ان شلت راس البنت قط الثيابي(جديد) ................... حله ( ابان ) .. الحل ( الضحكه )

[ال-رايق]

السلام عليكم ورحمة الله وبركاته
تفضلوا لغز والدنيا براد يمكن لبكرة مايخرب ويتصبحون عليه الغالين مثل عطري
ولايهونون الباقين المشغولين واللي يكبرون المخدة واللي مسوين حمية:

يا وش بنت لها حضور و غيابي=من خلفها تجي بنات صغيرات
ان شلت راس البنت قط الثيابي=اذا اصابيعك رهاف شطيرات

وسلامتكم
اخوكم/ال-رايق

[ابوماريا]

صح السانك يابو مهند وسلم بنانك يالغالي
والله يعطيك العافية
على اللغز الرائع بروعة صاحبه


أول الغيث قطرة


قطرة ـــــ طرة

[abdulaziz.net]

صح لسانك يالرااايق

عشت والله على هاللغز


وش قولك

باحة ... سباحة

[ال-رايق]

صح السانك يابو مهند وسلم بنانك يالغالي
والله يعطيك العافية
على اللغز الرائع بروعة صاحبه


أول الغيث قطرة


قطرة ـــــ طرة




صح لسانك يالرااايق

عشت والله على هاللغز


وش قولك

باحة ... سباحة


اخواني وحبايبي
اسمحوا لي /وحب الله من جمع ضيفانه
وتسلمون على الردود واسف النووووووووووم حطيت له بخشيش تحت المخدة مافااااااااد
والمطلوب محسوس مرئي وغير ملموس
وتصبحون على خير

[ا لجوا ل]

صح لسانك
حميه
ميه
والبنات الصغيرات وجبات الحميه

[عطري]

و عليكم السلام و رحمة الله وبركاته
صح لسانك ياأبامهند ، أنت الغالي لا عدمناك
سهّرت الاخوان و نمت الله يهديك
عموماً التفكير جارٍ

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
رمعة ينقصه التركيز
ستارة....خلفه الشبابيك

[ال-رايق]

صح لسانك
حميه
ميه
والبنات الصغيرات وجبات الحميه


صح بدنك
قريب (قريب فروت:D),,,,,
وانت بالقلب اقرب
حاول لاعدمتك

[ال-رايق]

و عليكم السلام و رحمة الله وبركاته
صح لسانك ياأبامهند ، أنت الغالي لا عدمناك
سهّرت الاخوان و نمت الله يهديك
عموماً التفكير جارٍ


صح بدنك يامدير الخيمة
ودي اقول سكرتير الخيمة وخفت اذكر اني اخذت دورة مسائية في بريطانيا (كمبيوتر)قبل الويندوز وكل اللي معي بنات والاستاذه بنت نصوف...ومن الاحتكاك تخكرنت وصرت اطول اظافري :D ويسألوني يقولون ليش تتعلم كمبيوتر وسكرتارية هذا تخصص صبايا؟!
قلت عندنا شمس تقلب المعالم..

[ال-رايق]

وعليكم السلام ورحمة الله وبركاته
سلمت يالغالي
وصح لسانك
رمعة ينقصه التركيز
ستارة....خلفه الشبابيك


آآآآآه ياخلف الشبابيكك
بشتاق لك لابقدر شوفك بنده لك خلف الطرقات..وخلف الشبابيك:D
والرمعه الله يوفقك غير ملموسه.
دمت محبا للمزح البريء:good2:

[عطري]

:D

صح بدنك يامدير الخيمة

ودي اقول سكرتير الخيمة وخفت اذكر اني اخذت دورة مسائية في بريطانيا (كمبيوتر)قبل الويندوز وكل اللي معي بنات والاستاذه بنت نصوف...ومن الاحتكاك تخكرنت وصرت اطول اظافري :D ويسألوني يقولون ليش تتعلم كمبيوتر وسكرتارية هذا تخصص صبايا؟!

قلت عندنا شمس تقلب المعالم..


ههههههههههه
أضحك الله أسنانك :D:D:D
الظاهر يبي لك تقرأ لغز أبي ماجد اللي حله أبوماريا يصلحلك.
عموماً لغزك هذا شكله بيطول و الله العالم
جاني اثنين من الزملاء أول الصبح يتقهون عندي بالمكتب و اشغلوني بالكورة إذا فاز واحد في أرضه أو انهزم اثنين أو راح أو جا، قلت لهم شوفوا هذا اللغز وش حله و اشغلتهم و الحمد لله، و ما حلوه و اطلعوا من عندي مبسوطين:D

[ال-رايق]

:D

ههههههههههه
أضحك الله أسنانك :D:D:D
الظاهر يبي لك تقرأ لغز أبي ماجد اللي حله أبوماريا يصلحلك.
عموماً لغزك هذا شكله بيطول و الله العالم
جاني اثنين من الزملاء أول الصبح يتقهون عندي بالمكتب و اشغلوني بالكورة إذا فاز واحد في أرضه أو انهزم اثنين أو راح أو جا، قلت لهم شوفوا هذا اللغز وش حله و اشغلتهم و الحمد لله، و ما حلوه و اطلعوا من عندي مبسوطين:D


هلا وغلا ..وش ندور الا اللي يوسع صدوركم ومن يقرا
وكان قلت لأهل الكورة عن حكاية اهداف الذهاب والاياب وكيفية احتسابها:
((قل اذا الملعب في دحديره تحسب الاهداف للي تحت الطلعة..واللي فوق هدفهم عن هدف هههه))وذكرتني بواحد من الربع يجلس مع اهل البلوت ويموت فيهم وهو مايلعب ,,لكن تعال شفه وشلون يتدخل ,,هذا حكم وهذا قطع وهذا مدري وش,,اخرتها يشبها بينهم ويطردونه ههههههههههه.
تحياتي
واللغز فيك فيك .

[عطري]

استودعك الله الذي لا تضيع ودائعه
كلما جاتني رمعة ألقاها غير مطابقة للمواصفات
مؤنث
مرئي محسوس
غير ملموس
أراكم غداً بإذن الله و قد ذبحت هذه الفتاة.

[ناصر العلي]

سلط الله على بليسك ياأبومهند
لو مايجينا من ألغازك إلا هالكفشات
أجل رحت لبريطانيا وتخركنت:D
حبسي إنت حبسي وحريتي إنت
ويش قولك بـ
العطسة

[راعي العجراء]

صح السانك يالراااايق
لغز سهل ممتنع
ولكن
نجرب مع المجربينا
مثل مايقول برق القصيم
نرمع مع الرامعينا
نجمة المغرب الزهره

[ال-رايق]

استودعك الله الذي لا تضيع ودائعه
كلما جاتني رمعة ألقاها غير مطابقة للمواصفات
مؤنث
مرئي محسوس
غير ملموس
أراكم غداً بإذن الله و قد ذبحت هذه الفتاة.


الله يستر عليك
وان شاء الله بكرة تجي بدري كعادة المدراء مدري السكورتي
وماتحصل الا ابو ماجد وتقولون فيه يالغالي
وانت ترفل بثياب الصحة والسعادة

[ال-رايق]

سلط الله على بليسك ياأبومهند
لو مايجينا من ألغازك إلا هالكفشات
أجل رحت لبريطانيا وتخركنت:D
حبسي إنت حبسي وحريتي إنت
ويش قولك بـ
العطسة


حلووووووووووووووووووووووه..صحيتني من عز النوم:)
جبتها يالعميد الغالي على الوزن والقافيه
وكلامي والله انه صحيح -كان عندي فضوة الفترة المسائية واصلا ماعندهم مساء /عصريه/قلت بدال ماروح يمين يسار والمغريات واجد ,,,ادخل وتعلم كمبيوتر,,اثر الدورة كلها سكرتيرات ومن انحاء العالم ,,,وتورطت ,,,وما معي محرم..ههههههههههههههههههه
والرمعه بديت تقرب

[ال-رايق]

صح السانك يالراااايق
لغز سهل ممتنع
ولكن
نجرب مع المجربينا
مثل مايقول برق القصيم
نرمع مع الرامعينا
نجمة المغرب الزهره



هلا وغلا باخيي الغالي
ويالله ان تحييه من صغره يوم كنت احاتيه وتانكي الدنانه بالقاز اعبيه
-----وابوعبدالرحمن طاريه لو يروع --غالي والله ثم غالي,,والله يوفقك يوم جبت اسمه عشان نمسيه بالخير
والرمعه حبيبي ابو جلمبو/بعيده
والاقرب ابو علي

[ا لجوا ل]

يالرايق وش رايك بالغصه يا علك ماتغص

[ال-رايق]

يالرايق وش رايك بالغصه يا علك ماتغص


الله حيه
وماتشوف شر يالغالي
ومازلتوا حول الحمى /والغصة ماوراها بنات

[ا لجوا ل]

طيب وش قولك في
عابره

[الشعيفان]

صح السانك يالرايق

وشرايك
محكه تحك الجسم
وان شلت راسها تطلع حكه وتقط الثياب

[ناصر العلي]

طيب يالغالي
ويش قولك بـ
وعكة
عكة
العَكَّةُ - عَكَّةُ :

العَكَّةُ : شدَّةُ الحَرِّ مع سكون الريح .
و العَكَّةُ الرَّملةُ أحمتها الشمْس .
و العَكَّةُ بَردُ الحمَّى ومَسُّهَا في أول الرَّعْشَةِ

[أبان1]

صح لسانك اخوي
يمكن
الضحكه
الله يسعدك

[عطري]

مساك الله بالخير أبا مهند
أما آن لهذا اللغز أن ينسدح.
لعل إحدى الرمعتين سدحته و إلا الحمى.

[البواردي05]

صح لسانك اخوي ال-رايق
رمعة نجرب فيها اللياقة بعد الإنقطاع:D
زكمة
;);););););)

[ال-رايق]

طيب وش قولك في
عابره



عابره للضلع
الله يسلم عمرك

[ال-رايق]

صح السانك يالرايق

وشرايك
محكه تحك الجسم
وان شلت راسها تطلع حكه وتقط الثياب


وصح بدنك
وحياك رب العالمين اخونا الشعيفان
وماشاء الله عليك جبت النص =الحكة
لكن باقي المقصد وفيه يظهرن البنات الغاليات

[ال-رايق]

طيب يالغالي
ويش قولك بـ
وعكة
عكة
العَكَّةُ - عَكَّةُ :

العَكَّةُ : شدَّةُ الحَرِّ مع سكون الريح .
و العَكَّةُ الرَّملةُ أحمتها الشمْس .
و العَكَّةُ بَردُ الحمَّى ومَسُّهَا في أول الرَّعْشَةِ

ابوعلي
اسمح لي من رداة اﻻتصال ابصير شوي لك علي
واقول العكه حطها مع الشد السفري يمكن حليق المحافظ يابس قمنه يلين
والحل عند اخونا ابان

[ال-رايق]

صح لسانك اخوي
يمكن
الضحكه
الله يسعدك


بيض الله وجهك
اخونا-ابان عسى وادي الرمه يدحم هالسنه ويسترعلى المسلمين
البواردي\اخونا ابان
الحل\ضحكه
التوضيح\
البنات=اسنان
وقط الملابس=من الحكه
عطاكم الله اوله
وكفاكم من الثانية

[الزعول]

الرايق عساك تروق ليلة الدخله على ام 56 -6بونتونايت كوبيه
رمغه
ماتهقاه الضحكه وان شلت شوشته صارت حكه
عساك تحك راسك ماتدري وين تودي دراهمك من كثرها

[ال-رايق]

مساك الله بالخير أبا مهند
أما آن لهذا اللغز أن ينسدح.
لعل إحدى الرمعتين سدحته و إلا الحمى.

الف شكر
لعملك خلف الكواليس
وكنت اتمنى انك تجيبه
لكن اكتشفت انك تبغى السوالف العشبيه:D
مع الغالي ابو ماجد
وابشرك سدحه اخونا ابان
تمنياتي لك بطيب المشاهده
والله يسلمك

[الزعول]

ابان لقط رمغتي قبل مارمغها
بس يستاهل ابان مفتح البيبان للضيوف والخلان

[عطري]

الف شكر
لعملك خلف الكواليس
وكنت اتمنى انك تجيبه
لكن اكتشفت انك تبغى السوالف العشبيه:D
مع الغالي ابو ماجد
وابشرك سدحه اخونا ابان
تمنياتي لك بطيب المشاهده
والله يسلمك
تسلم ياأبا مهند أمتعتني بهذا اللغز و ردودك الجميلة متّعكَ الله بنعيمي الدنيا و الآخرة، نعم إني أسعد بمشاهدة أبياتكم و مجاراتكم و تعليقاتكم
و كنت أتمنى أن أشارككم مساءً لكن كل واحد و ظروفه
و كفو يا ابان.

[ال-رايق]

الرايق عساك تروق ليلة الدخله على ام 56 -6بونتونايت كوبيه
رمغه
ماتهقاه الضحكه وان شلت شوشته صارت حكه
عساك تحك راسك ماتدري وين تودي دراهمك من كثرها


ابان لقط رمغتي قبل مارمغها
بس يستاهل ابان مفتح البيبان للضيوف والخلان


ههههههههههههه
العمر هذا يصلح لراع العجراء الله يذكره بالخير اما عجراه ..ادع عليها انت يالزعول لان عندي خبر انه متعدي القصب بيروح وشيقر ما ادري وش عنده!!!
لكن يقول ابعبي من ماء سبيل اللي على طريق المستوي..وهذي الاماكن ماقط جيتها:D
---------لكن خل لي تكفى دعوة الفلوس ..لو الناس بتقول وراه يمترش هالضعيف لكن هين كم علبة دوا حساسية وتروخ الخكة--------
والرمغه ماشاء الله عليك وتخليلك الطيب ياخوي/الزعول
من مخ بطران الله لايضرك...لكن سبقك بها اخونا/ابان
وابشر بالغوض:D:good2:
تحياتي وتقديري .

[ال-رايق]

صح لسانك اخوي ال-رايق
رمعة نجرب فيها اللياقة بعد الإنقطاع:D
زكمة
;);););););)


يامرحبا بالغالي
واهم شي عساك بخير
وماترى باس,,,بعدما قريت ردك على الحبيب ابو علي قبل فترة.
والحل عند اخونا/ابان
تسلم على كل حال

[ال-رايق]

تسلم ياأبا مهند أمتعتني بهذا اللغز و ردودك الجميلة متّعكَ الله بنعيمي الدنيا و الآخرة، نعم إني أسعد بمشاهدة أبياتكم و مجاراتكم و تعليقاتكم
و كنت أتمنى أن أشارككم مساءً لكن كل واحد و ظروفه
و كفو يا ابان.


ياخوي ياعطري ترى القلوب شواهد الله يمتعك بالصحة والعافية
لكن لك عهد مني اني لابذل المجهود واشارك لو بوقت بسيط الصباح
لعينا عطري
تحياتي