يامن له خبرة بالتصاريح .. نبي الحل

[وضاح القمر]

واحد من الشباب يبي يخلي مسؤوليته من سلاح ساكتون هوائي .. عطاه قريب لأحد زملائه

ويقول المشكلة إن زميلي هذا أجنبي من الشام .. والآن أبي آخلي مسؤوليتي

يبي يشيل اسمه من الساكتون .. حيث إن التصريح باسمه

يقول وش السواة ؟؟؟

ندري أنه وش خلاك تتلقف وتعطيه سلاح باسمك

وهذا العمل مايصلح

الآن نبي الحل وجزاكم الله خير

[قلايد الخيل]

خله يروح ويستفسر من نفس المحل الي اشتراها منه
اظاهر هو يقدر يدبرها له وينقل الاسم بـ50 ريال اظن

[ذيب السلمية]

النقل ماينفع ينقلونه لأجنبي

احسن حل حك الرقم اللي على البندق

[.أبوعبدالله.]

أنا رأيي

رح بلغ أنها مسروقة من البيت

قل أن فيه واحد طب عالبيت وسرق غازات من البيت وكان فيه بندق في الملحق الخارجي سرقها وتلقزيون وريسيفر ... وملحها عاد أنت شوي هههههه

حتى تخلي مسؤليتك وأحتفظ بالبلاغ عشان لو صار ما صار تقول أنك مبلغ عنها في وقتها



مالك ألا هذي وأنا أخوك

[وضاح القمر]

الله ﻻيهينكم ويجزاكم خير

شكلي ياإني أسأل نفس المحل .. وإﻻ أعطيه فرصة ينقله باسم واحد غيري

وإﻻ عاد يرجعه لي وأبيعه وأعطيه المبلغ

والله يسهل ..

[ابو السمك]

أنا رأيي

رح بلغ أنها مسروقة من البيت

قل أن فيه واحد طب عالبيت وسرق غازات من البيت وكان فيه بندق في الملحق الخارجي سرقها وتلقزيون وريسيفر ... وملحها عاد أنت شوي هههههه

حتى تخلي مسؤليتك وأحتفظ بالبلاغ عشان لو صار ما صار تقول أنك مبلغ عنها في وقتها



مالك ألا هذي وأنا أخوك



الاخ ابو عبدالله بالله فكرت شوي قبل تكتب ردك الله يهدينا وياك تبيه يكذب و يظلم الرجال ويبهته
لاحول و لاقوه الا بالله

[قلايد الخيل]

الله ﻻيهينكم ويجزاكم خير

شكلي ياإني أسأل نفس المحل .. وإﻻ أعطيه فرصة ينقله باسم واحد غيري

وإﻻ عاد يرجعه لي وأبيعه وأعطيه المبلغ

والله يسهل ..



اذا كان اجنبي مايصير
مالك الا انه يطمس الرقم على السكتون وريح بالك ولاتشيل همها

اذا تبي طريقة كيف تطمس الرقم رح لاقرب حداد ووهو يسويها لك بالصاروخ بس حكتين
وترى الدعوى سهالات اذا سويتها

[al-wa7eed]

اتوقع والله أعلم وأنا اخوك اذا السلاح مصرح وتبي تنقله عادي ينقلونه لك حتى لو ما فتحوا التصاريح اما بالنسبه لنقله الى أجنبي ما ادري عنه
بس أنت مر عليهم اسالهم


تحياتي

[Messerschmitt]

ما لها حل , لازم يسترجع السلاح بأقرب وقت , ما تدري يمكن سبحان الله يذبح بوه رجّال.


النقل ماينفع ينقلونه لأجنبي

احسن حل حك الرقم اللي على البندق


أنا رأيي

رح بلغ أنها مسروقة من البيت

قل أن فيه واحد طب عالبيت وسرق غازات من البيت وكان فيه بندق في الملحق الخارجي سرقها وتلقزيون وريسيفر ... وملحها عاد أنت شوي هههههه

حتى تخلي مسؤليتك وأحتفظ بالبلاغ عشان لو صار ما صار تقول أنك مبلغ عنها في وقتها



مالك ألا هذي وأنا أخوك


اذا كان اجنبي مايصير
مالك الا انه يطمس الرقم على السكتون وريح بالك ولاتشيل همها

اذا تبي طريقة كيف تطمس الرقم رح لاقرب حداد ووهو يسويها لك بالصاروخ بس حكتين
وترى الدعوى سهالات اذا سويتها

شعب ما ينضر ابعد من خشمه

[شاهين12]

شف اخوي
النظام يمنع منعا باتا البيع لغير سعودي .
والهوائيه مصرحه فما تقدر تبيعها الا بنقل التصريح معها حتى لشخص السعودي.


والله ينصر اخوانا المسلمين في سوريا .

[.أبوعبدالله.]

الاخ ابو عبدالله بالله فكرت شوي قبل تكتب ردك الله يهدينا وياك تبيه يكذب و يظلم الرجال ويبهته
لاحول و لاقوه الا بالله



لا مهوب كذا الله يجزاك خير


انا اللي فهمته من الرجال ان البندق غدت مع هالأجنبي وراحت

لا عاد يدري وين ارضها؟؟ و وين سماها؟؟؟

لاحظ الرجال لم يتطرق للبيع ..يقول البندق عطاها واحد
وهالواحد عطاها واحد ( شامي )


ما تطرق للبيع لا من قريب ولا من بعيد

يعني البندق غدت .. وراحت مايدري وينهي فيه ؟؟!!

هذا اللي فهمناه منه



فهمت ليش قلت له هالحل ؟؟؟؟

اركد أنت الله يجزاك خير
.. كلامنا بناءاً على السيناريوا اللي قاله الرجال
البندق حسب كلامه ... غدت .. !


أما إذا كانت المسألة مسألة بيع ومشترى .. فهذا كلام ثاني

يتحمله صاحب البندق أو اي شخص يعطي اجنبي بندق بأسمه

الأجنبي ما يصرح له بحمل سلاح في هالبلد

وسلامتكم ،،

[.أبوعبدالله.]

شعب ما ينضر ابعد من خشمه



مخلين الدرابيل لك
الله يجزاك خير

ناظر بها أنت .. أبعد من خشمك



ياشين الفلسفه اللي مالها سنع

منتب عاقلين يالشعب الفرنسي !!!

[Messerschmitt]

وانا صادز, ما تنظرون ابعد من خشومكم

يالله لك الحمد بندقي قديمه معي ومحافظ عليها

وسيارتي قديمه معي ومحافظ عليها

ولا خربت اصلحها بيدي واخر خراباتها البنيون

وعفشي كله محفوظ

مقاطع التجار, ومقاطع السيارات

معي بكالوريوس انجليزي

اشتغل دوام صباحي ومسائي

والحمدلله دوامي قايم فيه على اكمل وجه

والان احضر للماجستير اللهم لك الحمد.

قل لي وش انجازاتك ؟

[عابرالبر]

رحه الي المحل وهويفيدك

[.أبوعبدالله.]

وانا صادز, ما تنظرون ابعد من خشومكم

يالله لك الحمد بندقي قديمه معي ومحافظ عليها

وسيارتي قديمه معي ومحافظ عليها

ولا خربت اصلحها بيدي واخر خراباتها البنيون

وعفشي كله محفوظ

مقاطع التجار, ومقاطع السيارات

معي بكالوريوس انجليزي

اشتغل دوام صباحي ومسائي

والحمدلله دوامي قايم فيه على اكمل وجه

والان احضر للماجستير اللهم لك الحمد.

قل لي وش انجازاتك ؟


الله يرزقك و يوفقك

وراك شطحت وأنا أخوك

تقول كنك واحد يقدم على وظيفه


-----------

شكلك زعلت !؟؟؟

أمسحها بوجهي وأنا أخوك

ترى الأمور سهالات ... يالغالي ،،،

[قلايد الخيل]

ياشين الشطحات الي مابها سنع

[بعيدالمساري07]

الحل انك تروح قسم الاسله والمتفجرات بالشرطه وتبلغ انها مسروقه
وبعدين لو حصلت مشكله يجسبونك انت لاكن اذا بلغت ماعليك