سلام يالجوال واجمل تحية............الحل دواجن ...........حله المزيدي

[الخامسي1]

بسم الله الرحمن الرحيم
السلام عليكم ورحمة الله وبركاته
سلام يالجوال واجمل تحيه ... ولغزي خفيف الوزن حجمه ونصه
انشد عن اسمه ياراعي الحميه ... اوله فيه اعلاج مع حرف نصه
واخره عوذا منه ومن هو سميه .... مذكور في القران وللشيخ نصه
ينصاه والمقصود حرمه نيه .....وراعي النواياء زاد بالجرح غصه
الله حسيب الكل حسنه وسيه ... وعميلهم عروه فوق المنصه

لغيز خفيف وظريف من اول رمعه


دمتم بخير

[ابوماريا]

يامبدع الأبيات جزل العطية ،،، اتحفتنا باللغز وجمّلت رصــــة
يستاهل الجوال منك الهدية ،،، لجله كفو يستاهل اللي يخصة


صح السانك يالخامس وسلم بنانك
غالي ومسند على غالي


مرور تقدير وجاري التفكير

[ال-رايق]

بسم الله الرحمن الرحيم
السلام عليكم ورحمة الله وبركاته
سلام يالجوال واجمل تحيه ... ولغزي خفيف الوزن حجمه ونصه
انشد عن اسمه ياراعي الحميه ... اوله فيه اعلاج مع حرف نصه
واخره عوذا منه ومن هو سميه .... مذكور في القران وللشيخ نصه
ينصاه والمقصود حرمه نيه .....وراعي النواياء زاد بالجرح غصه
الله حسيب الكل حسنه وسيه ... وعميلهم عروه فوق المنصه

لغيز خفيف وظريف من اول رمعه


دمتم بخير

وعليكم السلام ورحمة الله وبركاته
وارحب ياخوي/ابو نايف
والرمعه عن قولة مارمعنا(مرمس)
مر/علاج
مس/اعوذ بالله

اهلا هلابك يازبون الونيّه=ياشاعر لا قال ماقيل له صه
ينقد قرنتي مانقد من عطيه=او حط خاتم لأجل ينظر بفصّه
من جامعة دنيا الحياه الشقيه=ماقاده الطابور فصل وحصّه
هذا يابو نايف وحقّك عليه=أرسل سلام لك فؤادي يخصه
أحلى على الضميان من شرب ميه=ومن الرطب ماهوب كنز جصه

[الخامسي1]

يامبدع الأبيات جزل العطية ،،، اتحفتنا باللغز وجملت رصــــة
يستاهل الجوال منك الهدية ،،، لجله كفو يستاهل اللي يخصة


صح السانك يالخامس وسلم بنانك
غالي ومسند على غالي


مرور تقدير وجاري التفكير




انت المثالي وكفوك الطيب زيه ... وان مرك الجوال لاغبت وصه
قله ترى لغزي كسب قابليه ... بأبيات ابوفائز فتحه ويقصه
مافيه رمعه كان قلنا قويه ... لأكن تشريفه لنا فيه حصه
ان مر مثل النور يازين ضيه ... وان غاب يعطي اللغز نظره وبصه

دمت واصل ووافي وصح السانك وشرفني مرورك العطر وانتظر الرمعه
تحياتي

[الخامسي1]

وعليكم السلام ورحمة الله وبركاته
وارحب ياخوي/ابو نايف
والرمعه عن قولة مارمعنا(مرمس)
مر/علاج
مس/اعوذ بالله

اهلا هلابك يازبون الونيّه=ياشاعر لا قال ماقيل له صه
ينقد قرنتي مانقد من عطيه=او حط خاتم سحر ينظر في فصّه
من جامعة دنيا الحياه الشقيه=ماقاده الطابور فصل وحصّه
هذا يابو نايف وحقّك عليه=أرسل سلام لك فؤادي يخصه
أحلى على الضميان من شرب ميه=ومن الرطب ماهوب كنز جصه




ارحب ياابومهند
صح السانك وبيض الله وجيهكم جميعاً على المجارات

اشكرك
والرمعه توجه وتفصيل سليم ولاكن عذرً مالك لوااا

[ال-رايق]

طيب يالطيب
كيبليس
راع الفضائح
-----------
ومشّها حدها تمشي ..ترى اليوم جمعه ..وترفع الاعمال الصالحه فيها لاعدمتك:D

[الخامسي1]

طيب يالطيب
كيبليس
راع الفضائح
-----------
ومشّها حدها تمشي ..ترى اليوم جمعه ..وترفع الاعمال الصالحه فيها لاعدمتك:D


والله ما تمشي ولو تحتها سير ... وحتى ولو حطيت من تحتها صعب
دورغيرها
ومافيه الا ذا اللغز خلني أحاول في واحد يسليه
مالك لواا
والرمعه لو ركزت شؤي لقيتها

[ال-رايق]

اتصل من الجوال
طيب/
مرجان
ولك تحياتي

[ا لجوا ل]

وعليكم السلام ورحمة الله

يا مرحبا ترحيبتن محلفيه
يامن على الجوال نصا وخصه
ارحب وحيا بك على الشاذليه
وعلى فقار حوار ياخير فرصه
ومعه مرق صيد ونرشف سويه
وسوالف فيها قصيده وقصه

[المزيدي4]

وعليكم السلام ورحمة وبركاته
صح لسانك يا أبو نايف وبيض الله وجهك
وأبو رمزي يستحق الاسناد
مرور تقدير واحترام ورد للسلام
وتأيد لابو مهند جعله يسلم ومن يقرأ


اتصل من الجوال
طيب/
مرجان
ولك تحياتي

[الخامسي1]

اتصل من الجوال
طيب/
مرجان
ولك تحياتي


طاب فالك ومالك لواااا

[الخامسي1]

وعليكم السلام ورحمة الله

يا مرحبا ترحيبتن محلفيه
يامن على الجوال نصا وخصه
ارحب وحيا بك على الشاذليه
وعلى فقار حوار ياخير فرصه
ومعه مرق صيد ونرشف سويه
وسوالف فيها قصيده وقصه





ماني مجاريك وتم نقلط بس لا طاح الوسم
صح السانك وبيض الله وجهك
دمت مبدع

[الخامسي1]

وعليكم السلام ورحمة وبركاته
صح لسانك يا أبو نايف وبيض الله وجهك
وأبو رمزي يستحق الاسناد
مرور تقدير واحترام ورد للسلام
وتأيد لابو مهند جعله يسلم ومن يقرأ







ارحب ياابوسعد
وافي ومرورك كافي
والرمعه مالك لوااا

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وماشاءالله عليك
قافية...نصه...وردت ثلاث مرات كل مرة بمعنى
لله درك
وغالي ومسند على غالي
ويش قولك بـ
مرسم
مر...علاج
سم...سماحة الشيخ فلان
حتى يلج الجمل فى سم الخياط

[الخامسي1]

وعليكم السلام ورحمة الله وبركاته
سلمت يالغالي
وصح لسانك
وماشاءالله عليك
قافية...نصه...وردت ثلاث مرات كل مرة بمعنى
لله درك
وغالي ومسند على غالي
ويش قولك بـ
مرسم
مر...علاج
سم...سماحة الشيخ فلان
حتى يلج الجمل فى سم الخياط




ارحب ياابوعلي
اشكرك
ونجتهد لنيل الرضى والقبول
الله يجعلنا وإياكم من المقبولين

اسعدني مرورك والرمعه
مالك لواا

[ناصر العلي]

طيب يالغالي
مرهم
حنا لزمنا على مر

[الخامسي1]

طيب يالغالي
مرهم
حنا لزمنا على مر


الله يغليك ومر دواء بس فيه اشمل للمعنى
دمت :good2: غاليً

[ا لجوا ل]

الفزعه يالربع وينكم

[ابو ماجد 2]

صح لسانك يابو نايف
هاللغز تعسر حله
والظاهر انت مثلي احيانا تعتبر اللغز سهل وتتعثر رمعاته
واحيانا الرمعات الاولى تصرف الذهن عنه
محاوله
لعلها تمهد للحل
طبريا
اوله طب
ونهايته ريا نعوذ منه ومن سميه

[الخامسي1]

الفزعه يالربع وينكم


اول ماشفت الفزعه يالربع من الحماس بغيت ارمع :):)

[الخامسي1]

صح لسانك يابو نايف
هاللغز تعسر حله
والظاهر انت مثلي احيانا تعتبر اللغز سهل وتتعثر رمعاته
واحيانا الرمعات الاولى تصرف الذهن عنه
محاوله
لعلها تمهد للحل
طبريا
اوله طب
ونهايته ريا نعوذ منه ومن سميه


صح بدنك

مايتعسر وشرؤاك موجود

وما دام ان في خاطري لغز وجالس ادور على الرمعه له وان شاء الله ابياته ما تخيبني
القريحة في وقتها ومسنده لك كل ماشفت شئي افكر فيه ومابعد حصلت الهدف

اذاً

تستاهلون التوضيح حرفه الاوسط واو وحروفه خمس واوله داً ودواء

والرمعه مالك لوااا

[ابوماريا]

الفزعه يالربع وينكم

والله ماهناك قصور يالغالي بالتفكير
لكن الظاهر ابو نايف محصنه وقاري عليه عند الشيخ

هههههههه

[الخامسي1]

والله ماهناك قصور يالغالي بالتفكير
لكن الظاهر ابو نايف محصنه وقاري عليه عند الشيخ

هههههههه


قاري عليه عند المذن وانت الصادق ؟



ارحب وما بقى شئي الا اقوله وينتهي اللغز
راجع جميع ماكتب بالأحمر واعتبر اللغز انتهاء

[ابوماريا]

قاري عليه عند المذن وانت الصادق ؟



ارحب وما بقى شئي الا اقوله وينتهي اللغز
راجع جميع ماكتب بالأحمر واعتبر اللغز انتهاء

والله مايجي منك قصور يابو نايف

[الخامسي1]

والله مايجي منك قصور يابو نايف




تسلم ياابوفائز
لأكن اللغز طول
يدور اهل الوطنيه

[المزيدي4]

الشعب لا عزّم عزومه قوية
جناح راعي المال لازم يقصه
حطوا على قلبه وعلباه كيه
في الكبد مارية وفي الحلق غصة
وأخص تجار (الدواجن) وهيه
اللي هذا الايام للناس قصة
الله يجير الشعب من كل هيه
ومن كل مجرم خير داره يمصه

http://im13.gulfup.com/wz6z1.jpg

[الخامسي1]

الشعب لا عزّم عزومه قوية
جناح راعي المال لازم يقصه
حطوا على قلبه وعلباه كيه
في الكبد مارية وفي الحلق غصة
وأخص تجار (الدواجن) وهيه
اللي هذا الايام للناس قصة
الله يجير الشعب من كل هيه
ومن كل مجرم خير داره يمصه

http://im13.gulfup.com/wz6z1.jpg




كفوووووووووووووووووو
والله ياابوسعد
كفوووووووووووووووووو
الحل الدواجن
الدوا
جن
دمت قناص ً محترف ً
واعذرني انا بعيد والا كان جاريتك صح السانك وكفووو مرار وتكرارررر

[ابوماريا]

ماشاء الله
سلمت يابو نايف على اللغز
وعلى الإحساس الوطني
الله يكثر من أمثالك

وكفووو يابو سعد ثم كفوووووو

[المزيدي4]

كفوووووووووووووووووو
والله ياابوسعد
كفوووووووووووووووووو
الحل الدواجن
الدوا
جن
دمت قناص ً محترف ً
واعذرني انا بعيد والا كان جاريتك صح السانك وكفووو مرار وتكرارررر


كفوك الطيب
يا أبو نايف
وبيض الله وجهك ما حصل منك قصور
دمت مبدعا للألغاز
وشاعراً لا يجارى

[المزيدي4]

ماشاء الله
سلمت يابو نايف على اللغز
وعلى الإحساس الوطني
الله يكثر من أمثالك

وكفووو يابو سعد ثم كفوووووو


كفوك الطيب يا أبو فايز
الله يسلمك ويعطيك العافية