مشكلتين بالسفاري الفزعه

[ضيف الله 44]

موتري سفاري 95 مراوح سبارو بس عندي مشكله يقطع على سرعه 120-140 غيرت بلاتين وغيرت طرمبه بنزين وغيرت بواجي واسلاك بواجي وفلاتر ولا فيه فايده المشكله الثانيه الحراره طبيعيه بس البدي احسه يولع نار كنه فرن هل هذا شي طبيعي طبعا المكينه شد بلد افيدونا ياهل الخبره وجزاكم الله عنا خير الجزاء ورحمنا واياكم وشكرا مقدما

[ls1.5700]

شيك على صفاية البانزين
بنسبه لحرارة البدي ماعندي علم فيها قد يكون اللون قير عاكس للشمس اسود مثلا ً
او الحراره بس من غطاء المحرك ركب عازل حراره

[sgl2002]

الحرارة عادية

[ابوبدرالعريمه]

شيك على سلك الديلكو وكذلك وزنه عند مكانيكي

[غيث 6]

موتري سفاري 95 مراوح سبارو بس عندي مشكله يقطع على سرعه 120-140 غيرت بلاتين وغيرت طرمبه بنزين وغيرت بواجي واسلاك بواجي وفلاتر ولا فيه فايده المشكله الثانيه الحراره طبيعيه بس البدي احسه يولع نار كنه فرن هل هذا شي طبيعي طبعا المكينه شد بلد افيدونا ياهل الخبره وجزاكم الله عنا خير الجزاء ورحمنا واياكم وشكرا مقدما


اخوي ضيف الله اتمنى الشباب افادوك ولكن على حسب علمي اكثر السيارات سواء بخاخ او كربريتر كلها فيها نظام فتحتين للبنزين الفتحة الاولى تفتح من الصفر الى 120او 140 الفتحة الثانية تفتح بعد هالسرعات والدليل ان الموتر يصير يصرف بنزين اكثر لانه فتح الفتحة الثانية وصار الموتر يضخ بنزين من فتحتين من الكربريتر او البخاخ فحاول تشيك على الكربريتر او البخاخ عموما اخوي اذا موترك بخاخ وانت في الرياض فأنصحك تروح للمركز الشامل في صناعية العاصمة مخرج 28 فيه هناك مركز متخصص للبخاخات
واتمنئ لك التوفيق

[صاروخ الغطغط]

الحرارة شيك على نبير الحراره الحساس يمكن خربان

[ضيف الله 44]

اشكر مروركم الرائع على موضوعي جميعما والله يجزاكم عنا خير الجزاء واذا فيه احد مرت عليه هالمشاكل او عنده حلول غير اللي ذكروها الاخوان لا يبخل علينا لاني كل شي سويته ولا فيه اي تقدم شاكر للجميع المشاركه وتقبلوا فائق الاحترام والتقدير من اخوكم في الله،،،،،