ارتخاء التشوكات

[مدمن مررقوق]

السلام عليكم



يالربع واجهتني مشكله مع بندق نظام تشوكات كل 10 طلقات ينحل التشوك لفه وحده

هل هذا طبيعي بما ان البندق توها جديده ؟

افكر ارهم لها ماصوره بلجيك وافتك من التشوكات وغثاها وش رايكم انتم ؟

[الخديوى]

لا ترهم والدعوه ما هيب متحمله ترهيم مولصير فوق الاسعار الخياليه هاليومين لعموم السلاح
يوجد ماده اسمها (لوكتايد) تعينها عند ساكو وهي نوعين الاولي يجي لون العلبه زرقا هذا اللى تشتريها وتحط على السنه و فيما بعد يمكن ان تحلها بالقوه.
اما الماده الثانيه لون العلبه حمرا اذا حطيت من هالنوعيه فنسا انك تحلها واحياناً المخارط يعجزون فى حلها.الا اذا كنت بتجرب فخذ من الحمراء.موفق

[مدمن مررقوق]

طيب هل انحلال التشوك لفه وحده طبيعي كل 10 - 15 طلقه ؟

[هارون97]

لا تنفجر الماصورة انتبه

[مدمن مررقوق]

هذا اللي انا خايف منه يا هارون
مدري وش اللي بلاني بها البندق من اول على فل تشك ومرتاح

اللي شجعني عليها رجال مدح لي هالتشوكات يقول كل نص صندوق تشيك عليه ووهقنا

[الخديوى]

انحلال الشوك طبيعي جداً والحل انك تشدها بزراديه او تحط الماجه اللى علمناك بها

[عزوز العصامي]

الماجه ذي وين تباع فيه

[عبار درب]

الطبيعي ان التشوك ما ينحل انتبه لا تكون الماسورة متوسعة من الضغوط

[مدمن مررقوق]

انحلال الشوك طبيعي جداً والحل انك تشدها بزراديه او تحط الماجه اللى علمناك بها


الطبيعي ان التشوك ما ينحل انتبه لا تكون الماسورة متوسعة من الضغوط



والله احترنا اللي يقول طبيعي واللي يقول ماهوب طبيعي !

اخوي عبار درب البندق انا فاكها من قراطيسها جديده وقاعد امرنها بضغط 32 و 36 ما جاها ضغوط

[معوكس]

الله يسهل امورك ان شاء الله
وش نوع البندق يا الغالي ؟؟

هل انت تشد على التشوك بالمفتاح المخصص له ام بمفتاح عادي ؟؟

موفق

[مدمن مررقوق]

الله يسهل امورك ان شاء الله
وش نوع البندق يا الغالي ؟؟

هل انت تشد على التشوك بالمفتاح المخصص له ام بمفتاح عادي ؟؟

موفق


اشده بالمفتاح المخصص واشيك عليه بمصبعي كل 10 طلقات(قروشه) بالماصوره واكرب عليه بمصبعي لين ارتخا

[معوكس]

ما جاوبتني يا الغالي بالنسبه لنوع البندق ؟؟

يعني انت كنت تكربه باصبعك اول مرة ارتخى لين صار ما عاد ينكرب مضبوط بالمفتاح ؟؟؟

شيك على السنن الداخليه للبندق او جرب انك تغير التشوك يمكن البلا من التشوك؟؟

[مدمن مررقوق]

البندق فرانشي ايطاليه

لا التشوك سليم وسنه التشوك ممتازه

انا اركب التشوك قبل لا اطلع بمفتاح البلد ولين ارتخا كربت عليه بصبعي

[معوكس]

هل جربت انك تغير التشوك ؟؟

يعني هل يرتخي بس مع هذا التشوك ولا مع كل التشكات ؟؟

جرب تشوك ثاني اذا عندك وارم نفس الشي وشف هل بيرتخي ولا لا ؟؟

دايم تصير معك السالفه هاذي ؟؟ لانه ماهو طبيعي كل ١٠ رميات يرتخي الا اذا فيه مشكله

حاول انك ماتكثر الرمي لين تحل المشكله لانه مع الوقت راح يعدم عليك السنه وراح تكبر المشكله



موفق

[مدمن مررقوق]

جربت رقم 1 و 2 وكلها نفس المشكله

[جول قميري]

اخوي مستحيل يرتخي التشوك بعد 10 طلقات الا اذا انت تشده بيدك!!

[مدمن مررقوق]

اخوي يرتخي لفه او نص لفه بس

وكل ما ارتخى كربت عليه بقوه بيدي

هل هذا طبيعي لانه عندي اللي يقول طبيعي واللي يقول ماهوب طبيعي

[جول قميري]

اخوي يرتخي لفه او نص لفه بس

وكل ما ارتخى كربت عليه بقوه بيدي

هل هذا طبيعي لانه عندي اللي يقول طبيعي واللي يقول ماهوب طبيعي
اخوي الشد باليد ماينفع خصوصا ان السنه حقت التشوك ناعمه بالحيل..
شد عليه بمفتاح تشوكات او اي شي وجرب وانا متاكد ما راح يرتخي الا بعد ما ترمي واجد..

[مدمن مررقوق]

ابجرب بالمفتاح هاليومين وارد لك خبر

[juba111]

ارتخاء التشوكات طبيعي...لكن ليس كل 10 طلقات...يمكن كل 100 150 طلقة و يكون ارتخاء خفيف...ـتاكد من تنظيف التشوك و السنة الداخلية للسبطانة...ركب و شد بالمفتاح المخصص و تأكد من انك شديته زين....و اذا عاد و رخى بعد 10 طلقات يكون في مشكلة عندك...موفق خير

[ابو سلطانه]

من الطبيعي انحلال التشك


ولاتحط عليها اي شي ترا التاثير في مابعد

اذا مره تعبتك حط علي السنه حقت التشك (تفلون) شطرطون المواصير الابيض شي بسيط