السفر من أبوظبي إلى مكة

[أبو ماجد]

السلام عليكم ورحمة الله وبركاته

أنا ناوي أسافر من أبوظبي إلى مكة المكرمة لأداء العمرة بإذن الله عن طريق البر. فهل هناك من يستطيع أن يدلني على أفضل طريق يمكنني أن أسلكه؟ وكم هي المسافة تقريبا؟ً وهل هناك مخاطر في الطريق لأنني مسافر أنا وزوجتي ومعنا طفلة صغيرة وسيارتي ليست دفع رباعي....

وجزاكم الله ألف خير

[beznas]

حيالله الاخ ابو ماااجد ..
انت لازم تسلك
ريق ابو ظبي الى الرياض وهذا حوالي 900 كيلو ..
وبعديـن من الرياض الى مكه وهذا حوالي 950 كيلو.
والطريق من ابو ظبي الى الحدود ميسر وسهل.. وبعد ما تتعدى الحدود السعوديـه بيمر عليـك طريـق حوالي 150 كيلو ضيق ويجب عليـك الانتباه خصوصا ً لو كنت ماسكه بالليــل
اما بالنسبه للطريــق من الرياض الي مكه ف الحمدلله الطريــق واسع وكبيــر والخدمات موجوده على طوول الحط.
اتنمنى اني اكوون افدتك ولو بمعلوماتي البسيـطه

[الوافي عزام]

السلام عليكم ورحمة الله وبركاته تعيقيبا على كلام اخي فالطريق كالتالي
اولا من المنفذ اتجه غرب مرورا بحرض والتوضيحيه وغيرها من الهجر والطريق سايد واحد تقريبا ومن ثم تصل الى الخرج
ثانيا من الخرج اتجه شمالا الى مدينة الرياض ومن مدينة الرياض اتجه غربا الى طريق الحجاز وهو المؤدي الى مكه
ملاحضات
*الطريق من الحدود السعوديه الى الخرج قرابة 400 كيلو
*الطريق من الخرج الى الرياض قرابة 90 كيلو
*الطريق من الرياض الى مكه قرابة 950كيلو
*عند خروجك من الحدود السعوديه سوف تجد على يدك اليمين محطه ساسكو عب منها بنزينك ويوصلك للخرج
*بالنسبه لك ولعائلتك فلا يوجد اي مشكله فللآه الحمد بلادنا امن وامان وانت بين اهلك واخوانك
* لابد لك من سؤال اهل المناطق لأرشادك على الطرق الصحيحه خاصه اذا اردت الخروج من الرياض الى طريق الحجاز


وبالسلامه............
ارجوا اني افدتك واذا كان عند الأخوان اي تعديل فجزاهم الله خير

[الوافي عزام]

واذا اردت اي استفسار اخر فهذا رقمي 0503161309

[مسافر1]

طريق حرض حقيقة يجب أخذ الحيطة فيه فالرمال الزاحفة غالباً ما تغطي الطريق أو بعضه ..
فيجب الانتباه لذلك ..
ومن الأفضل السير فيه نهاراً ..

[وسيطي!]

السلام عليك ابو ماجد
رحلة موفقة ان شاء الله
اتصل بي وان شاء الله بخبرك بالطريق من ابوظبي الى الرياض
بارسلك رقمي عن طريق الرسائل الخاصة.

[ابو ناصر2020]

السلام عليكم متابعة لم قيل سبق ومريت انا في الطريق ترا الطريق وانت جاي من ابوظبي لرياض اهم شي انه يكون مرورك من الربع الخالي
يكون فجرن لقلات السيارات في هاذا الوقت لان الرمال تكون قد هدت قليل ولكي تنتبه الى الطريق لان الطريق مليان طعوس في وسط الطريق
هاذا محصلي ولكن نجونا بحمد الله فهذي الوصله البسيطة هي الصعب مافي الطريق ويوجد شقق مفروشه قرب طريق مكة من الرياض
وللتواصل 0504236150

[الاخطبوط]

تستطيع الاستفاده ايضا من برنامج القوقل ايرث في معرفة المسافات والطرق داخل المدن للتخطيط للعمره

موفق ان شاء الله

[أبو ماجد]

السلام عليكم
أشكر جميع من ردوا على استفساري وجزاهم الله ألف خير
ولكن أنا ما زلت متخوفاُ من الطريق بعض الشيء حيث قيل لي أن هناك طريقاً يقال له الحرض ولكنه دائم التعرض للزوابع الرملية فهل هدا صحيح.
أنا ناوي أطلع بعد صلاة الفجر بإذن الله أي حوالي الساعة الخامسة. فهل هذا الوقت مناسب للسفر. وهل هناك أي عراقيل على الحدود؟
التفتيش يأخذ وقتاً أم أنه سريع؟

[وسيطي!]

السلام عليكم

اخي ابو ماجد
ولكن أنا ما زلت متخوفاُ من الطريق بعض الشيء حيث قيل لي أن هناك طريقاً يقال له الحرض ولكنه دائم التعرض للزوابع الرملية فهل هدا صحيح.
نعم اخي يتعرض هذا الطريق احيانا للزوابع الرمليه ولكنه الاسرع ( 529 كياومتر الى الرياض تقريبا )
بس انتبه للرمل الزاحف على اطراف الشارع والجمال.


أنا ناوي أطلع بعد صلاة الفجر بإذن الله أي حوالي الساعة الخامسة. فهل هذا الوقت مناسب للسفر. وهل هناك أي عراقيل على الحدود؟
التفتيش يأخذ وقتاً أم أنه سريع؟
خلك في مركز الحدود على طلعت الشمس يعني 6.30 الى 7 والتفتيش ما اعرف الوقت اللي يستغرقة في مركز الامارات يخلصونك وانته في سيارتك يعني 10 دقايق كحد اقصى والمركز السعودي بعد نفس الشي اذا كنتم عائلة ما يفتشونك حط بعد 10 دقايق. واحب الفت انباهك باني سافرت في شهر 3 /2006 في هذا الوقت يكون المركز الحدودي فاضي .

[المربد]

العزيز ابو ماجد
بما ان معك عائلة فانصحك بان تبتعد عن خط حرض لانه مقطعة وما فيه محطات ولا قرى
وتاخذ طريق الاحساء ثم الرياض

[كشوتي]

للاخ ابو ماجد
كما قال اخونا المربد لاتذهب من طريق حرض فهو خطر ومقلق جدا
ولكن اذهب عن طريق الاحساء فهذا الطريق سريع بعكس طريق حرض المزدوج
والفرق بالمسافة لايتعدى 100 كم ولكن الراحة والطمأنينة اهم شي بالسفر .

[dark]

سلام عليكم
انا ايد الاخ كشوتي وكلامه مضبوط
طريق حرض الرمل يكون داخل في وسط الخط وخطر علي العوائل من وجود الشاحنات وزدحامها وسيد وحد
وللتواصل 0504251912
والله يحيك اذا وصلت الرياض بين خونك واهلك

[الفيتو2006]

روعتوا الرجال 0000

يابو ماجد الطرق طيبه كلها 00لكن لاتتجاوز 120كم فى الساعه نهارا وانت ماشى من الحدود الى الرياض 0

اما من الرياض الى مكه فكأنك تمشى بسيارتك على مدرج مطار لوحدك 00طريق عالمى بكل المقاييس 00

واعتقد ان الاخوان ما راح يقصرون "وارقامهم موجوده " وبيفرحون اذا طلبت مساعدتهم 0

وحياك الله بين اهلك 0

[dark]

اخوي الفيتوا طريق حرض كانت مسرع معه بليل جاي من الامارات والسياره كامري هذاك الوقت مدريت لا انا مخذ الطعوس قطوع قلبتها تطعيس مدريت اني رقيت طعس وطارت معه الزفلت سيد وخوك مسكها جاده بين العروق كاني لحق ثعلب :)

[الاخطبوط]

للي يسمعكم يقول والله ماعاد امشي مع ذا لطريق

مع اني اشوفه طريق عادي

يعني اي طريق بتمشي فيه بالليل او تكون مسرع فاحتمالية حصول شي لاقدر الله تزداد

يعني امشي الصباح ولا تتجاوز السرعه المقرره وان شاء الله مابيصير شي

لاتخوفون الرجال

[راعي الرجم]

يارجال توكل على الله ونصيحة انك تمشي بالليل
افضل وابرد وذا وصلت الرياض ريح
بالنهار وامش بالليل
والوقت هذا مافيه سوافي يعني لا تخاف من الرمل الزاحفه على الطريق
والطريق يوجد فيه معدات للمواصلات تقوم بتنضيف الطريق من اي
رمال على مدار الساعة
بس اهم شي تفلل بانزين من الحدود
توكل على الله الطريق زين رحت معة كم مره وتراه يختصر الطريق اكثر من 300 كم
الطريق من (البطحا الحدود السعوديه)
الى حرض 250 كم
وانتبه قبل تاصل حرض ترا فيه مطبات صناعية شينه خذ حذرك
من حرض الى الخرج 175 كم
من الخرج الى الرياض 85 كم
طريق سريع وجيد
من الرياض الى مكه 990 كم تقريبا
وهو سريع
كما قلت لك السفر في هذه الايام بالليل افضل
مع اخذ الحذر وعدم السرعة

[قناص بغداد1]

تعال مع طريق حرض بس لااتوفف لااحد اذا اشرك
والله الموفق

[شبح الصحراء]

طريق حرض البطحاء اعتبره من اسوء وأخطر طرق السعودية مع انه أحد الطرق الهامة التي تربط السعودية بالإمارات والسبب كثرة دخول الكثبان الرملية على الطريق مع انك ترى الجرافات تشتغل ولكن "ما تقدر تلحق" بسبب كثرة هبوب العواصف الترابية خصوصاً مع دخول وخروج فصل الصيف في أشهر إبريل وسبتمبر .

هذا مقطع فيديو صورته في العام الماضي للكثبان الرملية على الطريق وهي خطرة جداً خصوصاً بالليل مع وجود شاحنات كثيرة تسلك الطريق لذلك انصح بسلوك الطريق في النهار .

http://www.fileforwarding.com/file.php?id=8738 (http://www.fileforwarding.com/file.php?id=8738)


وهذه صور للكثبان الخطيرة على الطريق:

http://www.mekshat.com/pix/upload/images20/mk23961_pdvd_072.jpg

http://www.mekshat.com/pix/upload/images20/mk23961_pdvd_075.jpg

[مطر جدة]

رغم ان الموضوع قديم
بس استفدت منه في المستقبل

شبح الصحراء

والله الطريق يخوف من هالكثبان والشاحنات ..

الافضل السفر في النهار بدل الليل .. خاصه ان الطريق رايح جااي .. والواحد يتعمى عمى مؤقت مع الانوار العالية

[الماضي الدفين]

اخوي
وش لك بعوار الراس
امسك الطريق اللي يودي للحساء ثم الرياض احسن الف مره من طريق حرض خطر ومقطعه ولا يصلح لك
طريق الاحساء افضل طريق