المساعد الشخصي الرقمي

مشاهدة النسخة كاملة : اشركم غيرت كفرات هانكوك على الباثفندر جنط 17


المنبسط
04/08/2006, 02:20 AM
السلام عليكم
بعد الاستشارة وبعد السؤال والتحري والبحث في هذا المنتدى الغالي غيرت كفرات سيارتي وليتني اعرف انزل صور لها كان حطيت لها صور ليستفيد منها اعضاء ها المنتدى الغالي.
المنبسط
الوشاح
05/08/2006, 03:52 AM
الهنكـوك كفـر ممـتاز .. مبروك :)
المنبسط
05/08/2006, 07:43 PM
الله يبارك في عمرك اخوي الوشاح
وشاكر لك مرورك
المنبسط
الكايف2
06/08/2006, 12:43 AM
الله يبارك لك فيها سبق وان نصحتك فيها

لأني مركبها علي الباث فندرعندي جنط 17
وممتازه الي الآن اتمني لك التوفيق


سبحان الله وبحمده
ولد الشايب
06/08/2006, 01:47 AM
اخوي المنبسط ( جعلك دوم منبسط )

الله لا يهينك كم مقاسهن والسعر
المنبسط
06/08/2006, 02:53 AM
السلام عليكم
شاكر لك مرورك اخوي الكايف 2 والله يبيض وجهك ولا نعدم من مشورة مثلك وشرواك.
اخوي ولد الشايب (ومن قال) نفس مقاس الوكالة سلمك الله وسعرها 360 مع اني اخذتها من راعي محل بـ350 قبل اسبوعين, واي استفسار ابشر باللي يرضيك.
المنبسط
salehhd
07/08/2006, 02:02 AM
السلام عليكم

مبروك ان شاء الله وودنا تفيدنا بالكفرات
هل حسيت ببفرق بينها وبين البرجستون
وكيف هي في البر
والمطبات
المنبسط
07/08/2006, 01:50 PM
السلام عليكم
مرحبا بك اخوي salehhd
جربت البرجستون حقت الوكالة لكنها قاسية ومطبها قوي وما تعطيك في النفود, وجربت الميشلان مريحه ولينه وترتاح معها في النفود لكن عيبها ناعمة مره يعني تجي في زفلت ناعم او نقعة مويه تزحف على طول , اما بالنسبة للهانكوك فهي في راحة الميشلان ولينها لكن ليست ناعمة يعني ما تزحف واي استفسار اخوك المنبسط في الخدمة.
المنبسط :)
Abo Nader
16/08/2006, 01:07 AM
السلام عليكم...

الله يعطيك خيرها ويكفيك شرها بس ممكن مقاس الكفر...

وهل هو زين بالجلد و الخط...

طيب الميشلان هل هو جيد بالخط و الجلد و النفو و هل يرفع السياره...

و الله يجزاك خير...
الكلاسك
16/08/2006, 01:06 PM
جربت انا جميع الكفرات ( واحد يبالغ جربت انواع كثيره ) ما لقيت افضل من الهانكوك رخيص وجوده وشكل حلو واقتصادي فمن تجربه غيرت كفرات تويو يابانيه على الفورد الواحد ب 500 ريال وبعد سنه صار ناااااااااشف يزحلق وانواع الدخنه اذا فرملت واغيره بكفر ياباني اسمه سومو تومو كفر ركبته جديد وغيرته بعد ثلاث ايام رحت للنشر اللي شريت منه وقلت نا شريت منك كفراتك اشترها مني باللي تبي تعرفون ليه ترصص ولا ما ترصص الكفر يرج لا احد يقول من الجنوط؟؟؟ غيرتها بهانكوك وضبطت معي طبعا رجت الكفر كانت فوق تحت يعني العيب في الكفر وانت في بلد يضيع عليك الحق خصوصا عن وكلائنا الغير محترمين معظمهم
المنبسط
16/08/2006, 01:22 PM
السلام عليكم
مرحبا بك اخوي ابو نادر واخوي كلاسك وشاكر لكما مروركما
هل هو زين بالجلد و الخط...
في الخط ممتاز ما شفت منه اي مشكلة والجلد ما بعد جربته لكن جربه احد الأصدقاء ويمدحه وهو راعي بر.
طيب الميشلان هل هو جيد بالخط و الجلد و النفو و هل يرفع السياره...
الميشلان ممتاز لكن فيه عيب واحد السيارة تزحف معه اسرع من غيره وحسيت بالفرق بعد تركيب الهانكوك , اما في النفود فهو ممتاز , بالنسبة لرفع السيارة ما يرفعها لكن الميشلان بعد تركيبه بفترة يعرض الكفر شوي وبالنسبة لمقاس الكفر نفس مقاس الوكالة 245/65 جنط 17
واي استفسار ابشر بسعدك
اخوي الكلاسك نفس كلام البنشري يمدح الهانكوك بل قال انه افضل من بعض انواع الياباني.
اخوك المنبسط
Abo Nader
17/08/2006, 04:00 AM
السلام عليكم...

الله يجزاك خير أخوي المنبسط جعلك دوم منبسط:)...

و شكلي بركب اليشلان لأن مقاسه 265\70\17...

ماقصرت...
المنبسط
17/08/2006, 02:30 PM
السلام عليكم
مساك الله بالخير اخوي ابو نادر
انصحك بعدم تركيبها على الباث
لسببين 1/ الكفر كبير جدا فيثقل على الموتر وتحس في قومته بالثقل
2/ بعد فترة من الزمن يعرض الكفر شوي فيسبب احتكاك عند الملف في الرفرف.
طبعا اتكلم عن تجربة وليس كلام نظري بل هذا كلام واحد من الزملاء ركبها وتحسف انه ركبها وغيرها بعد فترة للأسباب الآنفة الذكروإذا كنت تبي تركب ميشلان ركب نفس مقاس الوكالة وهو موجود
وأي خدمة ابشر بعزك
اخوك المنبسط
الكايف2
18/08/2006, 12:05 AM
اخوي المنبسط حياك الله لاشكر
علي واجب واي خدمه اخوك حاضر
والله يعافي الربع مايقصرون
تقبل مني كل تقدير
000
سبحان الله وبحمده
ابوعبيده
21/08/2006, 12:44 AM
وش رايكم بكفرات فالكون للباث فندر ..
العيد
22/08/2006, 10:12 PM
الله يبارك لك فيها ويكفيك شرها :)

وشرايك سمعة الهنكوك قديما سيئة ومشهورة انها تضرب او تسلخ مع الخطوط والحر وعشان كذا هي رخيصة عاد ما ادري هي تغيرت من تالي ؟؟ عموما تجربة وحده او ثنتين ما تكفي يمكن تسلك مع واحد لكن تجيب العيد مع ثاني او ثالث :D

والمسألة ماهي فلوس بس الدعوة حياة او موت لا سمح الله