الاخ كبسوله وباقي الاخوان

[سفااري]

السلام عليكم. كيف حالكم اخواني كنت ماشي على موتري وعطش الموتر وطفى ويوم فتحت الكبوت لقيت سلك الكويل الجاي من الديلكو منفصل وعليه مثل الزيت مدري وش هو المهم شبكته وشغلت وش هالزيت وش الحل لاهنتوا علماً ان السلك هذا ينفصل بستمرار

[عبدالله الموسي]

وعليكم السلام

انت وحدك من يقدر يحدد نوعية الزيت ومصدره لأنك واقف على الموتر..
وتبقى مرئيات الاخوة مجرد توقعات لا أكثر..
عموماً تأكد من ليات الباور
وتأكد من وجه غطاء البلوف لايكون به تهاريب
والسلك يبي له تثبيت لو بطريقة تقليدية لو مكسوره كبوسة
ولكن بعد تنظيف مركبة تنظيف جيد عن الغبار والأتربة
ولك التحية

[YUKON_GMC]

احتمال كان واحد حاط عليه شحم حتى مايدخل المويه وهي حركه قديمه كانو يسوونها الشيبان يحطون شحم على روؤس اسلاك البواجي حتى وقت المطر مايدخل المويه للبواجي واسلاك البواجي والموتر مايطفي


عموماً الافضل تنظفه وتغير السلك جديد او تركب طقم اسلاك بواجي كامله .. لأن الاسلاك عمرها الافتراضي ثلاث سنوات إذا كانت اصليه وبعدها تبدأ تضعف

[سفااري]

مشكورين لاهنتوا