الطير طلعناه من عقب قرناس

[الامبراطوري]

السلام عليكم ورحمة الله وبركاتة

اهدي لكم هذي القصيدة بمناسبة قرب المقناص

الطير طلعناه من عقب قرناس
هب البراد وزان وقت الهدادي
ابه اليا جاني هواجيس وعماس
اسجبه مع مزرهد الحمادي
مانيب من في صفرة الصبح غطراس
ما همه الا عيشته والرقادي
سج مع البيدئ دوى كل هوجاس
ردم الحطب بالنار وقت البرادي
لا صار تالي اليل ما جاني نعاس
نفسي تهقويني ديار بعادي
بأرض خلا وبعيد ماطبها الناس
مهيب قرب المزرعة والبلادي
واليا لقينى جرة الصيد يحتاس
الطير ما أمشيبه بروس المبادي
طير ابه يجود الخرب بالراس
يشفق على ذبحه وهبر الثنادي
واليا حصل خوة نشامى ومجلاس
هذا هوى بالي وغاية مرادي
والصيد بالتوفيق من خلقة الناس
ولا كل صياد من الصيد صادي
وسلامتكم,

[حمد لعنزي]

صح لسانك ان شاالله مؤسم طيب

[اقدم صقار]

والصيد بالتوفيق من خلقة الناس
ولا كل صياد من الصيد صادي

صح الله لسانك وعز الله انك صادق

ولاكل قناصن من الصيد صادي

[بن عويف]

عزالله انه زان وقت الهدد والمطالبع
صح لسانك واعتلا شانك