل عام أحسن من النحاس ... والآن غيرته بواحد مثله شريته من الوكيل في الصناعية القديمة ب270ريال . طبعا عن تجربتي بتفصيل أدق ما أشتكى طول مدة سنتين وشهرين .. طبعاً بعد إنقضاء تقريبا سنتين وشهرين من تركيبه هرب علي ولحمته(لأني مهمل في معايرة الماء) ومشاني الفترة الباقية ورجع هرب بعدها وعلى طول غيرته بجديد .. إذا هرب خلاص غيره على طول لا تحاول تلحم فيه لأنه مايطول على طول يرجع يهرب ماهو مثل النحاس يمشي بالتلحيم ..... والله ييسر أمرك وأنا خوك ويكتبلك اللي فيه الخيرة ....

[عاشق البرادوv]

الاردني وبس عندي ربع 91 ركبتله اردني المنيوم ب 300 ريال والان الحراره نايمه تحت الربع مع خط والا وقفه

[وسيع البنايد]

وين موقع وكيل الرديترات الاردنيه في الصناعيه القديمه
احد يوصف لي بالضبط محله

[حمزةعبدالمطلب]

إخواني أنصحكم برديتر السلامه اربع رصات

[ابوخليل200]

السﻻم عليكم
جزاهم الله خير فادوك الشباب وما قصرو
اﻻمنيوم اول ما يهفه الهواء يبرد على طول
اما النحاس زين بس يبيله وقت على مابال يبرد
اسف على اﻻطاله.
وشكراً

[abo naser 1]

السلام عليكم

أخوي جربت الاردني والصيني كلها واحد بس أفضل من النحاس من ناحية الحرارة بس العمر أقل من 2 - 3 سنوات ولاتعدى الصين سعره مناسب
وجربت حق الفكسار 97 ممتاز اذا مرهم يخفض الحرارة

[sgl2002]

السلام عليكم

أخوي جربت الاردني والصيني كلها واحد بس أفضل من النحاس من ناحية الحرارة بس العمر أقل من 2 - 3 سنوات ولاتعدى الصين سعره مناسب
وجربت حق الفكسار 97 ممتاز اذا مرهم يخفض الحرارة

عندي باترول 99 مايشتكي من الحرارة وممتاز


لكن ودي اركب له رديتر فكسار فهل لك تجربه معه خصوصا ان موتري شد بلد

[الحميضاني]

السلام عليكم ورحمه الله وبركاته

انا مركب اردني ممتاز ولا اشتكيت منه الحراراه على الخط الاول من فوق ثايته ما ترتفع مره وشكراااااااا

[ابو خالد 111]

انا مركبه من وكيله من الصناعيه القديمه اتوقع ب 300 او 350 مع ضمان سنه

ممتاز الحراره ماوصلت للربع حتى مع النفود بس مع مويه ميتسوبيشي اصليه ومويه مقطره للتخفيف

[5200]

ركب رديتر GXR موديل 2008 وفوق لك ولزمن صحيح انه غالي بس يعيش يركبونه الامارتيين على الباترول القديم اذا غيرو مكينته لمكينة فتك طبعا مع مراوح مكسيما كهرب اما اذا كان الباترول بلد ولاهو مطول معك ركب صيني وانت مشكلتك ترا ما هي من الرديتر مشكلتك من مروحة المكيف اللي امام الرديتر اشتر مروحة مكيف لباترول اللي قدام الرديتر وخل الكهربائي يخليها على السرعه الثانية او اختبر اللي عندك وشف دفعها يمكن ضعيف وترا مراوح الفتك اللي قدام الرديتر وحده سرعه والثانية سرعتين انت خل الكهربائي يركبلك المروحه على السرعه الثانية وشيك طرمبة الماء قبل كل شي وشف خراطيش الماء لا يكون قديمات او يابسات وبلف الحراره غيره باصلي على درجه حراره 76 درجه مئوية بالتوفيق

[][ســهم][]

انا جربت الرديتر الاردني اكثر من مرة.. ممتاز ومافية اي خلاف
لكن قبل لاتركبه خذه لمحلات الرديترات يفحصون بضغط الماء يتأكدون من تهريبات
احياناً تحصل فيه تهربيات حتى لو كان جديد ...

[أبوأسامه...]

طيب انا بالقصم هل له وكيل أو المحلات الي تبيعه وألقى رديتر صيني حق باثفندر

[abo naser 1]

عندي باترول 99 مايشتكي من الحرارة وممتاز


لكن ودي اركب له رديتر فكسار فهل لك تجربه معه خصوصا ان موتري شد بلد


تجربتي على الموديل القديم 91 بس المكان ضيق مثبت على الشاص من الأسفل والكبوت مسافة قصيرة ويلامس غطاء الرديتر

وعلا 99 أكيد أفضل من الوكالة خصوصاً اذا شديت بالنفود علية تخبر 4500 البخاخ تحتر نسبياً للي رجله حارة وكذلك 99 أتوقع أفضل مساحة من موديلاته السابقة وعندي 99 ودي اركبله حق فكس ار بس ما ردني الا الي علية الأن مغير أصلي وكالة من صاحبة السابق من وقت قريب

[abo naser 1]

طيب انا بالقصم هل له وكيل أو المحلات الي تبيعه وألقى رديتر صيني حق باثفندر


تلقاه عند أي محل قطع نيسان في القصيم

[أبو فانوس]

موضوع ممتاز جدا
ممكن استفسار
هل فيه فرق بين الأردني والصيني ؟
واذا فيه فرق أيهم أفضل للباترول 97 ؟
وين محلهم في الشرقية و الرياض ؟
شكراً وجزاكم الله خيرا
سبحان الله العظيم سبحان الله وبحمده