ابا المرحان ياعليه مرقه هوايه لاوالله لعانه.....صقار الاسياح

[صقار الأسياح]

السلام عليكم ورحمة الله وبركاته
ادري عنواني غريب ولاكن بعطيكم شرح مفصل وهو اهل الطيور واهل البنادق والكلام يطول ويطول
ابدا بقصه قبل عدة سنوات واجهت واحد من الشباب اعرفه كان يحب صيد الدخل والقميري والحصد ولاله علاقه مع اهل الطيور سالته وش لقيت من الصيد قال صدت قميري ودخل ولقيت جول ابا المرحان بعوسج متضللات وخليتهن قلت ابا المرحان وش قال السمق قلت ليه ماتصيده قال اعوذ بالله والله الفشقه خساره عليه هذا وصخ دايم على الجيف والديران قلت وصف لي مكانهن ابا ادق على حقين الطيور نهد عليهن ونستانس قال اجله يهد الطير عليه قلت ايه وصف لي مكان من راسه ولالقيت شي راحت الايام دق علي راعي طير من اخوياي ويعرف هاك الشخص قال فلان رامي كراوين اليوم ودق ثاني ودق ثالث معلم الناس كلهم يفتخر وبعد شوي لاهو يدق علي مستانس قال رميت كراوين قلت اجله زين قال والله ياعليه مرقه مامرت علي سكت ولاذكرته كلامه الاول
يعني يوم درى ان اهل الطيور يهدون عليه صار زين وهذي هي حقيقة اغلب اهل السلاح لما يرمي حبارى او كروان يحاول يوصل الخبر لاهل الطيور بنفسه انهم ينقهرون
واحد داق عليه يقول تبي ملاويح قلت وش السالفه قال لا بس رميت حبارى
واحد دق علي اخوه قال فلان رامي حبارى قلت وانا امزح وش عرفه للحبارى يمكن كروان وبعد اسبوع رجعت للديره ورحت للا ستراحه يوم جلست اتقهوى للرجال داخل علينا بالحبارى من اسبوع مخليها بالثلاجه علشان يوكد لي انها حبارى
وقبل العام كان فيه واحد يدور على الاجهزه ويرمي الكراوين اللي عندها ابالليل
وواحد يقص علي قصه يقول كنا قانصين ولقينا جرة حبارى وواحد من اخويانا راعي بندق يقول المهم الارض وعره دورنا دورنا مالقينا امسانا الليل كان معي ذبيحه وقفت وذبحتها وقطعتها وجو اخويانا نبي نمرح يقول يوم قطعت الذبيحه زاد لحم فوق طاقت ثلاجتي يقول واروح ابا احط اللحم اللي زاد بثلاجة خوينا اللي ماهو راعي طير راعي بندق يقول يوم فتحتها لهذي حبارى بثلاجته ومعها حبارى ثانيه بعد راميها واخوياها مادرو
اخواني كلامي هذا ماهو تهجم على اهل البنادق فيهم رجال واشناب انا اتكلم عن عينه ليسش بالعربي حاقدين على راع الطير
وش الاسباب
اخوكم
صقار الاسياح

[اقدم صقار]

الله يعين بس

وش بتشوف من دبلة الكبد

قبل كم يوم مرمي شيهانه بحريه وماتت حسبها على من قتلها عمد

يابن الحلال الرزق على الله ولاكن الواحد يفتك من الشفاحه شوي ومحدن ماخذ رزق احد

اقدم صقار

[الروقي نت]

تأكد اخي بأن الأرزاق بيد فطااار السموات والأرض أولا وماحد بيأخذ نصيب أحد
ثانيا الصيد طعمه حلو سواء بالبندق او الطير وفي ساعتها اما القى حبارى وانا مامعي طير واكلم فلان يجيني بالطير طيب ماقلنا شيء هذا لو راع الطير قريب اما لو ماحولك احد اذبحها بالبندق وراسك الطويل

[صقار الأسياح]

اقدم صقار
الروقي نت
اشكركم على الرد والمشاركه لاكن كلكم تتكلمون عن الرزق من الله وانا ماحسدت احد افهموا كلامي واضح انا اقول ليش حاقدين على اهل الطيور يروح يقنص ويرمي بعير بكيفه بس الحركات الللي ذكرت انا واضحه

[معسف العاصي]

الحسد والله اذا رمى راعي البندق الحبارى ولا الكروان وهو خابر ان خويه طول الموسم يدورها لطيره
ياخي اذكرها لخويك واكسب جماله لكن بعض الرجال سبحان الله مايقوى الا على الردى
وعني ان دجاجة ساديا أطعم منها ... عالم تقل ذابحها الجوع

[انا ابو بندر]

وش يحللها لطيرك ويحرمها على بندق خويك ؟؟

اخوي الارزاق من ربك والصيد من عرفناه للطير والشوزن ولا اعتقد ان راعي طير مامعه شوزن وهذي مايختلف عليها ثنين لكن الحسد هو اللى يخلي الانسان عينه ضيقه وياما وياما من الطيور اللى خيبت هقوه راعيها ولولا الشوزن ماتعشاء
ويما ويما من شوزن فكه طير من عقاب وغيره من الجوارح تبي الحباري خص نص لاهل الطير اتوقع مايفيد لا موضوع ولا مليون موضوع بالنهي عن الطريقه اللى يبي حبارى يتعب واللى يتعب يحصل وراعي الطير اختياره الطير واختياره التعب واختياره الطريده بالذات لان طرايد الصقر حبارى وارنب والكروان دخل طريده ثالثه بعد قله الصيد
موضوع يطول النقاش فيه والكلام فيه لا يودي ولا يجب اسمح لى بالاطاله

تقبل مروري

[نجم قبه]

تم قبل امس طرح طير نادر شمال رفحاء وسيم 450000 الله يرزق من طرحه ويرزقني بعد مثله الله كريم

[ابرق الحرار]

!!!!لاتعليق!!!!

[سلطان 1]

يالربع هذي حكمه الله سبحاااانه
في هالكووووون
والا لو كل هالعاااالم عقااااااااااااال كل بلشنا ماعينا مهبل وخبول.
ولو كل هالعاااالم مهبل وخبول كان رحنا فيهاااا.
لكن هذي حكمه رب العالمين علشان الحيااه في هالكون تستمر.

[حصريا001]

عليكم السلام ورحمة الله وبركاتة
...................


الفكرة بسيطة كل واحد ولة هواية وطربة راعي الطير وراعي السلق وراعي البندق كل واحد ولة طربتة
اما بخصوص سالفة خويكم لا تعليق

[عابر الدهنا]

ولله يربع الحبارى والكروان عشق راعي الطير وهاذا شي معروف

والي يرميها كان قصده يتعشاها ترا دجاجة دو افضل منها

وان راحت على راعي الطير عوافي لعبن فيها ابرك من صيدها

وشكرا:)

[القناص KSA]

بالتوفيق للجميع لكن طرت علي سالفة العام لخوياي , كانوا قانصين وهم راعين بنادق ولقوا حبارى وبغوا يرمونها وتالي طلعوا على الآيكوم وسمعوا ناس يسولفون وراعين طيور راسلهم وقالوا تعالوا هدوا عطوهم الأحداثيه 35 كيلو عنهم جو وهدوا واستانسوا وتعرفوا على الوجيه الطيبة ويبقى الخيار لصاحب الحبارى اللي لقاها يرميها أو يهد عليها سوا راعي بندق او طير وأنا والله راعي بندق لا أميل مع راعي طير ولا راعي بندق بس الواحد يدور الأناسة وسعة الصدر


تقبلوا مروري


لكم مني أطيب وأجمل تحية


أخوكم / القناص KSA

[اقدم صقار]

اخوي انا فاهم موضوعك


وقصدي حتى الوحوش اللي ما توكل (الجوارح) ما سلمت من هل البندق جعلها تنفجر


فما بالك بالصيد

تضن يوفرون وهم يرمون الطيور !!!!!!!

تقبل مروري

[صقار الأسياح]

اشكر الجميع على المشاركه لو ان الاكثريه خرجو عن لب الموضوع الموضوع ماهو ليش يرمي راعي البندق اكيد من حقه يقنص بس الموضوع هو بالعربي مجاكره لاهل الطيور بالعامي

[عواد الشمري2]

ولله يربع الحبارى والكروان عشق راعي الطير وهاذا شي معروف

والي يرميها كان قصده يتعشاها ترا دجاجة دو افضل منها

وان راحت على راعي الطير عوافي لعبن فيها ابرك من صيدها

وشكرا:)


انشهد لا الدجاج المتبل افضل
مخلي الحبارا بثلجه لمدت سبوع عشان يوركم ههههه حلوه ولا هذاك مصيد الحباري وخوياه مايدرون لا حول يابن الحلال والله لو انا اركب جنحاح ورف جناحي فوق لي جال يرمونن بس يبون شي رف جناحه ولا الي ترك الكروين وعقب هد عليهن هذا خوش ولد هههه يوم درا ان راعي الططير يهد عليهن راح رمهن

[nejjer]

طيب انت ياراعي الطير اللي حاسدً المسليمين بالارض لو لقيت قميري بتعلم راعي البندق بمكانهم ؟

راجع نفسك والعقل خصيم نفسه

[عشقي براوننق]

طيب انت ياراعي الطير اللي حاسدً المسليمين بالارض لو لقيت قميري بتعلم راعي البندق بمكانهم ؟

راجع نفسك والعقل خصيم نفسه


كلامك صحيح لكن بطريقه اخرى

كلنا نعرف ان راع الطير لابد يكون معه شوزن ومافيه صقار الا معه سلاح

نقول مثلا انك انت ياراعي الطير تتمشى الصباح بروض وتدور حبارى ومانتبهت الا جوووول القطا قدامك ومعك طيرك وبندقك وش تسوي؟؟؟ تهد طيرك على القطا ولا ترميهن بسلاحك ولا تتصل بواحد راعي سلاح ؟؟؟؟؟؟؟؟؟؟؟
وكلنا نعرف ان القطا لراعي السلاح


وسلامتكم وسلامة فهمكم

[الرّمااااي]

القطا اذا طار مايرجع مكانه والقطا صعبه ملراميه والرماي يبين يعني اذا شفت جول قطا اتصل عليك يالحبيب من توصل طار وراح لمكان بعيد بس الحباري والكروان مكانهم ثابت مايتغير ورميته ماهي فخر يارجال بعض الناس يمسكه بيده وين الفخر انت وياه
ونعم اتصل علي راعي سلاح وانا شخصيا لاقي فريه ومبلغ واحد معنا ولقيت حمامه وبلغت بس كان معنا بالمقناص بالجهاز ناديته وللعلم انا وقت الطير مالتفت للصيد غير الكروان والحباري ولا ارميهم

[ابوسلامه]

مازن عدم جمل

[دمار 2012]

الله يعين بس

وش بتشوف من دبلة الكبد

قبل كم يوم مرمي شيهانه بحريه وماتت حسبها على من قتلها عمد

يابن الحلال الرزق على الله ولاكن الواحد يفتك من الشفاحه شوي ومحدن ماخذ رزق احد

اقدم صقار

[قرناس حوران]

تتعب وانت تسمع كلام ولاكن مهما كان الحبارى طير نادر ومنوه للصقار وتقدر تتجمل
وتبلغ راعين الطيور وتكسب الجماله
والرأي بالاخير لراعي الحبارا

[العميد430]

ابو طلال

حياك ربي يابعدي وعسى الله يرزقك بالحباري

وبالنسبة للحبارى اذا هي على الطعم والله مافيها من الطعم شي ,,,,,, وزينتها هددها بالطير وانت ابخص مني اغلب اهل الطيور يعلفونها طيورهم ,,,

واذكر فيه شيبان قانصين ومعهم طير هدوه على الحبارى وكان وقتها صنيع وحل عنها وقمز ولد الشايب بيرميها ومنعه ابوه ,,,, يقول مابها طماعه الا بالطير ,,,,,

ولكن مشكلة الرمي اغلب العالم ذا الحين بالعربي تبي تصور صيدهم ,,,,, وماهمهم وش الصيد تبي اني صدت حبارى ويصورها ,,,,,

قبل كذا اسبوع بغيت اروح غلطة سبة سمانه ( فري ) الاخ قام يرمي بالشوزن لين جت عدال الموتر وبتل يرمي ,,,,, فالمسأله الصيد بلوه المطافيق ,,,,,


والا اللي يعرفون السنع ولله الحمد واجد ولهم وجودهم ,,,,,

لكن عسى الله يوفقك يابعدي وتلقى خرب مكان اللي العام

[نجم404]

يادبلت التتسبد هههههائ ايو الله صار دجاج متبل الله يعين