المساعد الشخصي الرقمي

مشاهدة النسخة كاملة : هايلكس 90 ومشكلة ارتفاع الحراره اثناء الوقوف


موهافي
26/09/2012, 01:27 PM
السلام عليكم ورحمة الله وبركاته

اخواني عندي هايلكس 90 ترتفع حرارته اذا كنت مشغل المكيف وواقف او في الدايري تتعدى الربع
بمجرد ماتروح الزحمه وتمسك خط ترجع الحراره تحت وتصير طبيعيه
ناس قالولي غير تماتيك المروحه
وغيرته جديد اصلي من عبداللطيف وللحين نفس المشكله
الرديتر مويته زينه ماتنقص بس انه قديم

ياليت القى حل لمشكلتي بارك الله فيكم
العطاوي a511
26/09/2012, 01:30 PM
سكر الفتحات يمين ويسار الرديتر وركب مروحه قدام وتنتهي مشكلتك باذن الله
موهافي
27/09/2012, 01:44 AM
سكر الفتحات يمين ويسار الرديتر وركب مروحه قدام وتنتهي مشكلتك باذن الله

يعطيك العافيه شيكت على البلاستيك اللي يركز الهواء بين المكينه والرديتر لقيته مضبوط مايهرب هواء
وبالنسبه لتركيب المروحه ماودي في الاضافات وانا اخوك ابيها زي اول
لان المكينه 4 سلندر ماهي سته او ثمانيه
افكر اغير الرديتر واخاف اخسر على الفاضي لان رديترها اللي عليها ماينقص ابد
بس ترتفع الحراره مع الوقفه ترتفع فوق الربع وتزيد بس انا احرك الموتر عشان تنزل الحراره

وغير كذا انا ملغي بلف الهواء بس مادري له دخل والا لا
لان ظهور الارتفاع حق الحراره ظهر موخرا

وشكرا للجميع
موهافي
27/09/2012, 01:45 AM
وسمعت عن الرديتر الاردني سعره حول 350 مدري هو زي اداء الوكاله او لا
sgl2002
27/09/2012, 03:51 AM
هذا الرديتر

المسه من فوق والمسه من تحت

اذا وجدت اختلاف بالحرارة فهذا من الرديتر
عبقري91
27/09/2012, 06:39 AM
الرديتر الصيني حلو
لاكم الموتر قديم شوي يعني
المجرم الي مشكوك فيه الطرمبه حقت المويه
وهذي تعرفها اذا فكيت غطا الرديتر ودعست بنزين وتحركت المويه حركه قويه وسريعه
حلو. الا اذا كان البلف موجود
يمكن يكون مسدود من الوصخ
لاكن انت تقول الربع. او فوقه شوي
واحس طبيعي كان عندي ٩١ الثلث دايم. لين بعتها
ابو فهد...
27/09/2012, 12:38 PM
الردني احسن من الوكاله انا مركبه زي الفل
ابو فهد...
27/09/2012, 06:34 PM
الاردني قصدي حلو
ls1.5700
28/09/2012, 04:09 AM
موترك مافيه الا العافيه لاتلعب فيه الحراره ربع ثلث طبيعي جداً ولا منها خوف على الحرك
خالد أبو ذيب
28/09/2012, 07:42 AM
اذا ارتفعت الحراره فك غطى الاديتر وتأكد المويه تفور ولا طبيعيه
اذا كانت طبيعيه فالمشكله من المروحه غيرها وان شاء الله تنتهي المشكله
وتذكرني بالخير اكلمك من واقع تجربه
جيبي جايزلي
28/09/2012, 10:34 AM
اذا بلف الحراره مفكوك رجعه
mdr3m777
28/09/2012, 11:37 AM
هذي مشكله السيارات المستهلكه عند الوقوف وخصوصاً بالصيف
اخوي اخذ الوضع طبيعي لكن لابد من الانتباه عند ارتفاع الحراره للنص

اذا شلت الترمستات وشيشت الراديتر وما فاد معك ما اظن في حل خصوصا وانها سياره قديمه


جرب تركب مروحه اضافيه تشتغل مع الناريه
موهافي
29/09/2012, 01:05 AM
يعطيكم العافيه اخواني الاعزاء وبيض الله وجيهكم
غيرت الرديتر اردني وشيكت عالطرمبه ونفس الوضع الحراره ماتغيرت توصل الثلث اي قبل النص وقت الزحام واحتممال تزيد مع الوقوف وناس تقولي عادي الى النص بس بما ان السياره قديمه اخاف الحراه تشعر الراس او تاثر على المكينه
باذن الله بس افضى راح اركب مراوح خارجيه تشتغل مع المكيف لان البلا بس اثناء تشغيل المكيف وغير كذا عادي .
عبقري91
29/09/2012, 02:10 AM
فكيت البلف شيك عليه
اذا المويه الي نزلت اثنا تغييرك الرديتر وصخه
لو منظف السرندل احسن
وقتها حتى بتعرف اذا البلف خربان او. لا


والله مره صيخت الرديتر طبعن
فكو الخرطوش ونظفو كل شي ورجعوه لمكانه حتى البلف.
ويوم ركبو الخرطوش حطو على اطرف الخرطوش معجوب اسود عشان يمنع التهريب

وهم يدخلون الخرطوش بلكوع صار الكوع يدف المعجون لداخل وثبت على الطراف
صار زي الربل مع الوقت ومع حرارة الماء ودورانه داخل المكينه انقطع الربل الي هو معجون لانه مصار بنصف صار على الحافه والنوع مو بصلي المهم انه صار في فتحات البلف وصار معاد يفتح فتحه كامله
الربل سد السسته حقة البلف
وفكيته وشلتها والحمد لله زان
حاجه تافه ولا تجي بلحسبان


اوقتها كنت ناوي اشيل البلف وحصلت كل هلبلاوي
حتا بعض الصدا تجمع فيه





انت فك البلف ومن شكله بتعرف كويس او. لا


حتى الطرمبه قديمه مراح تقوم بلواجب
المطلوب لان المويه مي اصليه ام زيت
المويه العاديه تصدي بطرمبه
وتضعف دورانها
مع الوقت
موهافي
29/09/2012, 02:18 AM
يعطيك العافيه
المويه كانت شوي خضرا ولها ريحه قويه
ومادري عن تنضيف السلندر لانه ركب خرطوش من مكينه صفرا مادري هي كانت تعمل تدوير لتنظيف السلندر او لا
فعلا بديت اشك في الطرمبه الله يستر لا تكون مكلفه
لان السياره هذي نظامها حرك تبلش
جيت اغير القزوز عشانه مشعور ويطلع صوت طلعت 3 مسامير متكسره في قاعدة القزوز اللي بالمكينه ومخرطه وشغلانه مالها اخر