مساعدات جيب لكزس

[faisal735]

السلام عليكم مساكم الله بلخير عندي جيب لكزس 740 موديل 98 تعبني شريته والهدروليك عطلان وعليه مساعدات ويايات مرهمه والمطب يكله كانك راكب دبابه وش تنصحوني به اركب مساعدات غاز ولا استراليه ولا اصلاح الهيدروليك وين الي يصلحه بالمدينه او تبوك

[joblak]

عليك بالاولد مان الاستراليه بشرط مع سبرنقاتها ولا ترى بيقوم يدق معك من ورى مع المطبات ويغثك انا مركبها على في اكس لغيت هايدروليكه وطقيتله طقم كامل بس عيبه ان السبرنقات رفعت الموتر من ورى بشكل واضح وفكيتها وركبتها على جي اكس ار وقصيت من السبرنقات طيه وحده بس نزلته 3 سم وصارت رفعته عجيييبه بس مطبه من ورى لك عليه شوي ماهو مثل يوم كانت على الفي اكس قبل لا اقصها

[Salamah.y]

ماشاء الله لكزس 740 ؟! اصدار خاص
شكل مكينته طياره ههههه << يمزح طبعاً

,

و الله يالغالي اللي جرب الهيدروليك ما يقتنع بغيره
و الحمد لله معي الهيدروليك زي الحلاوه , سواء بالسهل او الوعر
و حتى مع التحميل , ما ينزل الموتر وآجد ,, يبقى محآفظ على الإرتفاع قدر المستطآع
أقارن بين مطبه و مطب سيارة اخوي جي اكس ار , ياي استرالي و مساعدات
مافيه وجه مقآرنة , الهيدروليك أفضل بمرآحل ,,, بس العيب اذا تعطل
الله يعينك , ممكن يكلفك وآجد !!

طبعاً انا استخدآمي معقول , خطوط و ديره و بر و نفود
لكن مآ اجور عليه , طرد و مقآنيص ,,

,

الله يعينك و يوفقك و يبارك لك بحلآلك