الفزعه

[عقيل التميمي]

السلام عليكم

سوال بالله شنذرت الطير والعامل معلفه المغرب وانا موصيه ما يعلفه

وشنذرته قبل ساعه شناذر طبي

وش العمل يالربع افيدونا بالله


وهل مستشفى عنيزة يفتح الصبح

[اسلي نفسي]

انشالله ماعليه خلاف
يفيدونك ذو الخبره انشالله

[الجره جديده]

انت شنذرته متى بالظبط وهل الهندي معطيه عضم والا لحم
انت خله مفرع والماء قدامه وعلمني وش صار عليه وبوصف لك حاجات تسويها

[عقيل التميمي]

شنذرته الساعه ٢ بالليل والهندي معشيه عقب المغرب ومعلفه صافقين فرخ حمامه والطير اللحين يتفلا ولا ظهر عليه شي ولله الحمد

[عقيل التميمي]

تقريبا بينهن سبع ساعات والطير مصرف العلف وقت الشنذره

[عبدالله بن الشيخ]

طيب الحين وش صار , هل الطير عق الشحمة والا لا ؟

انا بعطيك بعض الأمور اللي مرت علي :
1) يتغير لون المحط , وأحياناً يكون أشبه بالماء .
2) لو كان ماكل ريش , يروبج وماتضبط السالفة غالباً , وأحياناً تضبط ويقط اشحمته .
3) يتغير وجه الطير , ويظهر عليه أثر تعب بسيط .


ماذا تفعل على كل الأحوال :
حاول تعطيه حليب على معدة فاضية , وان حصل الكبسولات البنفسجية حقة الحمام جيد
تعطيه منها حبتين يوميا من ثلاث إلى خمس أيام , اسمها الظاهر ( امبيسيلين )

اذا الطير ماقط اشبيكته , عاود المحاولة بعد اسبوع , بشرط ان تكون صحته جيدة ووزنة جيد .

هاذا ماعندي , ولاشك ان فيه من الإخوان من هو اكثر مني خبرة ومعرفة , ولعلهم يفيدونك

والسلام

[قرناس ثالث]

افادوك الاخوان

[عابر الموج]

لا مشكلة بعد عشرة ايام اعد الشناذر خام وخلط معه سكر نبات كبر الشناذر حتى مايعمل له التهاب طبعا يكون الشناذر والسكر طاحنهم بالتساوي تقبل تحياتي