يا اهل الخبرة مشورتكم( وش نشتري ساكتون)الماني اسباني تركي!! نصيحة لاهنت

[سيف الظفير]

السلام عليكم يا رجال

أخواني نبي شوركم في شراء ساكتون ومترددين في النوعية


يفضل المقاس 80

ولكن أي نوع نشتري

الماني ـ اسباني ـ تركي

من كثرها وانواعها وكلن يمدح سلعته ما عاد ندري وش الزين اللي يستاهل

نبي شئ مناسب وقوي وسعره حليو ماهوب غالي مرة


اللي عنده خلفيه عن الاسعار أكون له شاكر ومقدر

عطونا اسعارها ياالربع من مقاس 27 وفوق

[ذيبان 2000]

السلام عليكم

اخوي اتشرف اني اول من يرد عليك وانصحك في


الفايروخ الالمانيه وسعرها بعد اذن الادارة 1800من عند الرميح


وترا عندي مقاس 80 اسباني ابعرضه قريب للبيع السكتون موديل


هنتر 440 جداً ممتاز لكني شريت 80فايروخ وابغاء وحده صغيره 27

[سيف الظفير]

بكم سعر الاسباني اللي عندك يا الغالي

او ارسل سعرها خاص ونبي لها صورة

[ذيبان 2000]

ابشر انا ابعرضها الحين في المنتدى مع الصور

ومالي حد اذا اعجبتني السومه بعت والافضل احد يبادلني 27فايروخ

[سيف الظفير]

ننتظرك


وبخصوص نقل ملكيه الساكتون كيف الطريقة عن طريق الرميح او الرماية او صاب


او تروح للاسلحة والمتفرجات في الداخلية بالنسيم !!

[التركوازي]

اشتر ساكتون 27 ديانا المانية والله ماتحسف

وانت وهواك

[سيف وقلم]

الألماني الفايروخ زين بس غالي , والا هو لك وللزمن, يعني تورثها عبر الأجيال بعد عمر طويل, لكن شف عندك شركة هاتسان صناعة تركية عند الرماية أسعارها تبدأ من 750 ريال وضمان سنة.

شريتها وحدة موديل 85 جربتها طلعة وحدة كسرتها ثقلية بس بشكل عام زينة. وأنصحك تجرب كسرتها قبل ما تتشتريها عشان ما تتفأجا.

شف الموديلات الي تحت:
موديل 80 وموديل 90 سعرها 750 ريال.
موديل 85 سعرها 800 ريال.

سرعتها مع الصتم الصغير 4,5 305 متر في الثانية.
و مع الصتم المتوسط 5,5 245 متر في الثانية.


يجي معها هدية جراب وعلبة صتم قامو وكشاف صغير.



http://www.albreah.org/kleeja/uploads/albreah.com_13473641301.jpg

[سيف الظفير]

اشتر ساكتون 27 ديانا المانية والله ماتحسف

وانت وهواك



مشكور يا الغالي وجعلك تسلم

[سيف الظفير]

الألماني الفايروخ زين بس غالي , والا هو لك وللزمن, يعني تورثها عبر الأجيال بعد عمر طويل, لكن شف عندك شركة هاتسان صناعة تركية عند الرماية أسعارها تبدأ من 750 ريال وضمان سنة.

شريتها وحدة موديل 85 جربتها طلعة وحدة كسرتها ثقلية بس بشكل عام زينة. وأنصحك تجرب كسرتها قبل ما تتشتريها عشان ما تتفأجا.

شف الموديلات الي تحت:
موديل 80 وموديل 90 سعرها 750 ريال.
موديل 85 سعرها 800 ريال.

سرعتها مع الصتم الصغير 4,5 305 متر في الثانية.
و مع الصتم المتوسط 5,5 245 متر في الثانية.


يجي معها هدية جراب وعلبة صتم قامو وكشاف صغير.



http://www.albreah.org/kleeja/uploads/albreah.com_13473641301.jpg





ابد يا الذيب هذي مطلوبي


هاتسان التركية سعرها مناسب وزوينة وممدوحة لي من رجال

وانت جبت العلوم اللي ابيها من ناحية السعر والالوان والشكل ككل وبيض الله وجهك يارب العالمين

وليه سعر الـ 90 ارخص من 85 !!


والشئ الثاني اذا هذا سعرها الليلة اباخذ لي وحدة

ولكن الله يستر من عدم توفرها او زيادة السعر فوق حدة

[سيف وقلم]

كلها نفس القوة حسب الموقع http://www.hatsan.com.tr/airguns_break_barrel_air_rifles.asp

90-85 رقم الموديل وليس القوة الي يختلف الشكل والمنشاف والربل.


85
http://www.hatsan.com.tr/images/airguns_photo/arpacik_2.gif



90
http://www.hatsan.com.tr/images/airguns_photo/arpacik_5.gif


هذا رقم فرع التخصصي 014628249


يطلبون منك صورة من بطاقة أحوال والعمر فوق 20 وصور شخصية أو يصورنك في المحل والتصريح يقعد 20 يوم

بس جرب كسرتها في المحل تراها ثقيلة شوي.

[سيف الظفير]

جعل من جابك لجنات النعيم يارب العالمين


اليوم ابمرهم بحول الله


واخذ لي وحده اذا هذا سعرها من ناحية خبرتك وش اخذ 5.5 او 4.5

ومناشف الـ 90 او 85



فايبر ولا خشب

[سيف وقلم]

الصتم 4.5 تلقاه في كل محل من ناحية التوفر

المنشاف أنت ورغبتك لكن أتوقع إن منشاف موديل 90 أكثر عرضة للكسر لإنه ظاهر , كذلك موديل 85 الربل ألين من موديل 90 وأنت رغبتك قارنها مع بعض وشف.

الفيبر أخف وزنا وعملي أكثر من الخشب وكذلك أرخص, لكن الخشب أجمل.

كانك في الشمال رح لفرع العقيق على الملك فهد

[سيف وقلم]

موديل 90
http://www.hatsan.com.tr/images/airguns_photo/mod_85.gif


موديل 90
http://www.hatsan.com.tr/images/airguns_photo/mod_90.gif

[مكشاتي 33]

الالماااااااااااااااااااني غيره لا تدور

[al-jebreeen]

التركي ما ينفع بقرش

الالماني والتركي انا جربتهم
الألمانيه ممتازة

لكن انا معجب بالاسبانية
لها خمس سنوات معي ولازالت بقوة الجديده ماشاء الله تباركـ الله
ورمت من القواطي الكثير

والميزة الأحلى انها اخف من 27 الالمانيه

مع انها 85

والشي الثاني سعرها مناسب جداً

[هزاع المطيري]

انا انصحك بالالماني لا تبد عنه
خذ لك ديانا 35 ممتازه وقويه

[ABU HAIBAH]

انا انصحك لله خذ الألماني لو زاد سعره وعليك بالفايروخ 35 سعرها 1500 ممتازه جدا انحش عن الصناعات الأخرى ورايح تندم الألماني مايقارن بأي صناعه اخرى نصيحة محب

[الشقردي 205]

لاتتعدى الاسباني الـgamo ..

[سيف الظفير]

توكلت على الله وشريت البارح من صاب

نوريكا اسبانية قياس 90 / عيار 5.5 / فايبر أسود بـ 1300 ريال ( الخشب 1450 )

ما من ثقل وكسرتها حليوة وخفيفة قوووية جداً

اصابتها ما شاء الله تبارك الرحمن طيبة ( جربتها بأهداف بعيدة نسبياً اهداف ثابتة )

و شفت احد الاخوان من القصيم شرى ثنتين منها ويمدحهاااااا كثير يقول ذي الثالثة بفضل الله هذا الموسم

كذلك أثنين آخرين خذوا وحدة ويمدحونها كثير

دعواتكم بالبركة ياالربع

الصورة من النت نعتذر لصاحبها


http://www.mekshat.com/pix/upload03/images143/mk149417_scend.jpg


http://www.mekshat.com/pix/upload03/images143/mk149417_3rd.jpg

[أبوصالح9]

الله يبارك لك فيها وجعلك ماتنقل بها دم

وفالك الدسم

[سيف الظفير]

جعلك سالم يا. ابو صالح

اخوك ابو صالح الظفيري