ياهل الجموس الفزعهه

[خألد؟]

السلام عليكم ورحمه الله وبركاته

قررت اشتري سوبربان من موديل 2007 وفوق

لكن اكثر اللي اشوفه 6 مسامير
8 مسامير نادر اشوفه اول السيارات كان م يخذون 8 مسامير
لان كون مكينه 454
الحين الجديد تنصحوني في 8 مسامير

ولا 6 مسامير لان الشايب يبي ينقل عليه معلمات

فما ادري اي الافضل 6 او 8 بارك الله فيكم
من ناحيه الاستخدام لان نقل المعلمات ممكن 8 ف السياره على بعد 100 كيلو
يوميا يعني 230 كيلو

[YUKON_GMC]

اشوف ناس معاهم شفروليه فان اللي يسمى اكسبرس فان او جي ام سي Savan سافانا


اوسع واقوى مكيف واكثر تحمل من السوبربان وممتازه للنقل والمشاوير البعيدهـ وسعرها مناسب و 8 مسامير مثل ماطلبت ومكينه كبيره فورتك

Express 2012
http://prices.carsmarket.ae/ar/wp-content/uploads/2012/01/2012_chevrolet_express-pic-3976978842692007519.png



Savana 2012


http://i.oodleimg.com/item/3112441856u_3x424x360f_2012_gmc_savana/?1343064100

[مسفر الاكلبي]

ايه بس الشايب اذا بنشر بلش بالصواميل

[خألد؟]

يعطيكم العافيه على الردود بالنسبه لسافانا م يصلح ابد له لان كلهم م يتعدون 8 او 7 معلمات

ويبيه موتر خاص وموتر نقل كلهن بالنسبه للبنشر ونا اخوك كفرات جديده ولا ان شاء الله صاير الا كل شي زين

لكن انا ابي اعرف وش احسن استخدام ف موديل 2007 وفوق

بارك الله فيكم وجزاكم الف الف الف خير ويرحم والديكم على هالردود

لكن ابي اعرف الافضل فيهم ف الموديلات الجديد 6 مسامير افضل ولا 8 افضل

[sa-z71]

شف ياطويل العمر
انا مجرب 6 مسامير 2007 و8 مسامير 2008 مازال موجود

الفرق :

القوه + التحمل لصالح 8 مسامير
الراحه لصالح 6 مسامير
صرف بنزين داخل البلد لصالح 6 مسامير
صرف بنزين بالخط لصالح 8مسامير لأنه تانكيين


رأيي ،،
الوالد الله يحفظه أكيد ماتهمه القوه ولا هو راعي حمول
لذا أنصحك ب6 مسامير لأنه اريح وأخف بس حاول من 2009 وفوق لأن نزل عليه قير ست تعشيقات
الا إذا الوالد يحب القوه ف8 مسامير بيطربه طرب مامر عليه ولكن بيفقد الراحه لأنه نظام سست .

وإذا تبي القوه + الراحه عليك بالدينالي

وتحياتي لك

[سرااب77]

يا نااااس نظام السست في الجمس 2004 مالها حل تكفون طالبنكم مافي راحة ووووش السواة

[escape_man]

الثمان مسامير 8.1 لتر يعني حجم المكينة 454

وهي ترث من المكاين القديمة الحرارة كونها السلندر حقها حديد زهر مو المنيوم

الموتر يجي سست من الخلف ومتعب جداً للوالد او للمعلمات

صرفية بنزين

[sa-z71]

بن غييثات
ال8.1 انقطع الظاهر من 2003

والثمان مسامير ماهو شرط 8.1 اغلب الموجود 6 لتر

انا جربت 2004 ثمان مسامير 6 لتر والله لا حراره ولا مشاكل من فضل الله بالديره نعم يصرف لكن أقل بكثير من اللاندكروزر والباترول
وبالخط 600 كيلو بالراحه

صح فيه مطب بس ماياصل لدرجة الشاص والربع تايوتا مقارنه فيهم مريح جداً

والآن معي 2008 .. 6 لتر مراوح كهرب شد بلد وقير سته غيار عزم جبااااار ماتقارن فيه الموديلات السابقه من 2006 وتحت والحراره ثابته صيف شتاء ولله الحمد
ويمشيني بالخط 700 كيلو بالراحه تزود تقل على حسب ممشاك سرعتي 140-150

[لسان الحقيقة]

8 مسامير هو مكينة 2500 وانقطعت من موديل 2007 وتجي سست
6 مسامير مكينة 1500 وهي اللي موجودة الآن وتجي يايات

[YUKON_GMC]

^^^

1500 و 2500 ليست مكينه او حجم المكينه وانم هي حجم الشاص والحموله ..


حجم المكينه يحسب بالليتر او رموز تعريفيه للمحرك ..
4300 /5000 / 5300 / 5700 / 6000 / 6200 / 7400 / 8100 / هذي ترمز لسعة ألبستم باللتر
262 - 305- 307 - 350x - 350 - 454 - 403 - 400 - هذي رموز تعريفية لنوع المكينة

[salih100]

ابو 6 مسمار تكفيه وزياده بعدين مريح مره يايات موب سسته وبما انه شايب افضل له من
ابو 8 مسمار هذا ترا ما يستخدمونه بأمريكاء الا الي يجرون عليه بيوت متنقله وعربات خيول وربعنا هنا طايرين فيه

[tevo]

6 مسامير راحه وارغب بالبيع وتوفر قدع خاصه بالشكل الجديد .
لا تفكر بال8 مسامير الا ان كنت تبي تسحب مقطوره كبيره وراك .

[saad.saud]

السلام عليكم
مكينة 8,1 انقطع مع الموديل القديم 2006 وتحت
موديل 2007 و2008 يجي نوعين :
6 مساميرومكينة 5,3 وهو أريح للركاب
8 مسامسر ومكينة 6 لتر وهو أقوى
الموديلات الجديدة من 2010 وبعده ما عاد يجي 8 مسامير , فقط 6 مسامير ( شفر سوبر بان وجمس يوكن XL )
بالنسبة لإستهلاك البنزين ما أعرف .. بس أكيد يوفر أكثر من القديم (عندي يوكن 2006 (القديم ) التانكي 96 لتر وأعبي بنزين 91 ويكفيني 700 لتر بسرعة 130 كلم بالساعة ) فالجديد يوفر أكثر .
والسلام عليكم