ما نوع هذا الطير( الصور من المنزل )

[Me7madi]

السلام عليكم ورحمة الله

التقطت هذه الصور من ساحة المنزل في منطقه سكنيه تكثر فيها الأشجار
وسط المدينة واتمنى معرفة نوعه

هل هو شاهين ؟!

أعتذر عن جودة الصور
http://farm9.staticflickr.com/8322/8039395209_3f8d30a2f9_o.png


http://farm9.staticflickr.com/8175/8039398177_0857491470_o.png

http://farm9.staticflickr.com/8461/8039505025_253be2263b_o.png
دمتم في حفظ الله ورعايته

[الشقردي116]

شيهانه ما فيها كلام

[العبيوي...]

طال عمرك هاذي شيهانه بس قيمتها خمس ميه ريال متنفعل الى النقل

[صقار محترف]

هذي جليميه وليست شيهانه وماتسوى 50 ريال

[عشقي براوننق]

هذي نسميها عندنا جلمه وهي اصغر من الشيهانه ولا تسوى شيء الا للنقل

[صقار العنزي]

ياعيال شيهاانه هذحجم حجم طير ماهي جلميه شيهانه عني

[ابوكايد11]

هاذي جباه وليست شيهانه

[صقارمبتدىء]

هذا شيهان طال عمرك بس اطرحه وماجاك عندي

[الصحافة 15]

شيهانه ما فيها كلام والتصوير مشاء الله تصوير محترف بس الكميرة ماتساعد

[بدوي نمبر ون]

هاذي
جلمه / ام طويق / ام حليق
اختلفت التسميات والطير واحد
ماتنفع الا للنقل

[قلب شقاوي]

ياخوي اذا شفت زي هالطير اطرحه وبعدين صوره على كيفك

[s3s3]

جبلي اطرحه ينفع للكراوين

[محمد الحويطي]

قالو لك ام طويق مهي شيهانه



تحياتي

[عبدالله بن الشيخ]

نعم أنا أضم صوتي للي قالو جليمية ,احنا نسميها ام طويق وأيضا نسميها (لوك) وحجمها مثل حجم الشرياس تقريبا

[ااااابو فيصل]

احنا نسميها حميمق وكثيره عندنا في الجنوب وما تاكل الا الزواحف

[ابو روابي]

من انواع الشياهين وتسمى جليميه او ام طوق وليس لها اي قيمه

[ذياب المجهلي]

فرخ شيهانه بس لو انك تحاول تطرح الطير وبعدين تفنن في تصويره وسال عنه

[koko9999]

هذي البكة يالربع ولاتهد صعبه ولا تجي الى بنقل

[(بوسلطان)]

هذا لوك ومايصلح للمقناص

[القرناس الأول]

جليميه. ،،،

[اخوك ياسالم]

أنا اقول واجزم بل لو تبي احلف عنها انها ماتسمى ام حليق جليمه ام طويق بكه والدليل انظر لنحرها لذالك سميت ام حليق وهي نوع من أنواع الشواهين ولاكنها بحجم الباشق ولاكن هي اذا كانت تطير تبين لك بالسما انها كبير واذا وقعت كبر الباشق وتستخدم لتنقيل وعموما هي تباع ولاكن قيمتها مايتعدى خمس ميه ريال والله يوفق الجميع

[ذياب المجهلي]

كفو يا اخوك ياسالم بيش الله وجهك

[ابرق الحرار]

هذي جليميه وليست شيهانه وماتسوى 50 ريال


:good2:كلام صحيح 100%

[رامى السيد]

جلمه ,,,,,,,,,,

[الشامخ عرعر]

:good2:بكه صح عليك
أنا اقول واجزم بل لو تبي احلف عنها انها ماتسمى ام حليق جليمه ام طويق بكه والدليل انظر لنحرها لذالك سميت ام حليق وهي نوع من أنواع الشواهين ولاكنها بحجم الباشق ولاكن هي اذا كانت تطير تبين لك بالسما انها كبير واذا وقعت كبر الباشق وتستخدم لتنقيل وعموما هي تباع ولاكن قيمتها مايتعدى خمس ميه ريال والله يوفق الجميع

[صاحب نوماس]

نعم أنا أضم صوتي للي قالو جليمية ,احنا نسميها ام طويق وأيضا نسميها (لوك) وحجمها مثل حجم الشرياس تقريبا

:good2::good2::good2::good2::good2:

[علي الشيباني]

السلام عليكم
اخوي انا بعطيك مواصفات تخليك تتاكد من كل اللي قالوه الاخوة
اللي يقول حميميق واللي يقول شهناه والي يقول جليميه
اسمع ..
انت تابع طيارها في السما الحميميق والجليميه يطيرو في الجو بعدين يوقوف جنحانه ترفرف وهو ثابت في الجو فذه ليست شهانه والعلامة الثانيه عند ماقعها علا الشجر او اي شي لازم قبل تحط رجلها ترفرف هذي الشهانه وكل الصقور الثمينه اما الحميميق ( الشبوط ) والجليميه والبكه والقطبه ماقعها مثل ماقع العصفور يوقع وقة الخفيف لاكن المطلوب لا .. يوقع وقبل الماقع يرفرف لتخفيف الهبوط مثل الحمامه بالظبط
وطيار الشهانه المطلوبه وكل الطيور المطلوبه ترف بروس جنحانها بس لاكن الباقيات ترفرف بالجناح كلللله وراس الصقر بارز بينما الشبوط والجليميه والبكه والقطبه روسهم ماهي بارزه

والاكثر مغالطه لشهانه المطلوبه ( القطبه ) فهي تختلف بفارق بسيييط لاصحاب الخبره لاكن اللي يميزها وقوفها بالجو ولاكن اذا مسكتها شف عينها اذا كانت صفرا ودوارة في دواره فهذي قطبه واذا كلها سودا ولافي اطرافها صفار فهذه هي الغاليه

واعيد واكرر القطبه فيها من يغالط الشياهين لحد كبير جدا

واللي في الصوره شكلها وعرضتها شهانه قرناسه لاكن اذا حصلك ومسكتها دقق في عيونها
والبوز لازم يكون كبير ومافيه صفار هذي الغاليه

عسا ربي يوفقك ولقى خير

[ابو شلايل]

هذا ام طويق وبعضهم يسميه لوك
واذا قوى عبوره يطرحونه البحارنه ويبيعونه في سوق الخميس فالقطيف بمئة الى ١٥٠ ريال سعودي
واذكر واحد من الربع صقره وصار يدعيه بملواح حبارى لكن مات وما ذقنا من سحاليه ههههه

[ارحبو2012]

هاذي شيهانه

[يحيى 2400]

بتسة ما فيها جدال

[برق المغيب]

جليمية ومافيها كلام 00

[صقار المملكة]

هاذي
جلمه / ام طويق / ام حليق
اختلفت التسميات والطير واحد
ماتنفع الا للنقل

:good2::good2::good2::good2::good2::good2:

[حشّار]

هذا الصحيح وقولوا اللي تقولون هذي البكه وش جابها لشيهانه الفرق واضح مايحتاج جدال وكثرة ردود

[قناص الدبدبة]

هذي نسميها البكه واعطيها 100%100 انها بكه

[Abu Al Bara]

السلام عليكم ,,,

يعطيكم العافيه ,, والنعم بالجميع وجميع توضيحاتهم ...

حسب خبرتي هذي نسميها بالشمال البكه (أم حليق) ..
يمكن إختلافات التسميه ,, نسمي الجلمه للإسبيروا الصغير اللي اذا طار يرف يرف ويوقف رف واذا وقف رف يبدأ ينزل , ويرجع يرف يرف ... وجناحينه صغيره

هذي البكه فرخه وإذا صارت قرناسه يصير شليلها المحيط برجولها من بطنها لونه برتقالي (مابين البني والأحمر).. واذا وكرت صارت صغيره مرره..

يما ربينها وحنا صغار .. احلى صيده عندها السمان والعصافير .. واذا فيه نقل باشك (باشق) تطقه غالبا..

أتمنى أن أفدتكم بما لدي ,
وفق الله الجميع

[الجبلي.]

ام حليق طائر شبيه بالشاهين
ويجهل هذا النوع كثير من الصقاقير في بداية مشوار الصقاره

[قناص قيال]

ليش الاختلاف واضح الطير

[@قرناص@]

ماشاء الله اهنيك على التصوير الاحترافي
بخصوص نوع الطير جليمة

[دنيا بلا معنى]

يالربع الجلمه يجي لونها على سواد بشكل كبير
هذي شيهانه جبليه والجبليه معروفه بصغر حجمها مقارنه بالطيور الثانيه
اطرحها وما جاك عندي

[عابر الوادي]

سلام ياشباب الطير ماهو شاهين وتخلتلف الاسماء على هالطير من منطقه الى منطقه;) وانت مدامك تصور هالصور هالواضحه امسك الطير وتعرفه الله يرزقك

[عابرالبر]

والله ياخوك العلم عند الله

[Rembrandt]

جلمة أو الاسم العلمى Hobby falcon
http://en.wikipedia.org/wiki/Hobby_(bird)

[عيد العازمي]

السلام عليكم ,,,

يعطيكم العافيه ,, والنعم بالجميع وجميع توضيحاتهم ...

حسب خبرتي هذي نسميها بالشمال البكه (أم حليق) ..
يمكن إختلافات التسميه ,, نسمي الجلمه للإسبيروا الصغير اللي اذا طار يرف يرف ويوقف رف واذا وقف رف يبدأ ينزل , ويرجع يرف يرف ... وجناحينه صغيره

هذي البكه فرخه وإذا صارت قرناسه يصير شليلها المحيط برجولها من بطنها لونه برتقالي (مابين البني والأحمر).. واذا وكرت صارت صغيره مرره..

يما ربينها وحنا صغار .. احلى صيده عندها السمان والعصافير .. واذا فيه نقل باشك (باشق) تطقه غالبا..

أتمنى أن أفدتكم بما لدي ,
وفق الله الجميع

اتفق معااه مع احترامي للكل


واتفق مع من قال ماهي شيهانه


هي من نوعهن بس الشباب يقصدون ماهي شيهانه للكروان والصيد


هذي كبر الشرياس ماتنفع للكراوين


هي والشرياص واحد


كلن له راي ووجهت نظر


تحياتي للجميع .

[عيون الافعى]

شباب اولا هاذي ربيعه او قليمية او جليميه

[صقار مبتدئ]

جليميه 100%

[قرناس بكر]

هذي شيهانه بس حجمها كبر الشبوط يسمونها بتجا بالحفر العام صدت ثنتين منهن وينفعن للحمام والجسوره تهد على الكروان

[عبدالعزيز610]

ججليميه والله اععلم وياما ياما ححيرت قنوووص كبباار يقطعون انها ششيهانه ..
والصوور واضضحه و بااين انهاا جليميه.. وجهة نظر بدون قصور بالاخوان الي قايلين شيهانه يمكن كلاامي خطأ