افضل طرح منغوليا او باكستان

[wwmfs]

السلام عليكم ورحمة الله وبركاتة

عساكم بخير ان شاء الله


ابي استفسر عن الافضل في الفروخ للي يبي يصقر منها

اللي تجي طرح باكستان وكلزاخستان واللي حولها

ولا منغوليا ؟؟ ولماذا ؟؟

[الروقي نت]

باكستان من وجهة نظري لأن طيورها نادره جدا ولا تتأثر كثيرا بالطقس وتتناسب مع الخليج بشكل عام

[طواش]

منغوليا افضل
لان الحباري موجوده في صحراء منغوليا فلايحتاج الطير انك تعلمه يجيك موس وخاصة القرناس خخخخ

[wwmfs]

الرووقي

لاهنت

انا ابي صملة طير وسبق

طواش

لاهنت وبيض الله وجهك

ننتظر بقية الاخوان

[ارقبان]

كل ديرة و فيها الطيب والردي
ياما جتنا طيور من باكستان وفشلت
وجتنا منغوليات وفشلت و طيور انشرت
بميات الالوف ولا صادت .. الطير وفقه ونا اخوك
خذ الطير اللي قطوعه محرية بالطيار والباقي على الصقار و شطارته..
السبق سهم خفي
والله يرزقك بالطير اللي يونسك

[s3s3]

الطيور تنتقل من منطقه الى منطقه في وقت الهجرة اما الموكر مثلا مواكر منقوليا وشمال وشرق كازاخستان مايجي فيها هدد بدون تعليم فيها سبق والصنله ضعيفه اما مواكر باكستان تهد فصيله وصملتها طيبه وسبقها وسط الكتاوي وهي شمال غرب كازاخستان وهي اللي يحبها قلبك سبق ولون وصمله وهداجه كل صيده تهد عليها تعرف كلشي وسبوقها بس روسها لتدهيل قاسيه .

[wwmfs]

ارقبان


صدقت والله الطير من صقارة

والتكله على الله

s3s3

ماقصرت والله لا يهينك

[خوة نشامي]

موفق باذن الله

[سلطان 1]

كل ديرة و فيها الطيب والردي
ياما جتنا طيور من باكستان وفشلت
وجتنا منغوليات وفشلت و طيور انشرت
بميات الالوف ولا صادت .. الطير وفقه ونا اخوك
خذ الطير اللي قطوعه محرية بالطيار والباقي على الصقار و شطارته..
السبق سهم خفي
والله يرزقك بالطير اللي يونسك


معاااااد وراااأ هالكلااااام شي.
كفئ ووفئ اخوي ارقبااااان.

[الامبراطوري]

انا اعتقد ان من ناحية الشكل والزين اكيد المنغوليات فارقات بالوصف ومن اجمل الحرار لكن اعتقد ان من ناحية الفعل طيور باكستان اغلبها هداد وطير قنص

[جير دبي]

عليك بطرح باكستان وخصوصا منطقه بلوشستان
لي جاك أشقر وافي ابشر بسعدك
تحياتي لك

[ابرق الحرار]

باكستان من وجهة نظري لأن طيورها نادره جدا ولا تتأثر كثيرا بالطقس وتتناسب مع الخليج بشكل عام

:good2:كلام صحيح

[wwmfs]

موفق باذن الله

,الله يوفق الجميع


معاااااد وراااأ هالكلااااام شي.
كفئ ووفئ اخوي ارقبااااان.

لاهنت شرفني مرورك


انا اعتقد ان من ناحية الشكل والزين اكيد المنغوليات فارقات بالوصف ومن اجمل الحرار لكن اعتقد ان من ناحية الفعل طيور باكستان اغلبها هداد وطير قنص

يعطيك العافية ولاهنت



عليك بطرح باكستان وخصوصا منطقه بلوشستان
لي جاك أشقر وافي ابشر بسعدك
تحياتي لك

ياهلا بك جير دبي

ويعطيك العافية على التوضيح

الله يطرح اللي به بركه

:good2:كلام صحيح


لاهنت

يعطيك العافية