المساعد الشخصي الرقمي

مشاهدة النسخة كاملة : كذاحافظت على العزبه كلها ...


وجهة نظر
02/08/2006, 08:03 PM
السلام عليكم
بأختصار انا تعبت من بعثرت وحوسة العزبه وشيلها وحطها ( السن ):D ؟؟؟؟ومن رص الأغراض فوق بعض بشكل يكسر ويحوس العزبه ( البر بريره الآ بشبب النشما )فكرت وسويت ها العزبه ابي منكم مشكورين الراى وهي عباره عن التالي /
انا عندى عزبتين (الشكل المعروف) وحده لعدة القهوه والثانيه لطبخ اخذت مقاس الثنتين فوق بعض وسويتها قطعه وحده يعني مع بعض من الالمنيوم الخفيف جداً والقوي بنفس الوقت وحطيت ابواب بقفل واضافة ادراج اليها لسكاكين وغيره وركبت لها كفرات لسحب في الارض السهله وبعد ذلك لبستها قماش تنزاني وبمقابض لشيل ( يعني مطبخ بيت صغير )وش رايكم وهاذي الصور

http://www.mekshat.com/pix/upload/images18/mk19520_ad.jpg


http://www.mekshat.com/pix/upload/images18/mk19520_dddd.jpg
الكابتن
02/08/2006, 08:25 PM
يعطيك العافيه

لكن اعتقد وانا اخوك انها غير عمليه بالمره لان حجمها كبير وبتاخذ كل المساحه بالسياره وراح تتفكك من الشيل والحط

هذا راىىىىىىى
ومشكور
الضاري
02/08/2006, 08:36 PM
يعجبني الأنسان الطموح اللي يبتكر ويخترع

لكن الله يعينك على شيلها
العساس
02/08/2006, 08:59 PM
يا الحبيب الظاهر انك رايح تسكن بشقق ما رحت للبر
العزبة اللي انت مسوي هذه وش يبي يشيلها ويحطها
بعدين تبي تأخذ مكاااااان كبير جدا بالسيارة
وياليت تقول لنا وش السيارة اللي بتركب فيها االعزبة هذه يبي لك دينا هذي عدة الطبخ والقهوة
وين الثلاجة تبي لك 16 قدم وتبي لك فرش يمكن زل والمنام وغيره وغيره
ما اقول الا الله يعينك على هالعزبة
وجهة نظر
03/08/2006, 05:09 AM
ياشباب ترى المقاس يساوى العزبتين ( القهوه والطبخ مجتمعه ) يعني نفس الشي ؟
والوزن نفسه ؟؟
مريقب العيفار
03/08/2006, 06:23 AM
اخوي وجهة نظر

اسمحج لي ان اهنيك على محاولتك ايجاد شيء جديد ومفيد

انا اعتقد ان الاخوة لم يتصوروا الحجم الحقيقي لهذه الحافطة

فهي يالتأكيد اصغر مما توقعوه

لكن مع ذلك ماذا لو كنت فقط تحتاج الى عزبة القهوة فهل ستحمل كل الحافظة؟

انا مثلك معي حافظتين وحدة للقهوة ووحدة للطبخ

عزبة القهوة حتما ستكون صغيرة وبالتالي تسطيع وضعها في اي مكان

انا اميل الى تركها عزبتين افضل في نظري

اضف الى ذلك اني لست دائما احمل عزبة الطبخ بينما

عزبة القهوة ما تنزل من السيارة

شكرا لك واتمنى ان نرى ابداعات اخرى قادمة
الضاري
03/08/2006, 12:15 PM
اخوي وجهة نظر



اسمح لي ان اهنيك على محاولتك ايجاد شيء جديد ومفيد



انا اعتقد ان الاخوة لم يتصوروا الحجم الحقيقي لهذه الحافظة



فهي يالتأكيد اصغر مما توقعوه



شكرا لك واتمنى ان نرى ابداعات اخرى قادمة



^^^^ :good: :good: :good: ^^^^
صخب
03/08/2006, 12:23 PM
والله انك مانت بسيط يوجهة نظر

وفعلا تصميم في الصميم

لكن واش لونها معك هل تأثرت من كثر الاستخدام؟؟؟

الله يعطيك العافية
وجهة نظر
03/08/2006, 01:27 PM
شكراً لكم ياشباب على المرور
وترى التجربه لا زالت في بدايتها التي تعتبر حتي الأن جيده بالنسبه للاستخدام
ولااستغني عن المشوره والراى .
واكرر ( نفس مقاس العزبه المعروفه بل واقل وزن وحفظ افضل ) وادراج اضافيه
ابو فهد 911
03/08/2006, 01:35 PM
بما ان اسمك وجهة نظر انا عند وجهة نظر ليش ما تكون هاذي في البيت لانها احسن ومرتبه ونفس الوقت تحفظ الاغراض لاجيت تكشت عمليه بسيطه فرغها في الحافظات وخلاص وانا بسراحه بطبقها عند بالبيت
ولد شقرا
03/08/2006, 08:21 PM
ماشاء الله باقي بس الفرن
يعطيك الف عافيه
منتعش
03/08/2006, 10:22 PM
أول ما شفت الصورة
حسبتها ( ثلاجة أو غسالة ملابس ) بدون زعل .
أتوقع أنها ثقيله وراح يطلع فيها أصوات
وقابلة للكسر
وأقرب مثال ( دواليب المطابخ اللي في البيوت )
بس أنا أحب الشخص اللي يفكر ويقترح وإلى الأمام
والله يوفقك ويرعاك .
السارحي
04/08/2006, 08:39 AM
بارك الله فيك يا اخ وجهة نظر فعلا مثل ما قالوا الشباب حجمها كبير وتتكسر مع كثر الشيل والحط ...


بس انا عندي اقتراح ليه ما تصورها بجنب السياره او داخلها علشان نستوعب حجمها لانها بالصوره

مثل ما قالو الشباب كبيييييره .....

ولك مني كل تحيه وتقدير ..
kaaaatm
05/08/2006, 12:08 PM
هذي العزبه اكبر من مطبخ بيتي...............
جلوبلستار
06/08/2006, 02:38 AM
فكرة رائعة . لكن اتمنى ان الحجم يكون مناسب .
بريموس
06/08/2006, 03:17 AM
وجهة نظر أنا ما ودي أكسر مجاديفك ولكن أهم شيء : أنت ... أنت ... مقتنعبه ؟
هذا أولاً .
ثانياً :بوجهة نظري اللتي تخالف وجهة نظرك أن هناك سلبيات في هذا التصميم:
1. الناس تفصل العزبتين علشان الخف وأنت تدمج .
2. ألمنيوم ما ينطح البر وغرابيله .
لكن محاولة موفقه.
الاستاد
16/08/2006, 02:12 AM
بما ان اسمك وجهة نظر انا عند وجهة نظر ليش ما تكون هاذي في البيت لانها احسن ومرتبه ونفس الوقت تحفظ الاغراض لاجيت تكشت عمليه بسيطه فرغها في الحافظات وخلاص وانا بسراحه بطبقها عند بالبيت

نفس الفكرة ابقوله
السوسه
19/08/2006, 08:18 AM
يا الحبيب الظاهر انك رايح تسكن بشقق ما رحت للبر
العزبة اللي انت مسوي هذه وش يبي يشيلها ويحطها
بعدين تبي تأخذ مكاااااان كبير جدا بالسيارة
وياليت تقول لنا وش السيارة اللي بتركب فيها االعزبة هذه يبي لك دينا هذي عدة الطبخ والقهوة
وين الثلاجة تبي لك 16 قدم وتبي لك فرش يمكن زل والمنام وغيره وغيره
ما اقول الا الله يعينك على هالعزبة




:confused: :confused: :confused:
ابوعبدالله9999
20/08/2006, 02:49 AM
فكرة جيدة ولكني مع الرأي اللي يقول عزبتين منفصلتين أفضل لأن القهوة والشاهي دايم تحتاجها وعزبة الطبخ ما تحتاجها إلا بإستعداد ولا تقول أسهل لأنك تبا تشري لحم وإلا دجاج يعني بتتعب بتتعب وخضره وبصل أشياء لابد من شراها متنخزن بالعزبه...وشكراً جزيلاً.
ابوعزيزm
20/08/2006, 03:03 AM
فكرتها حلوووة

لكن أعـذرني الشكل مش ولا بد . . :)

فيه عند عروق الشمال تصميم راااائع لأدوات الرحلات

إن أمكن راح أعرض صور لها بإذن الله تعالى
صوح الجبل
20/08/2006, 03:29 AM
فكره حوله ... لاكن وانا اخوك احرص على انه العزيه شنطتين قهوه وشاهي ..... وطبخ