* ضروري أبغى رأيكم بديانا 38

[زلفاوي هواوي]

السلام عليكم ورحمة الله وبركاته. .. من لديه معلومات عن ديانا 38 لا يبخل علينا سواء إيجابيه أو سلبيه ( !؟وش رأيكم فيها

[الرميح الحربي]

والله اني محتااااار لاكن نصيحه لاتاخذ جديد ما تنفع دور القديم وناس تمدح 36

[زلفاوي هواوي]

الرميح الي بالملز موجود عنده 38 و 34 و 28 و 24 ديانا قلت ودي ب38 بس ما اعرف احد قد شراءها قلت استشيركم

[الرميح الحربي]

ياخوك الجديد فيه قطع بلاستك وما يتحمل

[فيصل بن راشد]

افضل انواع السواكتين الهوائيه هي الامانيه و انا مجربها كلها الديانا و الرميح بس القديم افضل و اقوى من الجديده

[قناص ام القرى]

كان قبل 20 سنه تجي نوع ديانا محفور عليها اسم ديانا واسم سعد مقاس 38 كانت احسن انوع السكتين عندي من خلال تجربتي لها ام الحين يمكن اتغير الوضع الصناعة اتغيرت اضافو لها البلستك اذا لقيت القديمة لا تشاور خد ودعيلي ام 36 الجديد طيبه اتوكل على الله

[زلفاوي هواوي]

جزاكم الله خير لكل من نصد

[sattam9]

اصلا اي سلاح تلاقي عليه حفر سعد لا تشاور فيه
وخصوصا الالماني وخصوصا الديانا

لان له عندنا له امكن 13 سنه وما بقي احد من عيال عمي والجيران إلى ورما فيه والخشب حقه ما فيه إلى بعض الخدوش
وما اتذكر انه قد وديناه المصله إلى خمس مرات

[T33]

خذ ال 34 المواقع الاجنبيه يمدحونها

بسألك عن ال34 يوم رحت شفتها هل موجود منها فيبر ولا بس خشب

[صياد الرأس]

38 فوق الممتاز كانت عندي قديمة وكانت تطيب خاطري في اي صيد وهي نفس قوة 36 بس الفرق ان خشبة 38 اعرض واثقل من 36 وهاذا الثقل جعل 38 ثابتة في الرمي ما تختل وميزة 36 خفيفة الوزن وسهل تتنقل على الرجول في القنص في الاودية والشعب والغابات وسلامتك وارجوا اني افتدك

[ابو السمك]

افضل انواع السواكتين الهوائيه هي الامانيه و انا مجربها كلها الديانا و الرميح بس القديم افضل و اقوى من الجديده

كلام الاخ فيصل اختصر عليك الموضوع

الديانا و الفايروخ المانيات اذا شريت اي وحده منهن منت نادم ابدا

[صياد الليل]

طيبه ماعليها
توكل على الله

[wepone]

هلا اخوي زلفاوي انا توي اخذها مالي شهر كنت متررد زيك وشاورت الاخوان ولا احد افادني
افاده مقنعه واخر شي توكلت على الله وشريتها صراحه ماشالله عليها جيده جدا .

افضل من الفايرخ 85 .

يعني بحكم تجربتي لها مقاربه للفايرخ 80 الى حد ما . من ناحيه القوه
وبالاصابه ماشالله ما تخطي .

مادري انت من وين بتاخذها ؟؟

نصيحتي خذها من الرميح احسن من صاب وارخص .

ترى سعرها 1500 ريال فقط . من الرميح .