الخيمه كلهاا هجوم علي اصحاب المرابط قواهم الله والله يعينهم علينا

[عوق الخريش]

بسم الله الرحمن الرحيم
السلام عليكم ورحمة الله وبركاته
صبااح الخير جميعاّ
بصرااحه اليوم الخيمه كلهاا هجوم علي اهل المرابط وفقهم الله ,,
ولكن اراء ان المربط الذي فيه 50 طير ويشتكي اصحاب 5 طيور هذا أبداع لصاحب المربط فما بالك بالذي يربط100 طير
أكيد راح يكون عنده بعض المشاااكل لكثره الطيور مهما كابر صاحب المربط فاالصيطره صعبه جداّ جداّ
صاحب الطير دائم حار وحريص علي طيره لو ان قيمة طيره بـ 2000 ريال ولااحد يلومه نهائياّ
وصاحب الربط بين ( ) المهم عنده الفلوس ثم السمعه ثم الطير والمرابط الان كثيره والمجتهدين واااجد قواهم الله
ومشاكل اهل المرابط واهل الطيور الغاز لايمكن التوصل لحل لها لانها مشربكه ولا لها قوانين اجتهاد من صاحب المربط بس بفلوس هههه




تحياتي لكـ ... وشكراّ



*


أخوكـ


*


( عـوق الخـريـش )

[حصريا001]

عليكم السلام ورحمة الله وبركاتة

...................

والله انك صادق كلمة حق قلتها ،،،،، مثل مايحصل عند صاحب المربط ترى عندنا نفس الشيئ يحصل كم مرة ربطنا طيورنا وصادفها مشاكل كثيرة ،،، ومثل مانعذر ارواحنا لابد انا نعذر صاحب المربط

[ذياب المجهلي]

صادق ياخوي بس بعض االلي يربطون يهملون صراحه ......مثل الدنيا فيها الصالح وفيها الطالح

[ابو ثنين]

وعليكم السلام ورحمة الله وبركاته
كلام عين العقل يعطيك العافيه

وفي مشكله بعض الصقاره علمه بطيره اول مايحطه في المربط ماييمر طيره ألا بعد مايصفي

بين فتره وفتره مر طيرك تفقده

[ابرق الحرار]

صحيح فيه تقصير لكن صاحب المربط لايجعل المربط الاوهو مستعد له

[قنآآص]

اهم شي يحس صاحب المربط بقدر المسوليه والذمه ويحط بباله ان الطيور كلها امانه مهما كان ثمنها او نوعها والتوفيق من الله سبحانه وكذالك راعي الطير يجب ان يعرف ان الطير لايخلو من الصواديف مهما كان الحرص وشكرا

[عواد الشمري2]

الله يعطيك العافيه كلامك سليم ميه بالميه بس ابي اعلق على نقطه
والي هي ان المربط سعته انه ياخذ خمسين طير مرتحات ارص به سبعين طير ليش هنا نقطت القاش ماقول براعي المربط شي لا بس يوسع المربط ويزبط اموره افضل شي عن الشكه على قولتهم ولا اخلي الطيور به مرتاحه والتهويه مزبوطه ماطمع وخليه ينرص رص بطيور مابي اسمي مربط فلان ولا فلان .... هذا الي حبيت اضيفه

[BO-SARA]

وليه مو كل صقار يربط طيوره عنده

يجهز لهم كل ادوات المربط ويشتغل عليهم

مو شرط لازم المساحه كبيره ولازم تسوي كذا وكذا

شوف اهم شي بالربطه وفعل بها

انا اربط طيري في غرفة مترين في مترين وارتفاع خمس متر

واموره طيبه وكل يوم امر عليه مرتين الى ثلاث مرات

والحمد لله ما من مشاكل اهم شي انك فاهم الطير ونفسيته

واذا استصعب عليك شي اسال ولا احد راح يقصر معاك الكل راح يفيدك

طبعا هذي للاشخاص اللى ما يسافرون او ما عندهم ظروف

والعذر منكم على المداخله

[أحمد الشمري1]

يا جماعة راعي المربط. ما يربط للواحد ببلاش بدراهمه.

لكن لا ننسى انها امانه قبل التجارة فاما حفظت الامانه. ولا اعتذرت منها
صحيح ان ما يقع للطير من مرض خارج عن سيطرة المربط. لكن راعي المربط بهالحالة دورة يقلل من وقع المصاب في مرض الطير

لكن بلاك ان كان اهملها

[قرناس حائل]

المثل يقول " كل رجل على حقه جري "

[فالح الملعبي]

مايحس بالجمره الا واطيها
لكن المجاملات احيانا لاهل المرابط على اساس مصالح ثانيه
وهذا السبب اعتقد كافي لحذف موضوعي.


ولو ان الموضوع ماهو صحيح ما انحذف وياكثر اللي تاذوووا من اهل
المرابط ولكن اللي يعمل بجهد وتعب واخلاص يحصل مايتعب له السمعه
الطيبه والمدح والثنا مثل اللي جمعوها اهل المرابط بالسنيين الماضيه
لكن معظمهم يشتغل اول سنتين بجد واجتهاد لين يحصل السمعه ااطيبه
وبعدها يهمل طيور الناس وهذا مالاحظته باغلب المرابط المشهوووره وانا
ما اعم كل المرابط اخص مرابط بعينها واللي تابع موضوعي امس يعرف
ومشكوو ياعوق الخريش لكن ارجع واقوووووووووول.
(ما يحس بالجمررره والا وااااطيها )

[قناص2000]

المربط سمعه اذا اثبت وجودك في عالم ربط الطير طلع اسمك وينسونك الرجال من كل ديره والله الموفق

[خوة نشامي]

موفق باذن الله

[حشّار]

الحقيقه هي ليست هجوم ولكن توضيح للحقائق فهناك من امتهن هذه المهمنه بهدف جلب الربح المادي فقط وهناك من أخذها. كهوايه وفن تعامل مع الطير واكتشاف اكثر وكذلك خبره في سلوكيات هذا الطائر وهؤلاء يشكرون على مابذلوه من جهد وهم للأسف قله ولا يجدون الدعم الاعلامي بينما من امتهنوها كتجاره فلهم دعم إعلامي رهيب
والله يعين

[ابرق الحرار]

الحقيقه هي ليست هجوم ولكن توضيح للحقائق فهناك من امتهن هذه المهمنه بهدف جلب الربح المادي فقط وهناك من أخذها. كهوايه وفن تعامل مع الطير واكتشاف اكثر وكذلك خبره في سلوكيات هذا الطائر وهؤلاء يشكرون على مابذلوه من جهد وهم للأسف قله ولا يجدون الدعم الاعلامي بينما من امتهنوها كتجاره فلهم دعم إعلامي رهيب
والله يعين

كلام صحيح وازود على كلامك ان البعض يمتهن هذه للكسب وهو لايعرق الصقر ابدا

[اقدم صقار]

المرابط تبي رجال يصالي حلال الناس

اما اللي يحط الطيور ويقول يا عامل عش ونضف وهو يقلب القنوات في المجلس هذا ماهوب لاقي خير

فيه مرابط معروفه ومشهوره وكبيره وعلوم واعلام وهي لاطلع الطير منها كله نجير وما يصفي مع الطيور وزين ان سلم من الجدره والامراض اللي يسببها عدم الاهتمام (الهمله)

اسف على الاطاله

اخوكم ابو منصور

[حشّار]

وهذي هي الحقيقه اخوي اقدم صقار.
لا بعد زين اذا بس النجير بعضهن تو حذف الموس
لكن فيه مرابط حقيقه شغلهم يطلق وجيههم بس المشكله ماعندهم اعلام.
السنه هذي فيه مربط بحفر الباطن شفت طير طالع من عندهم وهو بكر يعني العام فرخ ماشاء الله عليه مصفي حمامه
سألت صاحب الطير وين رابط طيرك قال في مربط النايف عند موسى الحمياني ويمدح الرجال فيه ويثنى على ربطته ويقول عنده طيور كد عصب موسها قبل رمضان
الله يوفقه والمشكله أني ماسمعت بها المربط الا من الرجال

[فالح الملعبي]

صدقتوا فيه مرابط تستاهل الشكر والثناء.
لكن للاسف المربط المشهور اللي انحذف موضوعي بسببه
الطير الثالث طير خويي دوه حاذف امواس هذا وهو حر
الله يعين اهل الشواهين اللي عنده يعني اهمال ماوراه اهمال
واداره المنتدى الله يهديهم مايبون ذكر اسامي يعني مارايح
نطلع فايده

[الـسـاطـع]

بسم الله الرحمن الرحيم
اولاً / كل شيء مقدر ومكتوب ورب ضارة نافعه لكن نعمل بالأسباب ونجتهد ونخلص النيه والأمانه التي أوئتمن عليها الشخص
ثانياً / التوفيق والبركه بيد الله سبحانه فالبعض موفق ومبارك الله بيده وشغلته وحتى الطير يختلف الى الأزين
ثالثاً / أهم عامل في الربطه أن راعي المربط صقار وعنده حب للطيور بغض النظر عن المكسب المادي
رابعاً / القدره المحدوده للمربط وعدد الطيور والعدد القليل دائماً أفضل لراعي الطير والمربط
خامساً / عدم الأعتماد على العمال مهما كان عددهم أو خبرتهم
سادساً / العلف للطير من اهم العوامل في سلامته وتصفية ريشه

أما بالنسبه لي أنا ولله الحمد اغرنس طيوري عندي بالبيت لو مهما صار لأن اهتمامي في حلالي ماهو مثل اهتمام الناس بحلالك لو كان أخوك

[صامل الزندين]

الله يذكرك بالخير يا ابوي كان يقطع سبوق الطير ويطلقه بعد المقناص

[ابرق الحرار]

مايحس بالجمره الا واطيها
لكن المجاملات احيانا لاهل المرابط على اساس مصالح ثانيه
وهذا السبب اعتقد كافي لحذف موضوعي.


ولو ان الموضوع ماهو صحيح ما انحذف وياكثر اللي تاذوووا من اهل
المرابط ولكن اللي يعمل بجهد وتعب واخلاص يحصل مايتعب له السمعه
الطيبه والمدح والثنا مثل اللي جمعوها اهل المرابط بالسنيين الماضيه
لكن معظمهم يشتغل اول سنتين بجد واجتهاد لين يحصل السمعه ااطيبه
وبعدها يهمل طيور الناس وهذا مالاحظته باغلب المرابط المشهوووره وانا
ما اعم كل المرابط اخص مرابط بعينها واللي تابع موضوعي امس يعرف
ومشكوو ياعوق الخريش لكن ارجع واقوووووووووول.
(ما يحس بالجمررره والا وااااطيها )


:good2:كلام صحيح 100%

[عابرالبر]

يعطيك العافية كلامك اخوي في محله

[استيعاب]

الله يصلح حال المسلمين

والله ما طلع لي طير سالم من المربط ما فيه عذروب في الربطه بس الحمدلله على كل حال .
اهم شي انها ما هي كايده

[عاذي]

بسم الله الرحمن الرحيم
اولاً / كل شيء مقدر ومكتوب ورب ضارة نافعه لكن نعمل بالأسباب ونجتهد ونخلص النيه والأمانه التي أوئتمن عليها الشخص
ثانياً / التوفيق والبركه بيد الله سبحانه فالبعض موفق ومبارك الله بيده وشغلته وحتى الطير يختلف الى الأزين
ثالثاً / أهم عامل في الربطه أن راعي المربط صقار وعنده حب للطيور بغض النظر عن المكسب المادي
رابعاً / القدره المحدوده للمربط وعدد الطيور والعدد القليل دائماً أفضل لراعي الطير والمربط
خامساً / عدم الأعتماد على العمال مهما كان عددهم أو خبرتهم
سادساً / العلف للطير من اهم العوامل في سلامته وتصفية ريشه

أما بالنسبه لي أنا ولله الحمد اغرنس طيوري عندي بالبيت لو مهما صار لأن اهتمامي في حلالي ماهو مثل اهتمام الناس بحلالك لو كان أخوك



والله ياخوك ماخليت شئ افكر واحس فية الا قلته بارك الله فيك

[الصحافة 15]

مجرد أستفسار عن موضوع حصلي بالمربط وعلى طول نقل الموضوع للخاص وبدون نتيجه