ضيعت نفسي

[برق الوسم11]

ضيعت نفسي مع المقناص ياخالي
0000000000والجيب خربان من كثر المشاويري
ماغير ادوج لحالي بالخلا الخالي
0000000000مع موسم الصيد ياكثر المخاسيري
اتعبت نفسي ولافكرت بالمالي
00000000000 واقل مااخسر كثيرات البناشيري
وشكلي يخوف وبين بين الازوالي
00000000000 ومن شافني قال هذا شين تدبيري
والوقت والجهد ضاع وعزي لحالي
000000000000 والناس غيري تعدتني بتطويري
واكبر انجازي اذا عودت بالحالي
000000000 انشر بمكشات من بعض التصاويري
كني مسوي مالا سووه الاجيالي
000000000 ويشوش راسي اذا التمجيد من غيري
صايد وفايد طموحي وأخر آمالي
0000000000 وانا اعتبرها عن المجهود تبريري
ومستقبلي راح فيها يالله الوالي
0000000000 واصبحت نقطة قلم في دفتر الغيري


الله من التعليقات هههههههههه
الله يستر
اليوم ذبحي حلال عندكم
صورت لكم بهذه الابيات المتواضعه


قناص بعد مافاته القطار على قولتهم
ويوم الرجال صحى صار يشكي على خاله
ههههههههههه ياعزي عنه
طبعا تصوير من الخيال يحاكي الواقع
ونهاركم سعيد
ووودي برق الوسم

[super 2006]

صح لسانك واحسن بيت اللي يصف حال المنتدى

[برق الوسم11]

صح لسانك واحسن بيت اللي يصف حال المنتدى


هههههههههههههههه
صح بدنك
ازهلهم اذا ماهبلت فيهم ماكون برق الوسم
لين يتركون القنص وتدمير الحياه الفطريه ويلتفتون لمستقبلهم
هين انا وياهم والزمن طويل ههههههه

[شبل داورد 1]

صح لسانك
عز الله ماكذبت هذا هو الحال
اللهم لاتجعل أكبر همنا كبسة أخر النهار

[وحيد الليل404]

صح لسانك
يعطيك العافية

[برق الوسم11]

اي هين مقبوله منك
هو انت خليت فيها احترام
بسيط والا شديد
ماعندي مشكله بس انا وياك والزمن طويل
ههههههههه لن انسحب <<ابوك يالتحدي

[برق الوسم11]

صح لسانك

عز الله ماكذبت هذا هو الحال

اللهم لاتجعل أكبر همنا كبسة أخر النهار


صح بدنك
يازين بعض الكلام
يسلم راسك

[ابوعائد]

صح بدنك
ههههههههههههههههههههههههههههههههههههههه

[صيد الرس]

صح لسانك
يعطيك العافية

[ها وي الطير]

صح لسانك ومافيك حيله
بلعكس قصيده جميله مثل رعيها
تحياتي لك وتقبل مروري

[ذيبان 2000]

صح لسانك

وماقصرت

[المستعين بالله]

ما شاء الله عليك وصح لسانك
تصوير فكاهي وجميل

[عابرالبر]

صح لسانك ويعطيك العافية

[سلطان الغدرا]

والله روعه جبتها على الجرح وصح السانك

[علم162]

اولا يجب ان نعترف بموهبتك الشعريه ثانيا الحمدلله عجزت لاتنينا الخساير والله ميسر لنا ثالثا حدسي مايكذب انت ستنقلب على توجهك وستصبح قناصا متقرقرا بالتقاريروالصور والله اعلم

[معاذ العلي]

دوجت انا على باترول نيساني **من وارد اليابان من قديم الزماني
وخسرني وجعلني أبوح بمالي **وحافني على كل ورشة وميكانيكي
دوجــت به بديــار ممــحــله **ماتشوف به حتى فارن منفرة

وخلها على ربك

تقبل مروري

[ابوقبلان الرس]

صح لسانك. ×

[أبوعابد 22]

صح لسانك
والله لو تقول الي تقول قانص قانص الله لايعوق بشر

[عآشق الbaikal]

يعطيك العافيه وصح الله لسانك ننتظر جديدكـــ

[فرخ قطا]

هههههههه

تسلم الحقيقه جبته على الجرح

[com.الطراعيز]

صح لسانك مشكور

[غراندs]

تنشد عن الحال هذا هو الحال
ابيات في الصميم اخوي

[ولد الأسياح]

ماشاء الله وصح لسانك

[الخديوى]

صح لسانك وترانا فى الهواء سوا

[برق الوسم11]

وحيد الليل 404
يعافيك ربي

[برق الوسم11]

ابو عائد صح بدنك
ودوم الضحكه يارب

[برق الوسم11]

صيد الرس
والنعم فيك
وتسلم على المرور

[برق الوسم11]

هاوي الطير
تسلم وانت ابو الجزاله كلها
لاهنت اخوووي ووودي برق الوسم

[البناوي 12]

صح لسانك وهذا حال الكثيير من الصايدين الفايدين :p كسر سياره الشايب ودمر الحياه الفطريه وضييييع مستقبله ...

[برق الوسم11]

ذيبان2000
صح بدنك لاهنت

[برق الوسم11]

المستعين بالله
صح بدنك والله يحفظك ياغالي

[برق الوسم11]

عابر البر
الله يعافيك
وصح بدنك

[برق الوسم11]

والله روعه جبتها على الجرح وصح السانك



والله والنعم فيك
يالغدرا وبالغدارين كلهم وماعلى الجميع زود
وصح الله بدنك لاهنت منور

[برق الوسم11]

اولا يجب ان نعترف بموهبتك الشعريه ثانيا الحمدلله عجزت لاتنينا الخساير والله ميسر لنا ثالثا حدسي مايكذب انت ستنقلب على توجهك وستصبح قناصا متقرقرا بالتقاريروالصور والله اعلم


علم حياك
الموهبه عندي اعتبرها ثنائيه ماهي اساس بالرجل
من ضمن المواهب يعني عاديه عندي ماتمثل لي شئ
اللي بالاحمر مافهمتها
ثالثا حدسك ماعنده سالفه واكره مااكره القنص ومشاكله
وانا عند الله صادق
ولن انقلب ابدااااااااااا ثق تمام الثقه 000
ويعطيك العافيه

[برق الوسم11]

دوجت انا على باترول نيساني **من وارد اليابان من قديم الزماني

وخسرني وجعلني أبوح بمالي **وحافني على كل ورشة وميكانيكي
دوجــت به بديــار ممــحــله **ماتشوف به حتى فارن منفرة


وخلها على ربك



تقبل مروري


هههههههههههههههههههههههههههه
تسلم قصيده على بحر السجع
صح لسانك

[برق الوسم11]

ابو قبلان الرس
صح بدنك

[برق الوسم11]

صح لسانك
والله لو تقول الي تقول قانص قانص الله لايعوق بشر



من ماسكك اقنص
والله يعينك على البران والغبار
وخراب السياره والمصاريف
وموفق خير

[برق الوسم11]

يعطيك العافيه وصح الله لسانك ننتظر جديدكـــ

عاشق البيكال
صح بدنك لاهنت منور الموضوع

[برق الوسم11]

فرخ القطا
لاهنت على المرور
منور ياغالي

[برق الوسم11]

الطراعيز كوم
منور بطلتك البهيه

[برق الوسم11]

صح لسانك وهذا حال الكثيير من الصايدين الفايدين :p كسر سياره الشايب ودمر الحياه الفطريه وضييييع مستقبله ...


تسلم وهذه الحقيقه
الناس ضيعت مستقبلها بطرد الطيور
بس حلهم عندي براويك فيهم خخخخخخخ

[برق الوسم11]

غراند
تسلم لاهنت

[MANSOR QATAR]

صح لسانك
وعساك على القوه
تحياتي لك

[عناز الحره]

صح لسانك
ههههههههههههههههههههههههههه

[برق الوسم11]

صح لسانك \
ههههههههههههههههههههههههههه

صح بدنك
ودديبرق الوسم

[برق الوسم11]

صح لسانك

وعساك على القوه

تحياتي لك




صح بدنك ولاتهون ياغالي
ووودي برق الوسم

[برق الوسم11]

الخديوي
تسلم لاهنت
الف شكر وودي برق الوسم

[القميري قلبي]

صح لسانك و مشكور
و الله يقويك على ما تقول

[علم162]

علم حياك

الموهبه عندي اعتبرها ثنائيه ماهي اساس بالرجل
من ضمن المواهب يعني عاديه عندي ماتمثل لي شئ
اللي بالاحمر مافهمتها
ثالثا حدسك ماعنده سالفه واكره مااكره القنص ومشاكله
وانا عند الله صادق
ولن انقلب ابدااااااااااا ثق تمام الثقه 000

ويعطيك العافيه

المقصود بالكلمه لاتثنينا يعني تمنعنا والموهبه انا صادق فيك رجا ازين من كلام فاضي نقراه احيانا

[راعي الأوله -]

قسسسم بالله العظيم صح لسسسانك


لكن بقولك ،

قسم بالله لن اترك المقناص مادمت حيء ومشافا ومعافا

يآ رجال والله الخساره بالمقانيص ماتعتبر خسارررررررررره

[برق الوسم11]

المقصود بالكلمه لاتثنينا يعني تمنعنا والموهبه انا صادق فيك رجا ازين من كلام فاضي نقراه احيانا


الله يعافيك ياعلم
انا عارف كلامك وفاهمه بس الموهبه
يعني انا مااعتبرها شئ مميز بالرجل
موهبه شعر او رسم او فصاحة لسان
او ذكاء خارق مواهب بس ماهي كل شئ بالرجل يعني
ربي يسلمك

[برق الوسم11]

ولد الاسياح
تسلم ياغالي على المرور
لاهنت الف شكر ووودي برق الوسم

[حربي الحرة1]

بيض الله وجهك على القصيده وصح لسانك
بس ليش الموضوع ضيعت نفسي

[راعي جملاء]

صح لسانك وننتضر ديوانك بـأسم (برق الوسم)

[ربيع الكشته]

لله درك
كفو كفو كفو

[عبدالله السليمي]

صح لسانك أخوي برق الوسم على الابيات
وهذا واقع الصيد لا يستطيع أحد أن ينكره
تقبل مروري

[برق الوسم11]

القميري قلبي
تسلم لاهنت
منور بحضورك
وودي برق الوسم

[برق الوسم11]

راعي الاوله
عساك دائما حي ومعافا
يعطيك العافيه

[برق الوسم11]

بيض الله وجهك على القصيده وصح لسانك

بس ليش الموضوع ضيعت نفسي




حياك الله ياحربي الحره
اول بيت من القصيده

[ابو أسامه؛؛]

صح لسانك اخوي برق لكن اعتقد انك فاهم موضوع القنص فهم غير صحيح فهم مبالغ فيه ياخي اخواني اللي قالوا عن مصاريفهم اعتقد مبالغين كذلك القنص وطلعت البر ماهي عندي إلا للترويح عن النفس والبعد عند المدن والبعد عن جو العمل و ضغط المدن وإلا الصيد مافيه صيد يسواء قميريه تلقى يلاحقها ثنين او ثلاثه او دخل بروس الطلح يوم ترجع للبيت ويديك متفككه لكن هي هوايه تعودنا عليها مانقدر نتركها فارفق بنا هداك الله وحط حرتك وجهدك باللي ينزلون صيدهم وصورهم هنا لاصاد له عشر قميريات كنه محرر الإقصى شرفه الله هؤلاء هم من ساعد البنقالي على قولتهم على الصيد وخلا اهل الفريزرات يعسكرون بالشعبان وبعدين اخوي ترا ماكل العام قنص الهجره مرتين بالعام كل هجره تأخذ منك اسبوعين بالكثير يعني الموضوع بسيط لاكن المشكله من الخلاء على الصيد والمهايطيه هداهم اللهوعذرآ على كثر الكلام وارجع وقول ابياتك في محلها فلا فض فوووك

[برق الوسم11]

حياك ياراعي جملا
والله الديوان مالي فيه
حتى خوياي بالمنتدى بيحطون لي ديوان ورفضت
يعطيك العافيه
وقوقل مايخلي شئ

[برق الوسم11]

ربيع الكشته
كفوك الطيب
لاهنت

[الكاوي1]

ماشاءالله عليك وصح السانك

[برق الوسم11]

عبد الله السليمي
صدقت هذا هو الواقع

[برق الوسم11]

كلك ذووق ياابو اسامه
وانت تعرف باانني اول من حطيت حرتي فيه
اهل المقاطع والصور 000 وحتى طلبت من الاداره
منع المقاطع والصور ولكن لاحياة لمن تنادي
ويسلم راسك

[مسبر الضلعان]

يعطيك العافيه صح لسانك
ازمه وتزول تقبل مروري

[اورنس الشمري]

صح لسانك اخوي برق لكن اعتقد انك فاهم موضوع القنص فهم غير صحيح فهم مبالغ فيه ياخي اخواني اللي قالوا عن مصاريفهم اعتقد مبالغين كذلك القنص وطلعت البر ماهي عندي إلا للترويح عن النفس والبعد عند المدن والبعد عن جو العمل و ضغط المدن وإلا الصيد مافيه صيد يسواء قميريه تلقى يلاحقها ثنين او ثلاثه او دخل بروس الطلح يوم ترجع للبيت ويديك متفككه لكن هي هوايه تعودنا عليها مانقدر نتركها فارفق بنا هداك الله وحط حرتك وجهدك باللي ينزلون صيدهم وصورهم هنا لاصاد له عشر قميريات كنه محرر الإقصى شرفه الله هؤلاء هم من ساعد البنقالي على قولتهم على الصيد وخلا اهل الفريزرات يعسكرون بالشعبان وبعدين اخوي ترا ماكل العام قنص الهجره مرتين بالعام كل هجره تأخذ منك اسبوعين بالكثير يعني الموضوع بسيط لاكن المشكله من الخلاء على الصيد والمهايطيه هداهم اللهوعذرآ على كثر الكلام وارجع وقول ابياتك في محلها فلا فض فوووك



+1

أنا أؤيد ردك ومثل ردي بالضبط

[ABO-NaiF]

تسلم وهذه الحقيقه
الناس ضيعت مستقبلها بطرد الطيور
بس حلهم عندي براويك فيهم خخخخخخخ




هههههههههههه


ارفق عليهم بالله

لاتجيهم حاله صعب علاجهااااااا

ههههههههههههههههههههههههه

[لطام الحربي]

لا تشتكي للملا يا طيب الفالي **قبلك شكيناولاكن مابهم خيري
ماهمهم غير كسب ريال بريالي**حتى لو انه ما يبقى به ولاطيري
بكره يبا يصير صيدك زرق الاثعالي** ولا عاد به صيد لا دخل ولا قميري

[ننززاالل]

اتعبت نفسي ولافكرت بالمالي
00000000000 واقل مااخسر كثيرات البناشيري

قصيدة رائعة جداااااااااا
بارق الوسم 11 هل تعلم ان هواية الصيد من أنبل الصفات و اجملها.

تقبل مروري و لك تحياتي

[علم162]

يالشاعراللي تنشدني عن ريالي
تقول ياهييه كثرت المخاسيري
ماني مخلي القنص لواجلس لحالي
وادوج وسط الخلا دروب معاسيري
فنجال مر يضيع مره الحالي
مع شبة النار عن كل الدنانيري
في راس طعس يذري برده الجالي
او ظل طلحه عن شموس المعاصيري
اسلي النفس وادله في هوا بالي
احسن من اللي يداقش بالبساطيري
يالله ياللي على كل الملا عالي
انك تيسر لي المقناص واسيري

[راعي البيكاال]

صح لسانك يابعدي

[حربي الحرة1]

حياك الله ياحربي الحره
اول بيت من القصيده

السؤال هل المقناص يضيع؟

[برق الوسم11]

الكاوي
تسلم لاهنت اخوي
الف شكر على المرور

[برق الوسم11]

ابو نايف
ماني برافق عليهم
ههههههههههههههههههههه

[برق الوسم11]

لا تشتكي للملا يا طيب الفالي **قبلك شكيناولاكن مابهم خيري
ماهمهم غير كسب ريال بريالي**حتى لو انه ما يبقى به ولاطيري
بكره يبا يصير صيدك زرق الاثعالي** ولا عاد به صيد لا دخل ولا قميري


ماني بشاكي على غير لله الوالي
000000شكوى على غيرربي مابها خيري
هيضتني للقصيد و بدع الامثالي
0000000 صوت وصدى جاوبه بالفكر تعبيري
ترى القنص مضيعه في كل الاحوالي
000000لو يزعلون اهل المكشات والغيري
هذه حقيقه ولايكثر بها اجدالي
000000مهما يحطون للمقناص تبريري

[برق الوسم11]

عبدالله السليمي
لاهنت على المرور ياغالي
ودددي برق الوسم

[برق الوسم11]

نزززااللل
يعطيك العافيه

[برق الوسم11]

يالشاعراللي تنشدني عن ريالي
تقول ياهييه كثرت المخاسيري
ماني مخلي القنص لواجلس لحالي
وادوج وسط الخلا دروب معاسيري
فنجال مر يضيع مره الحالي
مع شبة النار عن كل الدنانيري
في راس طعس يذري برده الجالي
او ظل طلحه عن شموس المعاصيري
اسلي النفس وادله في هوا بالي
احسن من اللي يداقش بالبساطيري
يالله ياللي على كل الملا عالي
انك تيسر لي المقناص واسيري


ههههههههههههههههههههههه
وعقب القنص وش يسوى جيبك الخالي
0000000 والموتر اللي تحلل به مساميري
ومغبرن حالتك يرثى لها حالي
0000000 وهيئتك شيفه وخرعت المساييري
والبنت ماتلتفت لك شوفها عالي
0000000 تبي مثقف شياكه كنه اميري
مركب فخامه ومنصب فيه تختالي
0000000ماهو بمثلك تصيد بالعصافيري
خلك مع البر وانسى همك الحالي
0000000وبعدين تعرف كلامي عقب تقديري

[برق الوسم11]

مسبر الضلعان
لاهنت اخوي منور بطلتك البهيه
ووودي برق الوسم

[برق الوسم11]

اورنس الشمري حياك الله
منور ياباشه

[ابو أسامه؛؛]

اخوي برق الوسم أنت بجازه؟؟ أسعدك الله وصح لسانك ولسان علم

[ABO-NaiF]

ابو نايف
ماني برافق عليهم
ههههههههههههههههههههه



برق فكنا من شرك خلنا نقنص ونستانس

الدنياء فانيه وش تحسب ووش تخلي

أد الفروض اللي عليك وارًض والديك

ووسع صدرك

لو انا مراقب قفلت مواضيعك كلها

وخليت لك خيمه الطبخات البريه تذبحك

ريحه الكشنه لعانه فيك

ههههههههههههههههههههههه

[برق الوسم11]

اخوي برق الوسم أنت بجازه؟؟ أسعدك الله وصح لسانك ولسان علم


هلابك يابو اسامه
لالا ماني باجازه
مداوم والله يعين

[برق الوسم11]

برق فكنا من شرك خلنا نقنص ونستانس

الدنياء فانيه وش تحسب ووش تخلي

أد الفروض اللي عليك وارًض والديك

ووسع صدرك

لو انا مراقب قفلت مواضيعك كلها

وخليت لك خيمه الطبخات البريه تذبحك

ريحه الكشنه لعانه فيك

ههههههههههههههههههههههه





هههههههههههههه
لاماني فاككم من شري
تبون موضوع مثل موضوع رائد العماش ماعندي انا
هههههههه يسعدك ربي

[عزااااام-1]

صح لسانك علىكل حال وانت الحين هامتك البيئة بعض الحماااس مالة داعي احد يقنص على حسابك ونا احوووك وهد بالك وثاني شي كلااامك هذا المفروض توجة للقصماان مشهورين في الجزيرة مع احترامي للرياجيل الكفو فيهم اما باقيهم فاعوذ بالله مشفح ياخوان يكلمني واحد من الربع في وادي الدواسر يقول وصلونا ودخلو مزارعنا وقطعوا الشبوك هذولا خمة سرابيت وسهارى يقول حتى عصافير البيوت ماسلمت منهم ومسكوهم وخذوا سياراتهم وسلموها للشرطة الزبدة ماااافية احد متاذية منة الارض الى القصيمي المشفووووووح ياخي لقو معهم ثلاجااااات مليانة حتى الهدهد احد ياكل الهدهد

[برق الوسم11]

صح لسانك علىكل حال وانت الحين هامتك البيئة بعض الحماااس مالة داعي احد يقنص على حسابك ونا احوووك وهد بالك وثاني شي كلااامك هذا المفروض توجة للقصماان مشهورين في الجزيرة مع احترامي للرياجيل الكفو فيهم اما باقيهم فاعوذ بالله مشفح ياخوان يكلمني واحد من الربع في وادي الدواسر يقول وصلونا ودخلو مزارعنا وقطعوا الشبوك هذولا خمة سرابيت وسهارى يقول حتى عصافير البيوت ماسلمت منهم ومسكوهم وخذوا سياراتهم وسلموها للشرطة الزبدة ماااافية احد متاذية منة الارض الى القصيمي المشفووووووح ياخي لقو معهم ثلاجااااات مليانة حتى الهدهد احد ياكل الهدهد

لي عوده بااذن الله

[قلب إنسان]

ياراعي الوسم فكنا من قصيدك يابن الحلال عرفنا انك شاعر والقوانيص كلهم رجال وعلمهم غانم ورايهم سديد

خلك على شياكتك وثقافتك والاتحتك بمواضيع اهل الشكاله

[برق الوسم11]

ياراعي الوسم فكنا من قصيدك يابن الحلال عرفنا انك شاعر والقوانيص كلهم رجال وعلمهم غانم ورايهم سديد

خلك على شياكتك وثقافتك والاتحتك بمواضيع اهل الشكاله



ماني بفاكك من قصيدي غثه ههههههه
انا ماجيت ادور كلمة شاعر واكره مااكره
هذه الكلمه لان الشعر اليوم صار مثل القنص اليوم ولااومن اصلا بالشعر كله
بانه ميزه وتفوق على الرجال حاشى وكلااااا
واكبر دليل انني اكتب بنك نيم مستعار
وانا على شياكتي وثقافتي
واعرف ان القوانيص بعضهم رجال وكفووو
واطيب مني بكثير بعد
امالااحتك كثر منها الا بحتك وبقف ضد تدمير الحياه الفطريه
ومطارد الصيد الذي ضيع كثير من الناس واشغلهم عن مستقبلهم

[العنابي 616]

شف يا أخوي أنا الحمدلله أعشق البر و الخلا و التمشي و لكن أتجنب الصيد حفاظا على الحياة الفطرية
و شي حلو إننا نوعي الناس بالحياة الفطرية و نوقف هذا الصيد الجائر

لكن في المقابل مالك دخل بالناس و شلون يقضون أوقاتهم و فوق على كذا تعتبر هوايتهم تضييع للنفس و إشغالهم عن المستقبل لأن كل شخص له طريقته و نظرته و مفهومه للحياة يمكن الشخص الاخر يرا أن طريقتك إنت خطأ !
أتمنى إن الفكرة وصلت

[برق الوسم11]

العنابي
وصلت الفكره الله يسلمك وكلك ذوووق

[قلب إنسان]

ماني بفاكك من قصيدي غثه ههههههه

انا ماجيت ادور كلمة شاعر واكره مااكره
هذه الكلمه لان الشعر اليوم صار مثل القنص اليوم ولااومن اصلا بالشعر كله
بانه ميزه وتفوق على الرجال حاشى وكلااااا
واكبر دليل انني اكتب بنك نيم مستعار
وانا على شياكتي وثقافتي
واعرف ان القوانيص بعضهم رجال وكفووو
واطيب مني بكثير بعد
امالااحتك كثر منها الا بحتك وبقف ضد تدمير الحياه الفطريه

ومطارد الصيد الذي ضيع كثير من الناس واشغلهم عن مستقبلهم

اجل الى اتشوفة صح اســــــــــــــــــــعـــــــــــدالله مســـــــــــــــــــــــاكـــــــــــــــــــــــ ـــــــ

[بن عويف]

ابدعت صح لسانك
واعتلى شانك

[برق الوسم11]

قلب انسان تسلم لاهنت
يعطيك العافيــــــــــــــــــــه

[مازن الصعب]

الله الله

صح لسانك واعتلا شانك

جزلة والله يعينك على بعض الردود

[برق الوسم11]

بن عويف
صح بدنك لاهنت يالغالي
تسلم ووودي برق الوسم

[نديم المجره]

صح لسانك
ولكن هل من معتبر
كل القوانيص نفس وضعك
بس انهم يكابرون على شان يقال فلان راعي قنص
الله يسعدك انت وخالك
تحياتي

[برق الوسم11]

صح لسانك

ولكن هل من معتبر
كل القوانيص نفس وضعك
بس انهم يكابرون على شان يقال فلان راعي قنص
الله يسعدك انت وخالك

تحياتي


نديم المجره صح بدنك
ياغالي موب انا ولاخالي
انا تخيلت واحد قناص وبعدين قلت القصيده على لسانه وكانه يخاطب خاله
ههههههههههههه
اخوك لايروح ولايحب البر ويدافع عن الحياه الفطريه من الصيد الجائر
ويسلم راسك

[شاووش]

صح لسانك ..

[برق الوسم11]

[/COLOR]]صح لسانك ..



صح بدنك لاهنت اخووووي

[هبوب الشمااال]

ههههههه قصيده تصف الحاال لاكن بطريقه راائعه ..
صح للساانك والوااحد لو يجيه الصيد بااارد مبررد مايصير له طعم ومثلك عارف واعلم من بهالامور لان واضح من قصيدتك انك مريت بايام مره ولاكن له نكهه اخرى بعد عدة سنواات ...
1000 شكر لك يابعدي ...

[شرق المغيب]

مانت لحاالك كل اهل الولع حالهم حالك

صح لسانك قصيدة معبرة

[فتى الرابيه]

تصوير رائع وجميل - تسلم

[برق الوسم11]

مازن الصعب
صح بدنك لاهنت
ووودي برق الوسم

[برق الوسم11]

ههههههه قصيده تصف الحاال لاكن بطريقه راائعه ..
صح للساانك والوااحد لو يجيه الصيد بااارد مبررد مايصير له طعم ومثلك عارف واعلم من بهالامور لان واضح من قصيدتك انك مريت بايام مره ولاكن له نكهه اخرى بعد عدة سنواات ...
1000 شكر لك يابعدي ...



هبوب الشمال لاتفهمني غلط
لامريت ولاقنصت ولااحب البران
صدقني ياغالي لكن تصوير لحال القوانيص
وانا نوهت انها من الخيال ليس الا يعطيك العافيه
ووودي برق الوسم

[~ امواج ~]

الله يميلي الجيب ههههه

صح لسانك

[ريف النشاما]

صح لسانك وسلم بنانك

المشكلة ماهي بالصيد بس المشكلة في كل المجالات

لكن وصفك ميه ميه هههههه واعرف لي واحد زيه زيه هههههه

ولو أن المقناص حلاوته في التعب لكن أن تجد شي وتصيد
يعني كل يوم تحصل اللي يكفيك فهذا متعه
لكن تكرف ولا تحصل شي هذي مشكله

[برق الوسم11]

امواج
يعطيك العافيه والله يرزقك
هههههههههههه

[برق الوسم11]

ريف النشامى
حياك الله وكلامك عسل مثلك
ويعطيك العافيه وودي برق الوسم