المساعد الشخصي الرقمي

مشاهدة النسخة كاملة : جيب لكزس ار اكس 2007 وطقطقة من ثلاث سنين مالقينا لها حل


سليل قروم
26/09/2012, 02:42 PM
يسعد مساكم اعزائي

انا عندي جيب لكزس ار اكس موديل 2007



بعد شهر من شراءة رقيت لي حجر في طريق سريع كانت طايحة من تريله وكسرت عندي جنطين

المهم تم تغيير الكثير من القطع ليس وقت حصرها

من ذلك اليوم الى يومنا هذا وفيه طقطقة حتى الوكالة ماوصلت لأسبها في جهة الكفرين اللي رقت على الصخرة


صوت من الجنب الأمامي يسار طقطقة مثل قطع البلاستك يزيد مع زيادة السرعة وتحسها اقرب من تحت الباب حق السواق

الصوت الثاني من نفس الجهة بس من الخلف طقطقة وكأن رأس المساعد الخلفي يتحرك وبرضه مالقوا لها سبب


أرائكم ........؟


مع كل الشكر
انفاس الصباح
26/09/2012, 03:08 PM
أخي (سليل قروم ) حصلت لأخي مشكلة شبيهه بمشكلتك , ولتوضيح اكثر الصوت كان كأنه صوت الحصاة إذا دخلت في حروف الكفر , وفحصها عند ورش كثيره , واللي يقول عمود كردان واللي يقول بداية كرونه ..إلخ , في الأخير راح لهندي جيد في صناعية النسيم , ومجرد سمع الصوت راح يفحص صواميل الجنط فكان ثنتين فيهن ورده والباقيات لا , فركب صواميل جديده بورداتهن واختفى الصوت تماما , فلعل موترك مثله إن شاء الله , ومعذرة على الإطالة .
سليل قروم
29/09/2012, 08:47 AM
بارك الله فيك اخوي انفاس الصباح
مسير عليهم
29/09/2012, 09:15 AM
شيكت على كراسي البودي انا حصلت لي في سيارة سابقه ونفس الجهة وبعد كشوفات لقيت كرسي البودي الايمن وسببها حادث
mdr3m777
29/09/2012, 02:29 PM
اخوي جيك على السفايف يمكن مرتخيات
لان اذكر كانت عندي سياره سبورت وتطقطق واكتشفت انها من السفايف
.أبوعبدالرحمن
30/09/2012, 01:08 PM
ينقل للقسم المناسب
أبو اريام
09/10/2012, 09:10 AM
اخوي مشكلتك بسيطه مررررره
وهي فيه غطاء عازل على تانكي السياره من جهة السواق تحت مع سرعة السيارة يطقطق في البدي
حاول انك تغريه مع البدي او تحط لاصق ابو وجهيين او تحط سفنج بينه وبين البدي
وعلى فكره اغلب الار اكس يشتكون منه
رحال7
09/10/2012, 12:54 PM
اخوي مشكلتك بسيطه مررررره
وهي فيه غطاء عازل على تانكي السياره من جهة السواق تحت مع سرعة السيارة يطقطق في البدي
حاول انك تغريه مع البدي او تحط لاصق ابو وجهيين او تحط سفنج بينه وبين البدي
وعلى فكره اغلب الار اكس يشتكون منه

والاحتمال الآخر شوف الأهواز
في الوضع الطبيعي تكون مثبته بأحكام ولكن أحيانا بعد الإصلاحات يتركونها بدون تثبيت فتظهر أصوات مزعجه وصعب جداً اكتشافها
سليل قروم
02/12/2012, 02:40 PM
اخوي مشكلتك بسيطه مررررره
وهي فيه غطاء عازل على تانكي السياره من جهة السواق تحت مع سرعة السيارة يطقطق في البدي
حاول انك تغريه مع البدي او تحط لاصق ابو وجهيين او تحط سفنج بينه وبين البدي
وعلى فكره اغلب الار اكس يشتكون منه


أبو اريام الله يجزاك الجنة

طلعت المشكلة مثل ماقلت بالضبط

الله يجزاك كل خير وكل من شارك هنا


لاهنت
أبو اريام
02/12/2012, 04:41 PM
آمين
وياك اخوي ما سويت شي
انا مثلك معي أر اكس وكان الصوت مجنني وطليت تحت وقلت خلني اجرب في العازل وطلع منه