سؤال كيف اقدر اعرف وزن هدد طيري ~~~~

[ابوحزااااااام]

السلام عليكم


كم هو واضح بالعنوان كيف اقدر اعرف الوزن اللي يهد عليه طيري
علما ان طيري جير وكري مقاسه16في 16حزم واذا مثلا 1000gكيف اقدر اخليه ثابت على وزنته؟
والله يجزاه خير اللي بيفيدني ويجعلها في موازين حسناته

[عابر الموج]

على حسب نفسية الطير احيانا يهد طير على صنعه وبعض الطيور لازم تنزل من وزنها واذا تبي تظبط على وزن معين اذا كنت تعطي الطير حمام عطه يومين ثنادي الحمامة واليوم الثالث ثندوه واحده تقدر تتحكم بالوزن ولازم يكون عندك ميزان قبل الدعو تازن الطير اذا زادوزنه نقص من العلف بالتوفيق

[صقار الأسياح]

اخوي لازم ميزان تركز فيه وتعطيه مثلا ثنادي حمامه يومين وتازن ان نقص زود شوي رجل مثلا وان زاد نقص عطه تندوه ونص وهكذا الميزان لازم

[قلب ذيب]

المقصود بوزن الطير ليس االاتزان مائه في المائه , لكن اذا كان الوزن فوق المطلوب او تحته بقدر بسيط فلاباس والطير مايتغير به شي , المقصود في وزن الطير هو الوزن الزائد الذي يجعل الطير لايهد حتى في طيور الوحش اذا كان الوزن زائد والطير صنيع لايهد , كذلك كون الطير هزيل يحد من طيرانه وقوته ومقدرته على الصيد .
. . انا اشوف انه حسب نفسية الطير وسنه ونوعه ففي طيور الجير لابد ان يكون وزن الطير معقول لازايد ولاناقص والصقار يعرف نفسية طيره اما في طيور الوحش ففي العاده ياخذ الصقار حسابه اذا كان طيره خلوي او فرخ شاهين , وانا ارى ان الشناذره هي التي تحد من نزارة الطير ومن عدم اعتدال مزاجه .
. . حنا في المقانيص عندما تجرد الطيور في الصيد سواء وحش والا جير اي عندما تصيد كل يوم واكثر من حبارى نعشيها ليليا الى ان تشبع , وتهد نهار ثاني عادي , وبعض الطيور تهد وهي معشاه نصف عشا !
.. الطير حسب نفسيته وحسب صقاره , وضرورة الميزان لطيور الجير اعطيت أكبر من حجمها خاصه ممن هم لايحبون طيور الجير يقولون ( الجير لازم بميزان ) وذلك الكلام في غير محله صقرنا حرار وشياهين وحش , وابترمنا على طيور الجير وقليل مانستخدم الميزات للجير الا في فترة تدهيله وتعليمه , واذا قنص طير الجير وهو من نوع طيب ومن مزرعه معروفه ابشر بالصيد والناموس .