مشكلة رجه بعد سرعة ال 80

[ابو خالد 111]

السلام عليكم ورحمة الله وبركاته

اخواني الكرام : عندي مشكلة بباترول موديل 92 بعد السرعه 80 شديده

احس ان الكفر بيطير :) واحس الموتر بيتفكَك ما ادري من ايش

علماً باني فحصته عند البريدي وماقالي فيه شي

اتمنى الافاده ودمتم بود :

[ابوصالح101]

شوف فيه حاجة تكبس و انا سبق صارت لي في باترول 94 ورحت لمحل في صناعية السليم بالقصيم و كبسها لي و الحمد لله راحت ( اخذ على مبلغ 250 ريال )

[ابو خالد 111]

لاهنت يالغالي وبيض الله وجهك

[سلاطين]

هلابك يابو خالد
الرجه من الجنوط لازم ترصيص ارضي او يمكن من مساعد الدركسون شيك عليها وشيك على الكفرات لاتكون محبله
والف مبرووووك الموتر الله يعطيك خيره ويكفيك شره

[ابوسند9]

اخوي اول حاجه جرب بدل كفرات قدام بالخلف عشان تقطع الشك باليقين من ناحة ان المشكله من الجنوط والكفرات
الشي الاخر شيك على مساعد الدركسون

[SaT.TaM]

ترصيص ومن بعده اذرعه

[AL_MAHROUM]

تراء العمود يسبب رجه شيك عليه

[ابوراشد7]

انا معا سلاطين في رأيه
لان كان عندنا نيسان و يرج سويت ترصيص
ارضي و حوسه و شغلات و بالاخير طلع
مساعد الدركسون اللي يجي قدام الدفرنس الامامي
يكون معترض

[ابو خالد 111]

هلابك يابو خالد
الرجه من الجنوط لازم ترصيص ارضي او يمكن من مساعد الدركسون شيك عليها وشيك على الكفرات لاتكون محبله
والف مبرووووك الموتر الله يعطيك خيره ويكفيك شره


يسلموووو ياسلاطين والله يبارك فيك ويخليك

وشكراً على المعلومه

[ابو خالد 111]

اخوي اول حاجه جرب بدل كفرات قدام بالخلف عشان تقطع الشك باليقين من ناحة ان المشكله من الجنوط والكفرات
الشي الاخر شيك على مساعد الدركسون


لاهنت اخوي ابو سند بدلت الكفرات مافاد

ومساعد الدركسون غيرته امس وكاله بس نفس المشكله

والرجه قويه مره بعد ال 80 احس الموتر بيتفكك

[ابو خالد 111]

ترصيص ومن بعده اذرعه


لاهنت اخوي / SaT.TaM بصراحه ناس كثير قالو لي ترصيص ارضي

بس الرجه احسها مو طبيعيه

اشكر مرورك ودمت بود :

[ابو خالد 111]

تراء العمود يسبب رجه شيك عليه


اخوي / AL_MAHROUM

بيض الله وجهك ماقصرت بس اي عمود تقصد ؟؟

شاكر مرورك ودمت بود :

[ابو خالد 111]

انا معا سلاطين في رأيه
لان كان عندنا نيسان و يرج سويت ترصيص
ارضي و حوسه و شغلات و بالاخير طلع
مساعد الدركسون اللي يجي قدام الدفرنس الامامي
يكون معترض


اخوي / ابوراشد7

بيض الله وجهك وماقصرت

اليوم بصلح انواع التجارب بالموتر هههههههههههههههههههههههههه

والله يزينها

شاكر مرورك ودمت بود :

[ابوسند9]

اخوي ابو خالد
شيك طيب على ربلات البنهارد
وهو العمود اللي راكب في احد طرفيه مساعد الدركسون شيك على ربلاته لا تكون متفرمه

[ابوصالح101]

لو تبتل قلت لك رح سوي هذا الشي
شوف فيه حاجة تكبس و انا سبق صارت لي في باترول 94 ورحت لمحل في صناعية السليم بالقصيم و كبسها لي و الحمد لله راحت ( اخذ على مبلغ 250 ريال )

[ls1.5700]

شف حبيبي الرجه بالموتر اسبابها كثيره جداً ومنها ذكروها لك الاخوان 000
لاكن فيه شغله يمكن راحت عن بالك
الي هي رمان العكوس الاماميه قد تكون راخيه مره وتسبب الرجه
او عمود الدبل فيه مشكله شيك عليه او فكه وجرب
وشيك على ربل عمود التوازن الامامي
والدفرنس نفسه قد يكون فيه انعواج

[mdr3m777]

اخوي جرب تبدل صليبات ككونهن ارخص واذا ما فاد بدل عامود القاردن لا سمح الله يكون عوج

[د.داهوم]

انا كان عندي نفس المشكلة ما خليت شي من اللي قالوه الاخوان الا وسويته ورصصت خلال شهرين خمس مرات عند اشهر المحلات مثل العضيب والطيار واليرموك والسنيدي ببريدة مانفع لازم عند 80 تجي الرجة .. ونصحني واحد جزاه الله خير ورحت لبريدة عند الصمعاني بالتشليح وسوى لي بعض الشغلات ماتعدى التكلفة 200 ريال منها شد الرمان وكبس الاذرعة وشال صاجات صغيرة خلف الهوبات ورماهن.. والحمد لله الموتر ماشاء الله تبارك الرحمن انتهى شي اسمه رجه.