توظيب مكينة باث فندر

[هيبه ملك]

السلام عليكم ورحمه الله وبركاته
اخوانى اعضاء منتدى مكشات ارجو منكم المساعده فى مشكله اشغلتنى فى موترى باث فندر 2001 مكينه 3500 الماكينه تم توظيبها فى ورشه وعند ميكانيكى سمعته كويسه لاكن المشكله ظهرت بعد تطبيق الماكينه وهى تفتفه قويه تشبه فى السيارات القديمه عندما تقلب واحد فى اسلاك البواجى تفتف السياره وتطرطع المشكله تشبها كثيرا الموتر موجود عند الميكانيكى لحد الان هل اخرجها بعطلها او احمل الميكانيكى ومن واقع تجربتكم هل من الممكن تكون المشكله من عمود الكرنك او من عمدان التيمن او جنازير او تكون كهربايئه الرجاء من اخوانى دلونى م الطريقه الصحيحه ولكم خالص شكرى وتقديرى

[الربذي]

المفروض الورشه يطبقونها ويصلحونها 100 بالميه لاتطلعها لين يصلحونها لان بكل ورشه توظيب عمال لكل الاعطال كهربائي ميكانيكي
ماش الموتر اذا وضب قليل اقصد مايعيش كثير وممكن تطق المطينه باي وقت مامثل تطبيق الوكاله لو شريت مكينه يابانيه كانت معي باث انقعت المكينه وسقطت لها مكينه يابانيه وصارت تمام كديتها لين بعتها وهي زي الحصان
لاتطلعه ثم تضيع بين الورش هم المسؤلين عن تصليحها

[هيبه ملك]

بيض الله وجهك يالربذي كلامك عين العقل

[mekshaat]

مكينة الباثفندر من أصعب المكاين بالتوضيب ولايستقبلها
الا القليل من الورش أو واحد ماعنده معلومه ان توضيبها
صعب فيه مهندس سعودي أعرفه يوضب كل السيارات حتى
اللكزس والسيارات الكوريه الصعبه لكن الباثفندر يقول ماأستقبله
ولو استقبلته أخليه شهر يبي له رواقه عشان يضبط مع ان
المهندسين اللي عنده فلبينيين وكلام اخونا الربذي صحيح ليتك
غيرت له مكينه مستعمله وان شاء الله تيسر امورك.

[عبقري91]

صادق مكينته معقده الكل يكرها
ياخذون تشليح ولا يوضبونها
لاكن اتوقع من احد البلوووووووف

[ms662]

السلام عليكم
الله يسر امري وامرك والمسلمين
اخوي خل السيارة عنده لين يمل او اتفق معه على انه يصلحها او ان ماله فلوس وركب له مكينة يابانية هذا اذا كان هو الي جايب قطع الغيار مهوب انت
او حل انك اذا انت جايب قطع الغيار تحسب قيمتها وتتفق معاه على تركيب مكينة يابانية وهو يتحمل قيمة قطع الغيار الي انت دفعتها

[هيبه ملك]

اشكر كل من شارك وافادنا الله لا يحرمنا من شرواكم ابشركم الموتر ضبط المشكله طلعت من فيشين كهربه كانت مقلوبه الحين الموتر زي الساعه
والمكنيكي وضبه توضيب ممتاز وانا كنت معه اول باول ولاحضته يشتغل فيها بكل سهوله
ويقول توضيبها سهل جدا لانه كان يشتغل في دولة ليبيا قبل سنه ويقول الشعب اليبي يحبون النيسان وسبق ووضبتها اكثر من مره الان انا اجرب الموتر مالاحضت شي ولله الحمد
اشكركم مره اخرا والسلام عليكم

[أبونجم]

اشكر كل من شارك وافادنا الله لا يحرمنا من شرواكم ابشركم الموتر ضبط المشكله طلعت من فيشين كهربه كانت مقلوبه الحين الموتر زي الساعه
والمكنيكي وضبه توضيب ممتاز وانا كنت معه اول باول ولاحضته يشتغل فيها بكل سهوله
ويقول توضيبها سهل جدا لانه كان يشتغل في دولة ليبيا قبل سنه ويقول الشعب اليبي يحبون النيسان وسبق ووضبتها اكثر من مره الان انا اجرب الموتر مالاحضت شي ولله الحمد
اشكركم مره اخرا والسلام عليكم


الأخ العزيز بارك الله لك في مالك والله يعطيك خير ها ويكفيك ويكفي جميع المسلمين شرها.

مدري كم كلف التوضيب وفي أي ورشة .
ولك تحياتي .

[هيبه ملك]

الأخ العزيز بارك الله لك في مالك والله يعطيك خير ها ويكفيك ويكفي جميع المسلمين شرها.

مدري كم كلف التوضيب وفي أي ورشة .
ولك تحياتي .


هلا وغلا كلف طال عمرك5500 مع شغل اليد غيرت كل شي في المكينه اصلي
قطع غيار 4200 وشغل اليد 1300 الموقع تبوك حي القدسيه محطة نفط

[أبونجم]

هلا وغلا كلف طال عمرك5500 مع شغل اليد غيرت كل شي في المكينه اصلي
قطع غيار 4200 وشغل اليد 1300 الموقع تبوك حي القدسيه محطة نفط


شكرا جزاك الله خيرا

[SaMi83]

المشكله مكائن النيسان والباث ماترجع مثل اول والتوضيب مايمسك ووين تلقى واحد فاهم

ووش رايك من خلال تجربتك للتوضيب ... هل تنصح تسقيط مكينه والا توضيب

[هيبه ملك]

المشكله مكائن النيسان والباث ماترجع مثل اول والتوضيب مايمسك ووين تلقى واحد فاهم

ووش رايك من خلال تجربتك للتوضيب ... هل تنصح تسقيط مكينه والا توضيب

هلا فيك اخوى انا انصحك توظب لان الماكاين التى من التشليح ماتضمنها لكن التوظيب اضمن وتكلفه التوظيب ارخص انا مكلفنى 5500 بشغل اليد وغيرت قطع الماكينه كامله انت اخوى احرص على اختيار ميكانيكى فاهم وسبق ان وظبها انا ولله الحمدطبيت فى ميكانيكى فاهم تخصصه نيسان وانا كنت متابع التوظيب اول باول وكان يفك ويركب بكل سهوله وكانه يوظب ددسن واى استفسار انا حاضر

[المهاوش]

السلام عليكم
اخوي هيبه ملك كم يوم أخذ معك التوظيب في الورشة .. والله أفكر ان اوظب الموتر لانه يشرب زيت كل ١٠٠٠ كم
حدود علبة ونص . لك رسالة على الخاص ... وجزاك الله الف خير

[الربذي]

ماشاء الله بشرك الله بخير لاتنسى مرنه اول اذكر معاناتي مع الورش قعدت حول شهر من ورشه لورشه

[هيبه ملك]

السلام عليكم
اخوي هيبه ملك كم يوم أخذ معك التوظيب في الورشة .. والله أفكر ان اوظب الموتر لانه يشرب زيت كل 1000 كم
حدود علبة ونص . لك رسالة على الخاص ... وجزاك الله الف خير
هلا وغلا اخوي المهاوش اخذ يالغالي اسبوع زمان ونصيحتي لك وضب قبل تزيد المشكله وتدخل في خرط السرندل لان موتري استندر ماخرطته يمكن موترك يبيله شنبر بس واي استفسار انا حاضر