يا اهل الطلاح اللي ترحتها ترمون

[راع الزلفي]

يا اهل الطلاح اللي تحتها ترمون
ما مركم من طير النوم عني؟
زولن فقدته والعواسيس يمشون
خلاني اقصد فيه وانشد واغني
واقول باعلى الصوت تكفون تكفون
قبل انهبل ويولي العقل مني
يا من يخبرني وانا اصير ممنون
للي يخبرني ولو صار جني
فقدت لي يا خلق غالي ومزيون
راسه كبير وخدته فوق ضني
ولحيه طويل وله مشارب وعرنون
واذانه الثنتين تحت المصني*
والغارب المنتل للعنق مجنون
يرعى الطلاح بكل ذوقن وفني
والكوع عاف الزور والمشي بالهون
والجنب تسع اشبار ما ينقصني
اصفر معكرش كامل الشكل واللون
سبحان من باللون هذا فتني
مثل الذهب والنار واطلالة الكون
ولون الجبال ولوننا اللي يرني
والا الفقار المنفهق كيف وشلون؟
مثله حشى والله ما يفقرني
والذيل شبر وعكرته عرضها دون
وحنية عراقيب القعود اهبلني
والخف كف وقيمته فوق مليون
ولا قمت اغني له واوده يحني
هداوته تدعي هل البل يرجون
طرحن يحالي طبعه اللي هبلني
يقوله اللي بالبعارين مفتون
وعمره قضى ما بين حلم وتمني
سكران جد وجد مغرم ومجنون
وحلمه تعسر والليال ادبرني
واهل الحظوظ بكل جون يدوجون
ومحمد السكران حظه يوني
كلمات/ محمد العثمان السكران