جيب باترول ربع 2012 GL مكينة vtc 4800

[أبو محمد 2012]

السلام عليكم ورحمة الله وبركاته ..
أقدم لكم سيارتي وهي من نوع جيب باترول ربع موديل 2012 مكينة VTC 4800
ماشي 12200 كم .. الموتر تحت الإستخدام
شاريه وكاله باسمي من وكالة الرستماني (دبي)
مواصفاته:
المرايات ومسكات اليد للباب لونها نيكل
تحكم كهربائي بالمرايات الجانبية
تحكم كهربائي للأبواب والنوافذ
مراتب عرض نفس الي قدام
مسَّاحات للزجاجه الخلفية
الأرضية موكيت وكالة
اللون أبيض لؤلؤي
وأهم ميزة ثلاجة
الإضافات: يايات إسترالية خلفية مركبها عند الرماية
ــــــــــــــــــــــــــــــــــــــــــــــــــ ــــــــــــــــــــــــ
البدي سليم وداخلي السيارة بحالة الوكالة نظيف جداً
البيع كــاش أو البدل بجيب برادو موديل 2011 - 2012 (V6)
ــــــــــــــــــــــــــــــــــــــــ
السعر المطلوب 135000 ريال
والصامل يتصل وما نختلف
والي يبي صور للموتر على برنامج الواتس أب
0569952515 - أبومـحـمـد
يفضل أن يكون التواصل عن طريق الجوال .. لقلة دخولي الإنترنت
والله يكتب الي فيه خير للجميع

[اتجاه السحاب]

نصيحه لوجه الله : إذا يهمك الراحة والرساوة أبتعد عن البرادو من خلال تجربتي له وهو معي الآن
بالطرق السريعه أعاني معانات من الرساوة إذا وافق هواء أوعجاج .

[الخزاعي2010]

اخوي انا صامل والله يشهد على كلامي بــ 110000
اذا ناسبتك انتظر منك رساله على الخااص

[أبو محمد 2012]

إتجاه السحاب .. الله يجزاك خير على النصيحة والله ما عندي أحب من الباترول بس معي عائله ولا ناسبنا
ومدري وش أشتري برادو أو فورتشنر أو اكستيرا
ـــــــــــــــــــــــــــــــــ
الخزاعي: السوم تعداك بواجد

[صيد الرس]

الله.يرزقك

[عاشق البسمه]

والله الباترول اطيب السيارات اللي ذكرت والله يكتب لك مافيه الخير

[عاشق البسمه]

عذرا بالنسبة لكلامي ع اساس انه اربع ابواب . . تقبل مروري

[ابن تيمية]

لا تعدا البرادو
سعره شيك ومواصفاته حلووه ..

والي يقول انه مهب راسي الله يسامحك ..
وش تبي يصير مثل البانوراما ولا وشلون مع الهوا القوي والسرعه اكيد ما يصير راسي قووه كل الجيوب كذا ..

[الذكرى الحلوه]

لك بالبدل بجيب جي اكس ار موديل 2007 نظيف لون ذهبي ما شي 146

[اتجاه السحاب]

لا تعدا البرادو
سعره شيك ومواصفاته حلووه ..

والي يقول انه مهب راسي الله يسامحك ..
وش تبي يصير مثل البانوراما ولا وشلون مع الهوا القوي والسرعه اكيد ما يصير راسي قووه كل الجيوب كذا ..

أخوي أنا أتكلم عن تجربة وهو تحت الأستخدام الآن
وبالنسبه للطرق السرعه 140 -150 ومع ذلك ماهنا رساوة ،لأني نازل من باترول 2007 سوبر ولذلك فقدت الراحة والرساوة،توهقنا قالوا البرادو مامثلة وطلع خلاف ذلك
ياليتك تجرب السيارات الثانية مثل الباترول والجمس وغيرة وتعرف الفرق..
_______________

[Saud 2002]

الله يرزقك

[أبو محمد 2012]

مشكورين على مروركم وآرائكم
الذكرى الحلوة: مالي بالبدل الله يحفظك

[راعي السلقه]

السلام عليكم ..

اخوي بكم الجديد الي مثل موترك؟
الله يرزقك بالبيعه المباركه

[فيصل العدل]

الله يرزقك

[أبو محمد 2012]

الله يجزاكم خير
الجديد يختلف ناس كلفهم 145 حالياً أنا مكلفني جيبته 143 مع المقاصة والنقل وحق المرور وغيرة

[أبوعزام مهاجر]

السلام عليكم كم البيع لو سمحت

[أبوعزام مهاجر]

وكم اخر سوام جازم.

[قناص مزاجي]

كم وووووووووووصل السعر

[أستاذمحتار]

كلمت صاحب السيارة ويقول باع السيارة