اهل الخبره في اللاندكروز ، مشكلة جلد البلوف ،،

[Saad 11]

السلام عليكم ورحمة الله

يا اخوان موتري جي اكس ار 2001 عندي نقص بسيط بالزيت وهالشي طبيعي مااشتكي منه ، المشكله بالظبط هي في جلد البلوف يعني اذا وقف الموتر 5 دقايق ومشيت يطلع دخان ابيض ..

وذكر لي ان فيه ورش تصلحها بدون ماتفك راس المكينه ،
الي يعرف هالورش يدلنا عليها الله يعطيكم العافيه ،،

[mekshaat]

صحيح يفكونها بالزرقينه واذا أنت بالرياض فيه ورشة مهندس
سعودي عنده فنيين فلبينيين يصلحونها لك وهو يشرف عليهم
وشغلهم على مستوى توضيب مكاين وعندهم خبره.

[باسم العزام التميمي]

الاصقه في البدايع ورقمه ٠٥٦٦١٨٩٧٩٧
أبو صالح

[مكشاتي حرمه]

انا نفس مشكلتك لكن فكسار والان شنبر معي تحول الدخان ازرق وبدا يهرب مع الشكمان لكن مو دخان متواصل
مدحوا لي ورش واجد لكن اللي ابي اعرفه بواقع الخبره

هل يكفي تغيير ( طقم وجيه الراس والبلوف والشنبر )

او لازم توضيب

[Saad 11]

يعطيكم العافيه

فيه ورشه بصناعية حايل توني مكلم مهندسها وقال نقدر نغير الجلد بدون فك راس المكينه ،،
بشوف ان كان فيه ورش بالرياض تسوي كذا ،،

الله يعطيكم العافيه وبانتظار الاخوان يتحفونا بآرائهم ،،


انا نفس مشكلتك لكن فكسار والان شنبر معي تحول الدخان ازرق وبدا يهرب مع الشكمان لكن مو دخان متواصل
مدحوا لي ورش واجد لكن اللي ابي اعرفه بواقع الخبره
فيه ورشه بصناعية حايل كاني صملت عليهم علمتك ، ورقمهم عندي

[Saad 11]

صحيح يفكونها بالزرقينه واذا أنت بالرياض فيه ورشة مهندس
سعودي عنده فنيين فلبينيين يصلحونها لك وهو يشرف عليهم
وشغلهم على مستوى توضيب مكاين وعندهم خبره.

ياليت اسم الورشه الله يعافيك وهل انهم يغيرونها بدون فك الراس ؟




الاصقه في البدايع ورقمه ٠٥٦٦١٨٩٧٩٧
أبو صالح


الف شكر ماقصرت

[مكشاتي حرمه]

بس ياخوي بدون فك الراس اتوقع ما ينفع لانه لازم وزن بلوف وانتم ابخص

[أحمد محمد1429]

هذا بداية شنبر ولا تستعجل على تصليحه بس راقب الزيت ولا عليك

[mekshaat]

ورشة المهندس السعودي اللي ذكرت لك يغيرها
بالزرقينه يعني بدون فك الروس وعلى كلامه
يقول اذا غيرها واحد ماعنده خبره وتمكن فيها
يمكن يطعج البلوف.

[مكشاتي حرمه]

انا قمت بالتسعير للقطع اللي احتاجها

من القرعاوي

طقم وجيه الراس 620 ريال

طقم شنبر مقاس ( 0 او 20 ) 1020 ريال

ولكن السؤال كم شغل اليد وهل تتوقعون يطول مثل التوضيب ؟

اللي له خبرة او تجربة يفيدنا ويفيد صاحب الموضوع

[ابوراكان تبوك]

اكيد يوم انه طالب هالقطع بيفك الراس

من واقع تجربة تتغير بدون فك راس وتكلفك الف ريال مضبطها قبل سنه على 2002 والحمد لله 100% لانقص ولا دخان
وانت غلطان أصلاً تفكر انك تفك الراس ( لأن فيه طقم يسموه الصفر دوائر زي الهلل كل بستم على رأسه اربع صفر هاذي مهمتها وزن البلوف ولو اختلفت او تغير مكانها او اختلف عليها البلف عمر السياره ماترجع مثل أول لازم تشتري طقم بـ 500 ريال وترجع تركبها على نفس التسلسل اللي بالكتلوج اللي معها )
والمهندس اللي يقول تنطعج مع احترامي الشديد انه كذااااب ماعنده زرقينه ويبي يمسك زبون
البلوف تنوزن تماتيك بواسطة الصفر اللي ذكرتها لك

وهاذا اللي بيسير وانت بكيفك بس مجرد نصحية لأخو

[عبدالله 15]

انا سويتها بحايل قبل سنتين تقريبا وكلفتني حول 700
والحمد لله لا لحد الان لا نقص بالزيت ولا غيره

[مكشاتي حرمه]

الله يجزاكم خير يعني اغيرها بالزرقينة بدون فك راس .... واتوكل على الله

علما ان موتري فكسار

[Saad 11]

الله يعطيكم العافيه وياليت تزودونا باسماء الورش الي تغيرها بدون فك الراس بالرياض ،،


ورشة المهندس السعودي اللي ذكرت لك يغيرها
بالزرقينه يعني بدون فك الروس وعلى كلامه
يقول اذا غيرها واحد ماعنده خبره وتمكن فيها
يمكن يطعج البلوف.

هل الورشه بالرياض ؟

[mekshaat]

الله يعطيكم العافيه وياليت تزودونا باسماء الورش الي تغيرها بدون فك الراس بالرياض ،،





هل الورشه بالرياض ؟


موقع الورشه بالرياض.

[البدر2]

صحيح يفكونها بالزرقينه واذا أنت بالرياض فيه ورشة مهندس
سعودي عنده فنيين فلبينيين يصلحونها لك وهو يشرف عليهم
وشغلهم على مستوى توضيب مكاين وعندهم خبره.

ممكن الله يعافيك وصف للورشة

[مكشاتي حرمه]

ابشركم انتهت مشكلة موتري ياربي لك الحمد

الله يجزاه خير من دلني على الحل .....


ياجماعة اللي يعاني من نقص زيت الدركسون وموتره يدخن لايعتقد انه جلد بلوف

طلعت المشكلة من حساس بلف يطلع منه انبوبين هواء واحد للثلاجة وواحد لفلتر الهواء

غيرته اصلي 250 ريال ونظفت الثلاجة وانتهت المشكلة الحمد لله

[ls1.5700]

اخوي مكشاتي حرمه
زيت الدركسون ماله علاقه بجلد البلوف
الله يبارك فيك

[hassan-55]

ابشركم انتهت مشكلة موتري ياربي لك الحمد

الله يجزاه خير من دلني على الحل .....


ياجماعة اللي يعاني من نقص زيت الدركسون وموتره يدخن لايعتقد انه جلد بلوف

طلعت المشكلة من حساس بلف يطلع منه انبوبين هواء واحد للثلاجة وواحد لفلتر الهواء

غيرته اصلي 250 ريال ونظفت الثلاجة وانتهت المشكلة الحمد لله

اخوي المشكله اللي عندكـ دركسون ولا مكيف ولا نقص زيت ولا دخان ؟

غريبه مشكلتكـ مالها علاقه بالحل اللي ذكرته !

انا عندي نقص زيت ودخان ممكن توضح

باركـ الله فيكـ
الله ييسر امرنا وامركـ وامر كل مسلم...

[راعي براوننق]

السلام عليكم
واحد من الزملاء غير جلد البلوف
بدون فك الراس عند راعي ورشه
بالزلفي اسمه سعود العضيب
ويشتغل بنفسه مع عماله
والامور تمام التمام له الان سنتين زي الحلاوه

[mekshaat]

اخوي المشكله اللي عندكـ دركسون ولا مكيف ولا نقص زيت ولا دخان ؟

غريبه مشكلتكـ مالها علاقه بالحل اللي ذكرته !

انا عندي نقص زيت ودخان ممكن توضح

باركـ الله فيكـ
الله ييسر امرنا وامركـ وامر كل مسلم...

يقصد بلف التبخير حق زيت المكينه مع ان فحص
جلد البلوف معروف تخلي السياره تشتغل وهي واقفه
لمدة 15-20 دقيقه وتدعس على البنزين وراح
يطلع دخان مع الدعس وبعدها ينقطع عموماهو
ذكر ان عنده جلد بلوف بدون مايتأكد منها.

[المستعين بالله]

جي اكس ار 2001 جلد البلوف وتسقيط شنبر كلف علي بحدود الفين وخمسمية ريال شاملة القطع من الضحيان مع اجرة الورشة مع العلم ان الموتر ماشي حدود الخمسمية الف والان الحمد لله تمام

[ابوراكان تبوك]

انت تقصد البلف اللي راكب على غطاء البلوف ماله علاقة بزيت الدركسون هذا يطلع الزيت ع البخاخ ويدخن موترك

[مكشاتي حرمه]

اعتذر اذا كلامي لم يكن واضح ..

طريقة الفحص المتبعة ( اول ما تشغل يدخن واذا وقفت فترة ودعست ودخن )

بالفعل هذا حصل معي لكن بالوقت ذااته زيت الدركسون ينقص وانا كنت على قناعه بانه عندي مشكلة بالدودة

وان الدخان اللي يطلع حسب النتيجة بالفحص ( التقليدي ) يرجع الى تلف جلد بلوف

ولكن الحاصل انه بلف التبخير ( لعلبة الدركسون ) يصل اليه انبوبين هواء

واحد الى ثلاجة المكينة وواحد الى فلتر الهواء والذي لدي ( تالف ) تسبب في شفط زيت الدركسون واخراجه مع الشكمان عن طريق الثلاجة

وتبين لي ( انه كما قلت جلد بلوف ولكن تبين انه هو سبب مشكلة الدخان عندي )

طرحت ما واجهته لعل ان يستفيد احد يكون مواجها لما واجهته


واعتذر مرة اخرى