ضروري تدخلون ؟؟؟

[ابن قرمله]

سلام عليكم ورحمة الله وبركاته

عندي شهانه وحش لحظة عليها انها تفح واجد وتفتح افمها مع انها تشرب ماء ونفسه زينه ومدهلها هل هي طبيعه ولا فيها مشكله ارجو تفيدوني بسرع وقت واكون شاكر لكم

[اسلي نفسي]

يفيدونك ذو الخبره ما يقصرون

[بدوي نمبر ون]

انت تقول وحش والظاهر المكان اللي هي فيه حار بالنسبه لها الخطوات بالتالي
١- حطها بمكان بارد
٢- احتمال يكون بسبب زيادة العلف والمكافخ
٣- سدد بالمنسر
٤- افحصها بالمستشفى
وماتشوف شر

[ابرق الحرار]

ابن قرمله مساالخير الطير صنيع او فيه التهاب بالرئة اذا صنيع حطه في مكان بارد او رش ارضية المكان الموجود به



نرجوا الدخول على القسم الخاص ولا عليك امر

[alyasy]

عطها دوا التهاب الرئه لمدة ٣ أيام.

[ابن قرمله]

طيب اذا عطيتها دواء الالتهاب حق الرئه ما يضرها اذا هي سليمه ووين القاه ولاعليكم امر

[راعي زيتون]

ياخوي نفس ماقولولك اربع عطها ادو الاتهاب ماقصرو

وانا اقول لو توديها وتفحصها فحص شامل احسن وايد


يمكن الطير في ارداد

الطير يوم اتشله على يدك يخفق خفقتين يلهث

وفي الدعو يوم تدعاه وهو جايك يبطي يوقع يريح

ويوم يجيك يتم يلهث بقوم

يلحف فيه رداد هذا الي عرفته انا




وبينلك في محط الطير

خضار مع المحط ايذا فيه خضار واجد ود الطير وفحصه فحص شامل

ان كان الطير فيه ارداد قطع اسبوقه وفك السره ترا ماله علج

اسال مجرب


والسموحه

[الجره جديده]

كيف تفح وصف لي الفحه
هل هي تفتح الفم وتسكره مع التنفس
والا فمها فاتح وهي تفح
وبعدين هل هي فحه ولا تلهث
وش المكان اللي هي فيه
وكيف صنعتها

[ابن قرمله]

صنعتها زينه اخوي الجره جديده وطيارها زين بس فيها لا منها كافخت فتحت فمها ولا لا هديتها ولعبت على الملواح تفح شوي وتبداء تعلف وعلفها زين ولا ترد شي والماء تشرب والمكيف عندها يعني كل شي تمام وبلعكس نفسيتها طيبه ولا تشكو الا من الفح وهل اعطيها حبوب الالتهاب ولا يضرها

[احمدابراهيم]

اخوي انا صارت لي نفس الحاله وفحصتها وطلع التهاب ف التنفس
افحص وماتشوف شر

[حشّار]

يابن قرمله طيرتك مابها الا العافيه بس الجو حار حتى الاوادم يفحون
وانت ودها المستشفى وافحصها طبعا بيقولون لك فيها ديدان وهذا طبيعي كل الوحش مايخلا من الديدان

[اماراتي 10]

افحص الطير اول وبعدين العلاج عندي طير حاليا يلهث لهث وهو على وكره وديته للنستشفى وسواله الدكتور منظار طلع عنده دود رئه وخالي من أي التهاب أو رداد الحمدالله نصيحتي افحص الطير قبل والله كريم

[نجم404]

مايشوف شر ان شالله