المساعدات الهيدروليك

[kandl]

السلام عليكم ورحمة الله وبركاته
عندي يوكون موديل 2000 فاكه من الجميح بدون دبل والان اشوف زيت طالع من المساعدات ورحت الجميح وحصلت اسعارها غاليه جدا . وكذا ورشه قالو نغيرها لك عايدي لكن لنبة المساعدات تبقى دايما والعه .
هل يمكن اصلاحها.
هل يوجد بديل لانواع اخرى من السيارات
ماهو الحل جزاكم الله خير مع ان السياره نظيفه وما ابغا افرط فيها
وشكرا للجميع

[hassan-55]

يا اخي الفاضل
عادي اشتري المساعدات من محلات قطع الغيار
وركبها عند اي ورشه
انا بموتري الاند غيرتها عند ورشه بالصناعيه القديمه والحمد لله فرق وااضح
وبالنسبه للمبه اتوقع لها حل يفيدونكـ بها الاخوان
كفصل البطاريه لمدهـ معينه واعادة تركيبها او برمجه

الوكالات دائماً بلا رحمه صيانتهم وقطعهم نااار

الله ييسر امرنا وامركـ وامر كل مسلم...

[أصيل حجآ زي]

أ ُعلمك عن / مـُـسـاعـدآت (ماص النطنطة) يـهـرب زيت وخـربان وش الحـل ؟؟؟ ودفاشة بابك. (http://www.mekshat.com/vb/showthread.php?t=231104)



أذا تحصل كهربآئي شآطر :
يقدر يركب لك مقآومة
رزستر resistor
بالسلك اللي يركب في المُسآعد
وبتلك الطريقة يخدع اللمبة وتنطفي للأبد .


الحرّب خدعة .
:hot: :j :director:


:good2:

[Magellan]

مو اللمبة فقط تتغير
الموتر يتغير عليك رساوته
اذا تقدر تطلب مساعدات من برا اوفر
يعني ممكن مساعدين من بر يكلفك 1200 ريال
،،،،،
لكن اذا تبي تشتري مساعدات عادية مافي مشكلة تقدر تبرمجها من اي محل عنده جهاز كمبيوتر tech 2 مثل التقوى شمال الرياض طريق ابو بكر

[mekshaat]

كلام المهندس ماجلان صحيح تتغير عليك الرساوه
حتى اذا جا عندك حمل على السياره تلقاها تنزل
من الخلف وتبهذلك ماشاء الله أنت تقول مودبل
2000كم لها وهي تكد معك ماقصرت حاول
تشوف بعض الأشخاص اللي يجيبونها من برا
مثل ماقال ماجلان راح تشوف فرق السعر.