اسعار النيسان بكب بين الحمراني والمعارض

[معطان]

السلام عليكم ورحمة الله وبركاتة

استفسار بارك الله في الجميع
ارغب بشراء دادسن نيسان ذهبت للمعارض عندنا في عرعر وجت 2012 تلاندي ومكسيكي السعر 65000 الف ريال جي ال

ذهبت شركة الحمراني القصيم يقولون عندنا 2011 السعر 74 الف ريال

نرجو الافادة ماهو سبب الفرق والمديل 2011 غالي مرة ولا فيه شي حنا ماحنا عارفينه

ولا الحمراني يبيع يباني اصلي مع الافادة عن مديل 2011 هل تنصحوني اشتريه بهذا السعر وكيف استعمله للاخوان الذين استعملوا هذا المديل
والف شكر للجميع 🚕

[nasseromar]

علي حد علمي نافارا 2011 ياباني
و2012 في منه كذا صنع

[مساءك خير]

يا معطان


كلامي لك انت ولكل من يقرأ هذه السطور


لما تقول نيسان تايلاندي ونيسان مكسيكي


ونيسان ياباني اصلي


يا ابن الحلال مكان المصنع لا يغير من جودة السياره باي حال من الاحوال


مثلا مصنع نيسان سواء في اليابان او حتى في الصمان


هوه هوه مافيه فرق



مثلا بيبسي اللي يصنع في امريكا او في الجميح هوه هوه ما يتغير شئ


لان الشركه الام وحده


نيسان هي نيسان في اي مكان واي زمان


والله طقت تسبدي وانا اشوف واسمع الناس اللي تقول نيسان تايلاندي او صيني او من عبيله وشواله


شويه عقل شويه تفكير


وشكرا

[المنيعي1]

يارجال خذ الرخيص ولا عليك الفرق بالمواصفات الي عند الحمراني يجي صدام صغير وخطوط سوداء ولصقات
والي بالمعارض تجي بدون خطوط وصدام كبير .

[معطان]

الف شكر للجميع ومنكم نستفيد

[Saud 2002]

نصيحه خذ مكسيكي وريح مخك من حنه مكينه التايلندي انا معي تايلندي ومضيق صدري اجل امشي 120 وعداد ضغط المكينه حول 4 والله لوني ماشي 160 والله حنحنه وصجه مكينته ولا خذ لك نافارا ترااه طيب

[SMRAN]

ماعرفنا شنهو المكسيكي فيه سيارات نيسان مكسيكيه وخاصه النفارا نبغي اخبار عنها

[الهوشان]

الله يكتب الي فيه خير

[---ابو يوسف-]

ياخي انا شايفه عند معرض العمر بالرياض ارخص من كذا

[أبو تميم 506]

شوري عليك لايقربك المكسيكي إلا اذا انت راعي خطوط لامافيه حنه اما بالبر سيييييء لان نمرته طويله ويبرد حيله .
اذا انت راعي نفود عليك بالتايلندي نمرته شاده صح فيه حنه شوي بس تتعود عليه مع الوقت .
بهدين اخوي ياللي تقول 120 ظغطه 4 موب صحيح لاتبالغ انا معي تايلندي 140 او 150 ظغطه 4 اما 120 ظغطه ثلاثة وربع .