مشكله بالقير تكفون يالنشاما

[جمس دينالي]

السلام عليكم

اخباركم ؟

انا عندي مشكله بالقير ادا كنت ماشي وفجاه فرملت او فرملت بقوه عند يوتير

يوقف ولا شلت رجلي (الله يكرمكم ) من الفرامل ودعست بنزين ينتع بقوه

وديته عند محل قالي غير زيت القير

ووديته محل ثاني قال لي يمكن يودي بلف سعره اكثر من 1500 http://www.toyota4arab.com/forum/images/smilies/tinysmile_cry_t.gif

والثالث قال متى اخر مره غيرت الزيت قلت له ولا مره غيرته وموتري ماشي 100 الف موديل 2006

عصب قال ليه ما تغيره كل 30 الف

قال الحين لو تغيره ممكن يخبط القير

صراحه افتر مخي

افحصه بـ150

خوفي يطلع بودي بلف بـ1500 وخوفي زيت واذا غيرت زيت يخبط القير

ملاحظه :::

احيانا اذا حطيته على l يقعد الين 120 ويتفتف واحطه بالثاني برضه يتفتف وبعد احطه بالثالث يبدل

يعني الــ l ياخذ الاول والثاني

انا رحت لمكانيكي يقول ان شاء الله هذا عيب بسيط بكهرب القير

قلت الله يسمع منك وقلي رح افحصه في محل فحص قير تماتيك

وقلي اي حساس عشان اسويه لك قلت اوك ورحت والله لمحل معروف

ودفعت 150 وانا فرحان احسب ان المشكله بسيطه ويوم فحص ما بين شى

حاول كذا مره ما طلع شى قلي محل الفحص هاذا خرب داخل القير يبيله توضيب

ويقول تقريبا بـ 9000 وواحد يقول بـ6000 ومن وقتها تركتها وما احاول افرمل بقوه عشان ما ينتع


وهالايام صار فيه تاخر بالتبديل

[عقووول]

اخوي غير زيت القير

و100 كثير بس مايضر في البداية فيه سيارات ماغيروا اهلها الزيت الى بعد 140 الف كم

ومشت معهم عادي غير الزيت

وبعدين استمر بتغيير الزيت كل 50 الف

وسيارتي انا لكزس ماشيه فوق 400الف كم وفيها النتعه من يوم شريتها الين اللحين

وعادي ماصار شي مع اني اجور على السيارة

[جمس دينالي]

يعني وش تنصحني بالضبط ؟

علما ان الموتر فورتشنر 2006 قير تماتيك 6 سلندر

[جمس دينالي]

وين الردوووووووود

تكفووون ساعدوووني

[musab]

سيارتك جمس دينالي؟؟؟ ولا ايش؟؟؟

[الكشات وافى]

يعني وش تنصحني بالضبط ؟

علما ان الموتر فورتشنر 2006 قير تماتيك 6 سلندر



توكل على رب العباد وغير الزيت مع الفلتر ...!!

وغيره عند ورشه محترمه وخلك موجود معاهم ... وبعد ماتخلص سم بالرحمن

وأطلع بسيارتك ولاتسرع خف عليها أول الأيام ...!!

وأن شاء الله مافيه الا الخير

[عقووول]

غير الزيت والفلتر واول ما تغيرهم هد على السيارة لي 100 كم يعني يتحرك الزيت داخل القير

وتوكل على الله وان شاء الله ما يضر موترك اي شي

[جمس دينالي]

طيب فيه كم واحد قالي

دامك خايف من التخبيط لا تغير الزيت كله مره وحده

يقول اسحب علبه من تحت وعب علبه جديده

وبعد اسبوع عب علبه واسحب علبه

عشان يتاقلم الزيت مع القير ولا يدري انه جديد

هههههههههههههه ولا يخبط

تنصحوني اغيره مره واحده ولا اسوي مثل الطريقه اللي فوق ؟؟

[مخايل البراق]

لا تغير الزيت

اشفط منه ( 1 لتر ) وزوه بزيت اصلي وامش بالسيارة تقريبا 600 كيلو
وكرر هالطريقة 3 مرات وبعدها غير الزيت مع الفلتر اصلي

اخذت هالمعلومة من الاخ ((( اصيل حجازي )))

[عقووول]

خذ بنصيحة اخوي مخايل البراق

وهاذي اضمن لك وانا اخوك

[العطاوي a511]

اخوي غير الزيت على مسؤليتي ماراح يخبط راح يزين ان شاء الله اسال مجرب ولاتسال طبيب

بس ركب الزيت الاصلي لسيارتك ولو توديه الوكاله افضل وتغير زيوت الدفرنسات والقير مره وحده وترتاح الى 100 الف ثانيه

[بدوي جنوبي]

أسحب العيار وشوف لون الزيت
http://bmwe32.masscom.net/johan/gearbox_swap/dipstick_oil.jpg
أذا لونه مايل للسواد أكثر هذا يدل على

ان الزيت أختفت منه اللزوجة

http://bmwe32.masscom.net/johan/gearbox_swap/yucky_1.jpg^M
Very thick yucky stinky goo:
http://bmwe32.masscom.net/johan/gearbox_swap/yucky_2.jpg

وسبب تآكل كلتشات القير
http://bmwe32.masscom.net/johan/gearbox_swap/clutch_profile.jpg

http://bmwe32.masscom.net/johan/gearbox_swap/clutch_flat.jpg

[جمس دينالي]

يعني اتوكل على الله

و اروح الوكاله واغير الزيت مع الفلتر

[العطاوي a511]

اسمع نصيحتي بس وغير الزيت في الوكاله افضل ووافينا بالنتايج