شريت هوندا اكورد 2008 الفزعة تكفون

[فتى الدهنا]

السلام عليكم ورحمة الله وبركاته

اسعد الله ايامكم

الهوندا اكورد موديل 2008 اربعه سلندر

عند تشغيل السياره وهي بارده يطلع صوت طقطقه لمدة خمس ثواني ويختفي ،،، علما اني مواظب على تغيير الزيت كل 3 آلاف
السياره ماشيه الان 150 الف كم
تكفون بديت اهوجس وقلقان
وللي يعرف ورشه في شمال جده متخصصه في هوندا يدلني ولا يبخل علي
تحياتي

[ls1.5700]

طبيعيه مافيها شي لاتخاف
اذا هي طقه خفيفه زي كذا تك تك تك تك خفيفه حتى يرتفع الزيت ومن ثم تروح عادي
هذى صوت الصبابات او التكايات واكثر المواتر فيها التكتكه
خاصه الموديلات الجديده

[جيب لكزس 2000]

وعليكم السلام ورحمه الله وبركاته

شوف سير المكينه يمكن قديم احيانا يطلع صوت

[وطن العزة]

طبيعي جدا ولا توسوس خصوصا اذا كان من 3-5 ثواني وعداد الزيت على النص

[ابوراكان تبوك]

طبيعيه مافيها شي لاتخاف
اذا هي طقه خفيفه زي كذا تك تك تك تك خفيفه حتى يرتفع الزيت ومن ثم تروح عادي
هذى صوت الصبابات او التكايات واكثر المواتر فيها التكتكه
خاصه الموديلات الجديده


:good2::good2::good2: نفس الكلام ولا يهونون الاخوان صوت تكايات وهاذي طبيعي

[naharyfa]

طبيعى جدا ..... هذا صوت التكايات والفورد عندى نفس الشى

[عبقري91]

ري ماذكرو الاخوان طبيعي
لان السياره راح عليها عمر
والله يعطيك خيرها ويكفيك شرها
مشالله الهوندا من افضل السيارات الي مرت علي

وكان عندي الصوت زمان ومريت ورشة هوندا نصوح
قال لاتقربها مع ان الصوت مستمر قال راح تختلف عليك بلعزم وشرب البانزين والحراره
والحمد لله مشيتها ٤٦٠ الف وزي الحلاوه
وبعتها زي الحلاوه
لاكن اذا الهوندا الجديد
يكون سير التايمن مش حديد
ربل. علا طول غيره اذكر يجي سيرين
مع الشداد داخل المكينه
لازم كل ١٠٠ الف يتغير



ملاحظه اذا كان ربل الي داخل غير الي برا

[فتى الدهنا]

ماقصرتو ........... وبيض الله وجيهكم

[على رمشي تمشي]

اذا بنزينك 91 غيره ل95 والله يعطيك من خيره ويكفيك شرهه

[بدوي جنوبي]

بيزيد الصوت في الشتاء

[YUKON_GMC]

غير الزيت جديد وفلتر زيت ممكن يخفض شيء بسيط لكنه لن يختفي ...

احتمال صبابات او تكايات واحتمال تحتاج وزن بلوف

[رفيع المقام]

الزيت اللي تستخدمه ثقيل والا خفيف ؟

[كاشت بالبر]

اتوقع انك تستخدم زيت ثقيل مره 20W50

اذا الزيت ثقيل .. يبيله كم ثانيه عشان يرتفع الزيت ويتوزع على المكينه

والزيت هذا بالشتاء عند بداية التشغيل يكون أثقل بعد .. من الصيف وقت بداية تشغيل السياره

او خفيف مره ومع الحراره العالية يصير مثل الماء


اذا جاء الشتاء جرب 10W30 مع سيفون أصلي من الوكاله


ترى بنزين 91 يسبب تكتكه في بعض أو أغلب السيارات اذا استخدمته لمدة طويله .. لكنه أرخص توفر تقريبا 9 أو 10 ريال كل ما جيت تعبي فل بنزين


أهم شيء لا يزيد الزيت ولا ينقص عند المستوى المحدد

لأنك اذا زدت الزيت فوق المستوى المحدد .. ممكن تنفقع الصوف وتبدأ تهرب زيت مكينه

واذا نقص تتآكل المكينه


تلقى دليل المستخدم في درج سيارتك فيه كل المعلومات عن سيارتك


اللي اعرفه ان أقصى لزوجة للهوندا 15W40

لكن انا استخدم 20W50


انا انصحك في بترومين فوكس

اذا جيت تغير نوع الزيت أو تغير لزوجة الزيت .. لا تنسى تغير السيفون


وهذي بعض المفيدة عن لزوجة الزيت Viscosity وعلاقته بالحرارة

http://syntheticperformanceoil.com/spo/images/cold-temp-hot-temp-viscosity.jpg

http://syntheticperformanceoil.com/spo/images/cold-hot-flow-chart.jpg

HIGH FLOW يعني تدفق وجريان الزيت عالي
NO FLOW الزيت ما يمشي .. متجمد

كل ما قلت الحرارة وزادت لزوجة الزيت .. يكون جريان الزيت اقل أو ممكن حتى يتجمد

وكل ما زادت الحرارة وقلت لزوجة الزيت .. يكون جريان الزيت سريع جدا .. وممكن يكون الزيت مثل الماء

http://syntheticperformanceoil.com/spo/images/10w30-flow.jpg

لمزيد من المعلومات
http://syntheticperformanceoil.com/spo/motor_oil_viscosity.php

اذا اللزوجه منخفضه جدا ومثل الماء .. يكون فيه احتكاك حديد × حديد .. أو حديد > حديد .. يعني نسبة التآكل تكون عالية

اذا اللزوجة مناسبه .. يكون فيه احتكاك حديد × زيت × حديد .. أو حديد > زيت > حديد .. يعني نسبة التآكل تكون أقل أو منخفضة

http://www.reologie.ro/wp-content/uploads/2011/09/viscosity.jpg


بصراحه اختيار لزوجة الزيت المناسبة تحير الواحد

لكن انا دائما استخدم 20w50 بالصيف

وببدأ ان شاء الله استخدم 10w30 بالشتاء


وترى طبيعي بكل السيارات ان يكون فيه تكتكة عند بداية التشغيل .. لأن عند بداية التشغيل الزيت ما يكون متوزع على المكينه بالكامل

عكس اذا كانت السيارة مثلا شغاله لمدة .. ما يكون فيها صوت تكتكه

لأن الزيت خلاص توزع على المكينه


وبالنسبة لتغيير الزيت

انا اغير الزيت كل 5 الآف .. لكني استخدم زيت بترومين او فوكس

و تغيير السيفون كل 10 الآف


ما يمنع انك تمشي على الزيت 5 الآف .. لكن حاول انك تعاير الزيت كل فتره وفتره .. عشان اذا نقص تزيده


وبدليل المستخدم اللي بدرج السيارة وكل الوكالات يغيرون الزيت كل 5 الاف

[بعثرني]

حبيب قَلبـ♡ــيے حلك عِنـ.̷̷̸̷̐ـديّ ومتأكد ان شاء الله بنسبه كبيره
تابع ردودي فـ♡ـي الرابط هذا وامورك تمام ان شاء الله


http://www.hondaarabia.com/club/t51782/

[ابوحمد1992]

يارعي الهوندا لقيت الحل ام لا
لان عندي مثل صوت موتر وجنني

[كاشت بالبر]

زي ما قلت لك قبل

طبيعي جدا أن يكون فيه صوت عند بداية التشغيل وهي باردة .. بكل السيارات

لا توسوس ولا تخسر فلوسك على الفاضي و لا ينصبون و يلعبون عليك الورشات


بعض الورشات حتى لو سيارتك مافيها شيء

يقعد يتفلسف ويوسوس براعي السيارة .. والسيارة مافيها شيء ! .. ويخليك تغير مليون قطعه

لأن لو قالك سيارتك مافيها شيء .. بيخسر زبون وما يكسب

لكن لو قعد يتفلسف ويوسوس براعي السيارة .. بيكسب سعر الفحص وشغل اليد والخ...

ولو يخليك تغير مليون قطعه بالسياره .. ما راح يخسر شيء .. بالعكس يكسب اكثر ( يزيد سعر شغل اليد )


حاول قدر الإمكان
انك تستخدم زيت 15W40 وسيفون أصلي من الوكاله

بالصيف .. 15W40
بالشتاء .. 15W40 أو 10W30


بعض المكاين ما يصلح لها 10W30
بعض المكاين ما يصلح لها 20W50

[200]

السلام عليكم ورحمة الله وبركاته

اسعد الله ايامكم

الهوندا اكورد موديل 2008 اربعه سلندر

عند تشغيل السياره وهي بارده يطلع صوت طقطقه لمدة خمس ثواني ويختفي ،،، علما اني مواظب على تغيير الزيت كل 3 آلاف
السياره ماشيه الان 150 الف كم
تكفون بديت اهوجس وقلقان
وللي يعرف ورشه في شمال جده متخصصه في هوندا يدلني ولا يبخل علي

تحياتي
وعليكم السلام سيارتك مافيها إلا العافيه أن شاء الله
أهتم بسيفون أشتره من الوكاله 100%100 من السيفون وإذا أنك تشتريه من الوكاله فيه أرقام ـــــــــــــ- 94948 الرقم اليمين هو ألي أهتم له لأن ألي يسار غالبن يكون لكل السيارات ألي نفس نوع موترك أوما الرقم ألي أنا حاط خط هذا أنتبه له شف الرقم المناسب وأشتره وشف هو يطلع الصوت أو مايطلع
وقلنا وش يصير معك على شأن تعم الفايده للجميع