طيري يحذف الريش

[اسلي نفسي]

السلام عليكم ورحمت الله وبركاته
ابد احس اني مزعجكم بالاستفسارات :D:D:D:Dبس وش اسوي هالطير لاحس مخس مدري وش فيه طبعا الطير حر بكر هالسنه اول ما طلعته من المربط ماشالله عليه غاسل ريشه واموره تمام
طبعا ما شنذرت الطير قصرت عليه بالعلف شو ومع الايام جاه قمل وعالجته
وبعدها صابه ديدان وعالجته
والحين كلش تمام
بس تفاجات قبل اسبوع والطير ع ايدي كفخ وطاحت ريشه قلبتها وماعطيتها اهتمام شلت الريشه
واليوم وانا اعلف الصبح ونفس الطريقه كفخ على ايدي وطاحت الريشه الثانيه
ولما قلبت الريش لقيت الطير محددها يعني حاذفها بكيفه رغم ان الطير ضعفان من الديدان الي جته
افيدوني بارك الله فيكم
وهذي صور الريش الي قطهم


http://im17.gulfup.com/IOoV1.jpg (http://www.gulfup.com/?WTOAnp)

[اسلي نفسي]

المشاهدات 48 ولا رد :(:(:(:(:(:(:(:(:(:(:(

[الجره جديده]

انت متاكد ان الريش اللي رماه ماهو حويل
طيب خلني اشرح لك الطير الحين جاه ظعف بعد صنعه والسبب قلت لي ديدان
ونزل الطير لين دقه الظعف
وبعد العلاج بدا يرتفع شوي واصتنع وقام يحذف
انت مالك الا انك تقصر عليه لا تزودصنعته
واذا ساق الريش اللي هو حاذفه اذا صك عطه على طول ابرة ملوع عشان يمسك
واذا الريش اللي حذفه ماله اهميه وفي اخر الخوافي عطه الابره الحين قبل يخالف الطير
لانه الحين شبه مخالف

[ذياب المجهلي]

مثل ماقال اخوي الجره الجديده الله يجزاه خير....عن نفسي انصحك توديه مستشفى لطيور او تروح عن صقار خبير احنا نفيدك باللي نعرفه ومر علينا بس ماندري نفس اللي جانا هو اللي جا طيرك والله اعلم :D

[عابر الموج]

اخوي هذا الريش قديم واخر مايحذفه الطير لاتهتم امل اني افدتك وطيرك سليم تقبل تحياتي

[ولد الجنوب]

مثل ماتفضل الاخ السابق - اخوي خالد لاتهتم طبيعي



اخوي هذا الريش قديم واخر مايحذفه الطير لاتهتم امل اني افدتك وطيرك سليم تقبل تحياتي

[سلطان 1]

لا تخاااف
طبيعيه اخر ما يحذف الطير
هالريشه.

[THE SNIPER H]

تأكد انها من الريش القديم وليست جديده
لو كانت جديده قفد يحذف ريشه مره اخري بسبب الضعف اللي اصابه ثم بدأيكون صنيع
لو كان ريش المحذوف جديد وديه مستشفي حتي لا يستكمل باقي اليحذف

[سارق الكحل]

طبيعي يالغالي

هذا ريش قديم