رأيكم يهمني في الباترول الحوض - ديزل

[الدبل]

السلام عليكم و رحمة الله و بركاته


اخوكم ناوى يشتري باترول حوض 2012 و فكرت اخذ ديزل

لكن ما ادري عن الباترول الديزل هل ينشد به الظهر و قليل اعطال و صيانه

اي واحد عنده معلومه عن قوته و تحمله و اعطاله لا يبخل علي بشي

النيه استخدام كل شي بر ديره خط نفود شعبان و لا نيه للبيع قبل 5 سنين

بارك الله فيكم و رحم الله والديكم و الله لا يحرمكم الاجر

[السامي2011]

ديزل !! وش تبي بالديزل !!

خذ لك فتك !! 2012

[أبوشريدح]

الديزل عزمه ضعيف واعطاله كثيره
تبي النصيحة؟؟ اشرد عن الديزل
والله ما فيه خير وانا اخوك

[Saud 2002]

بالتـــــــــوفيق

[مسير عليهم]

البنزين افضل واقل اعطال وارخص صيانه

[شاهين12]

هلابك اخوي :
اقوى محركات الديزل بالتحمل والصبر بالعزم تكفيك المعدات الثقيله اقلهن الشاحنات الدينا والتريلا .
واستخدام ديزل لاتعدى الاندكروزر والديماكس الزوزو الدفرنسين والهايلكس .
الباترول الديزل ماعلم عنه...

والله يكتبلك الخير

[أبوشريدح]

اخوي شاهين12
المعدات الثقيلة شيء ثاني
والفارق كبير بين قوة محرك الديزل والبنزين
والله يالعظيم من واقع تجربة البنزين اقوى بكثير
الدييزل يصلح للمعدات الثقيلة لا في السيارت

[الدبل]

جزاء الله خير كل من شارك و عطانا رايه

اخواني انا عارف ان البنزين اقوي و لكن انا ما احتاج قوة البنزين

كثر ما احتاج قوة تحمل و طول نفس و توفير في الصرفيه

سؤالي هل موديل 2012 فيه ديزل و كم قوة مكينته

و مواصفاته مثل البنزين الفل - دفلوك - ثلاجه - تانكيين

و جزاكم الله الف خير و بيض الله وجيهكم ما قصرتوا

[الشقردي 205]

ياخي خذ بنزين وارتاح افضلك من الديزل ..

[الدبل]

اتصلت اليوم على وكالة المسعودي في ابو ظبي

قال ما فيه باترول شاص ديزل مصدر لدول الخليج

و الاسعار الموجودة - الفل - 114000 درهم

العادي - 107000 درهم و الالوان فقط ابيض - فضي - اسود

و سالته عن الكميات قال ما نبيع للتصدير للشخص الواحد اكثر من 4 سيارات

وأعطاني خبر و هو بشاره ان العيسى اخذ الموافقه الرسميه من شركة نيسان

ليكون وكيل رسمي في المملكه حسب كلامه بموجب خطابات مرسلة لجميع وكلاء نيسان في الخليج

بيض الله وجيهكم ما قصرتوا و توكلنا على الله و الله يوفقنا و نلقى اللون البيج

[شاهين12]

اخوي شاهين12
المعدات الثقيلة شيء ثاني
والفارق كبير بين قوة محرك الديزل والبنزين
والله يالعظيم من واقع تجربة البنزين اقوى بكثير
الدييزل يصلح للمعدات الثقيلة لا في السيارت




ما أختلف معك يابوشريدح .

محركات البنزين بالسرعه اسرع يعني بالمشي مع الخط .
ولاكن محرك الديزل اقوى بالعزم (التحميل والثقل الزاياد مايدري )
سبق وأن جربت الديزل الهايلكس محرك 2800 ،4روس ومحرك 2500تيربو
والديماكس الدفرنسين محرك 3000 .
بالسرعه كلهن يمشن حدود 170كم.
بالتحميل لايوجد مقارنه مع محرك البنزين 2700 ،4سلندر.
خاصه محرك 2800 ومحرك 3000 تلاحظ الفرق.
وعندك الددسن الان محرك 2500تيربو .
ومع واحد من الربع شاص ديزل قوه جيده ومحرك ليس تربو المحركات الجديده تربو
وشوف الاجانب اكثر مايستخدمون بالجيوب محركات الديزل .
وعندك الاتوبيسات الصغيره ،حقات البضايع لشركات اغلبها ديزل .
وعندك الديانا البنزين اذا حملت عليها ماتمشي بينما الدينا الديزل تمشي عادي وهذا مجربه بالنسبه لي.
وعلى فكره محرك الدينا 6روس ديزل ،يعني مثل محرك الجيوب 6روس مع مراعات اختلاف قوة المحركات من كل شركه .