( 5 ) أستفسارات بقرب موسم الطلعات و البر

[أبو نايف ...]

السلام عليكم ورحمة الله وبركاتة

أتشرف بأن أنضم لهاذ الصرح الشامخ

والله يوفقنا لما يحب ويرضى



ــــــــــــــــــــــــــــــــــــــــــ وبعد

أخواني لدي بعض الأستفسارات أبي مختصين يجاوبوني ::

أنا معي لاند 2001 قير عايدي.6 سلندر بطه بطه في البر

البر قرب وودنا نجهز الجيب للبر :

اولاً:: هل يا شباب تنصحوني أركب مراوح على الجيب ؟؟؟

لأنه ثقيل مره .......... وهل التركيب له ضرر على المرتر أو الكهرب

وهل المراوح عمليه ؟؟؟؟ يعني أسافر بها عادي ولا أدابج بها عادي ؟؟؟

أفضل محل للتركيب المراوح الكهربائيه ؟؟؟ و أفضل مروح للاند ؟؟؟


ثانياً ودي أركب هدرز بس بدون أي أزعاج

يقلون أن الهدرز يخلي الموتر خفيف نفس

أفضل هدرز ؟؟ أفضل محل للتركيب أو التفصيل ؟؟؟

ثالثاً :: هل تنصحوني أركب بواجي و أسلاك بواجي ؟؟؟

النوع الأفضل وشو ؟؟؟


رابعاَ:: أفضل مساعدات قدام ماهي ؟ ناوي على المرسدس رخيص ويشد وجه الموتر

وين أحصلها ؟؟


خامساً :: تركيب بطاريه أضافيه مع متسليك الموتر باللمبات عند الصبي بأذن الله


والي عنده أقتراح يفيدني للاند


بارك الله فيكم ...

[أبو نايف ...]

للرفع ......,,,,,

[ابوراكان تبوك]

انا بأعطيك بعض النقاط المهمه بالنسبه لي

اول شيء تأكد ان المروحه الصغيرة اللي خلف الشبك تشتغل والاديتر لازم يكون نظيف مع التأكد من الماء هو أصلي أولا والبلف كذلك
المراوح الكهربائية من وجهه نظري أضرارها اكبر من فائدتها لو تطفي وانت ما انت منتبه الحراره تلعب في السيارة خله كل شد بلده أفضل
البطارية الاظافيه مثلك افكر فيها وافضل جهاز اعجبني من ناحية مواصفاته جهاز رفيق الدرب لكن ماجربته
تأكد من زيوت الكوارين الثنين والدبل والقير مع تشحيم الاعمده كل شهرين
تأكد من وجود الصاجة اللي تحمي الكرتير والجربكس
لازم لالالالالالالالالالالالازم يكون معك ماطور هواء وواير سحب
قارمن ( شاشة الرود ماستر تكفي )



بعد كل مشوار بعد المطر غسل بطن السيارة عن الطين حتى ما يأكلها الحلى

وسلامتك
وباقي الاستفسارات ننتظرها من الاخوان

[خوة نشامي]

موفق باذن الله

[خوة نشامي]

موفق باذن الله

[جرهد]

انا بأعطيك بعض النقاط المهمه بالنسبه لي

اول شيء تأكد ان المروحه الصغيرة اللي خلف الشبك تشتغل والاديتر لازم يكون نظيف مع التأكد من الماء هو أصلي أولا والبلف كذلك
المراوح الكهربائية من وجهه نظري أضرارها اكبر من فائدتها لو تطفي وانت ما انت منتبه الحراره تلعب في السيارة خله كل شد بلده أفضل
البطارية الاظافيه مثلك افكر فيها وافضل جهاز اعجبني من ناحية مواصفاته جهاز رفيق الدرب لكن ماجربته
تأكد من زيوت الكوارين الثنين والدبل والقير مع تشحيم الاعمده كل شهرين
تأكد من وجود الصاجة اللي تحمي الكرتير والجربكس
لازم لالالالالالالالالالالالازم يكون معك ماطور هواء وواير سحب
قارمن ( شاشة الرود ماستر تكفي )



بعد كل مشوار بعد المطر غسل بطن السيارة عن الطين حتى ما يأكلها الحلى

وسلامتك
وباقي الاستفسارات ننتظرها من الاخوان

مرحبا

كلام سليم 100%

الصراحه انا اسمع بعض الشباب يتكلمون عن المراوح ولا اعرف السبب
لأنه ماعمري شفت جيب ترتفع حرارته الا مع الاستخدام الجائر جدا جدا
مثل بعض حركات الشباب الي يلعبون في السيارة ويجلس يطعسون مدة طويله بدون داعي


الهدرز هو مقوي لعزم الموتر وعمله هو زيادة الضغط على البلوف من خلال زيادة ادخال
واخراج الهواء وتفعيل زيادة عملية الاحتراق الداخلي وهذا ينهي عمر الماكينة مع الوقت
باختصار يدمر عليك الماكينة في يقصر عمرها


وأي اضافات مفيدة للجيب ممكن تزور محل ( اربعة في اربعة ) الموجود في بريدة
في الضاحي وهو يفيدك كثير بدون ما تخرب موترك

بالتوفيق