التيس الباكستاني وما ادراك ما التيس الباكستاني............ [الأرشيف]

kaaaatm

05/08/2006, 01:12 PM

السلام عليكم ورحمة الله وبركاته.................

يا شباب تعرفون في هذه الايام زادت اسعار الغنم وخصوصا سعر التيوس البلديه اذ انه يصل سعر التيس ما يقارب من 350 ريال إلى 500ريال...
والسالفه كلها تيس.

لكن يمكن انكم قد سمعتوا عن التيس الباكستاني اللي يباع في سوق عتيقة او الثلاجة العالمية
ويجيك مذبوح في نفس اليوم...
وسعره تقريبا من 120 ريال إلى 180 ريال وقد يصل إلى الميتين على حسب الوزن

فاريد من اخواني المكشاتين الذين جربوه ان يبدوا رائيهم في هذه التيوس من ناحية الطعم وطريقة الطبخ له و ........

ويا ليت ما احد يبدي رايه إلا بعد التجربة...................

مراسل وراط

05/08/2006, 01:13 PM

انصحك تراه خايس

بواسامه

05/08/2006, 01:21 PM

توافيق وانا اخوك
مررررررررررره دلع
ومرررررررررررررررره تعافه وتقول كله زخمه
جربته كم مره
والغالب انه جيد مندي طبعا
وطبخ لك عليه

المجد

05/08/2006, 01:27 PM

جربت التيس الهندي عند بندة .. انا اشهد انه خااااااااااااااااااااااااايس الله يكرم النعمة .

ابو درع

05/08/2006, 01:45 PM

البخور

والحطب

والحم

دورا احسن شي ولاااا بلاش الدجاج اصرف

ونصيحه خوذلك نصف ذبحه من لحوم الخالديه تراهاا زينه مره ومهجن نجد مه اشفال

لحم ابيض وش زينه .. دسم . و النصف يجي كثرمن هالتيس .

التيوس الي ذكرت نعمه من الله الله يديمه لكن مثل ماقلو الشباب فيه ازخمه

واغلب المطاعم ياخذو منه . واذكرلي احد الشباب انه يقوم بغسله في ماء دافي وملح وتروح الزخمه

مالك في الطويله روح لسوق الحمام وعليك بديك الرومي ( زكر ) ون شفتلك مصري اسحبه قل ياخوي ابك تنقيلي
وشريلك وزه وترا لحمه ابيض وكبره مثل اصغر التيوس وا ب60 ريال

جربه تدعيل بس اطلب سلخه .

ابرق العزاف

05/08/2006, 01:50 PM

التيس والخروف الباكستاني اذا اخذته في الثلاثه الايام الاولى اللى وصل فيها وقطعته
فى الثلاجه على طول
ممتازجدا اذا لحمته حمراء طيبه وناهره وشوف ورقة التاريخ عليه
واللى دايم خايس الحبشى التيس ال حبشى خايس حتى لو تاريخه جديد
مع التحيه

راعي الكيف

05/08/2006, 08:06 PM

اخوي كاتم ...

انا شخصيا قد جربت ذبيحة هندية من عند جيان على طريق خريص .... والله ياهي بطراااااااااااااانة ...

صغيرة ... ورخيصة .. اخذتها بـ 170 ريال ... كااااملة

والله يالحمتها مافية اطيب منها ....

وتراي داااايم اروح لجيان واشري منهم ضلوع تيوس صغيرة ... نشوي بالبيت

والله مامثلها ... شد رجلك لمهم ... وجرب .... وترا شغلهم نظييييف جدا ... وحق اليوم

وبالنسبة للحمة ... فاذا شفت العظمة فيها زراق - لون ازرق خفيييييف جاي على سماوي - .. فتراها صغيرة وعز الطلب ... وغيرها فترها كبيرة ... طبعا ذي بكل الغنم موب بس الهندية

جرب وعطنا خبر

من نجد

05/08/2006, 10:09 PM

أسمع وانا اخوك
التيس الباكستاني جربته مرتين شوي والله أنه غير زين ( الله يكرم النعمه )
والله حرام أحد يدفع فيه ريال واحد .وأخرتها أعطيه عمال في محطة بنزين

ولد وايل

05/08/2006, 10:32 PM

اخي الكريم والكلام للاعضاء

التيس البكستاني جميل اذا كان مع الشوربه

اما للشوي افضل شي اللي هو الخروف النيوزلندي

مطاعم النافوره ورب البيت انا شايفهم عند العالميه اللي عند مقبرة العود

يشترون نيوزلندي سألت واحد منهم قال لشوي افضل لحمه

وفعلا شريت منهم نص خروف 100% ويبيض الوجه للشوي فقط

للطبخ مخيـــــــــــــس

kaaaatm

06/08/2006, 08:12 AM

اخوي راعي الكيف

كيف طريقتك مع التيس الهندي هل هو مندي ولا كاتم ولا مشوي ولا ولا ولا ................

النداوي.

06/08/2006, 03:20 PM

ماقصرو الشباب الله يعطيهم العافيه
كلها نعمه الله لايغيره علينا امين ..............

kaaaatm

07/08/2006, 09:00 AM

آمين..............

فل اوبشن

08/08/2006, 05:20 AM

الله يكرم النعمه والله يافيه زخمه اسكت بس
الله يهدي من شار على . اقول البلدي وبس والله اني احسبها كلها سوا لكن يوم ذقته ماش مو مره ولا ثنتين
اخر مره والله جدعته ما قويت اكله ...........

الرهدن

08/08/2006, 05:32 AM

السلام عليكم / ياجماعة الخير00

تذكروا00
أهل الكتاب فقط هو من يجوز أكل ذبائحهم00

*

الرهدن

08/08/2006, 05:35 AM

السلام عليكم / ياجماعة الخير00

تذكروا بأن00
أهل الكتاب فقط هو من يجوز أكل ذبائحهم00

*

kaaaatm

13/08/2006, 10:57 AM

اخوي الرهدن وراك طرت في العجة

بكستان دوولة مسلمة

خيال الغلبا

13/08/2006, 01:04 PM

لايحوشكم التيس الباكستاني

وعلى العموم هنالك قاعدة لمن لايستطيع تمييز الطعم ... او لايعرف كيف يختار

من خلال الإجابة على هذا السؤال

رخص الشيء وتوفره في الغالب يدل على ماذا ........

محب الرمنغتون

13/08/2006, 05:33 PM

التيس الباكستاني ((( زبااااالة))) لا تشتريه 0

kaaaatm

14/08/2006, 09:39 AM

اخوي محب الرمنغتون

ما يجوز هذا الكلام اتق الله

لا يصيبك الله في مالك فجعلك تتمنى حافر التيس الباكستاني وليس لحمة بس

بن دوخي

14/08/2006, 11:17 AM

فعلاً التيس الباكستاني "الله يديم النعمة" لحمه ماهوب طيب ..

وفيه ناس يقولون ان الحطب يغير طعمه يعني (مندي - مشوي - حنيذ - مضبي) يمكن يكون مقبول بس انا مجربه طبخ وصراحه ما كملت غداي ..

مندوب الوفاء

14/08/2006, 11:34 AM

ياجماعة إذكروا الله

والتيس الباكستاني زين ولاماهو زين , هذا يرجع للمتذوق ,

kaaaatm

14/08/2006, 03:13 PM

اخوي يا مندوب المبيعات عفوا اقصد مندوب الوفاء (( امزح معك لا تزعل ))

في اشياء يتشاركون بها الناس من ناحية المذاق

الصفراوي

15/08/2006, 11:13 PM

للأسف غير جيد أنا أخذته من ثلاجة النخبة وتوه جاي من المطار يجي مذبوح من باكستان
يجي فيه زخمة غير طيبة والسبب يمكن النقل (( والغالي سعره فيه))

kaaaatm

16/08/2006, 09:40 AM

اخوي الصفراوي وش الطريقة اللي استخدمتها معه في الطبخ

راعي الكيف

16/08/2006, 06:21 PM

الكاتم ... عذرا للتأخير ..

والله شغلي عليه بالكاتم .... طبعا مرة زدت عليه حول 3 دقايق انسلت من عضامته سلت !!!

يعني تراه طعيييييييم بالحيل ... والله مافيه مثله

وقد جربته شوي ... بس ماني متأكد حق الشوي وش هي ذبيحة بالضبط ... هل هي هندية ولا سودانية ... بس انت رح لمهم وتلقى ضلوع وظهرة يحبها قليبك ..... بس الوكاد ان ذبيحة الكاتم هندية مافيه كلام

وتحت امرك ياخلفهم

أبو أسامة

16/08/2006, 07:01 PM

السلام عليكم ورحمة الله وبركاته

أخواني الكرام :

بنسبه لطعم التيس الباكستاني فهو جيد جداً ................. يعني عادي ..... بس الموضوع كله في رخصه ....... صح أنه رخيص هنا.... بس تراه أرخص عندهم يعني أنا يوم كنت في باكستان نشتري الذبيحه ونطبخها ماتكلفنا إلا 36 ريال بس .......... يعني بالبروبيه الباكستانيه حوالي 600 روبيه ..........

الصفراوي

17/08/2006, 10:45 AM

اذا شميت زفرت اللحم قبل ما تطبخه هونت انك تأكله
والطريقة عادية مكبوس مع الرز

منصور ع

17/08/2006, 02:07 PM

من سنه واشري التيوس الباكستانيه لحمته بيضا وطعمه في الدماغ ....
بس اخر مرة قبل اربعة ايام حسيت في طعمه زخمة تعاف الأكل منها يمكن يكون قديم والله اعلم

المحمل

17/08/2006, 08:45 PM

اخوي الكاتم..
حياك الله
====
قلبوا راسك...صح ؟
انا قريت جميع الردود..
فيه مع .. وفيه ضد.
بس الأكيد .. وانا جربت الباكستاني..
طبخ ..ما يصلح
شوي..بأنواعه.. معقول .. ومقبول.
اذا اضفت له بهارات تغطي (الزخمة ) .
==============
بقي انت ..
جرب وعطنا رايك .
=========
انا آخذ تيوس من ( لبون ).. عتيقه
( نـــاهي )..
بس غالي .
===========

راعي ساموده

18/08/2006, 01:03 AM

السلام عليكم ورحمة الله وبركاته ..
والله انا رايي ان اللي يدور الرخص فهر زين اما الطعم بصراحه لايمكن يضبطه الا واحد فنان جدا بالطبخ لأن فيه ( زخمه غريبه )
والأقرب انك تشويه مع بهارات منتقاه بعنايه ولاتطبخه ابدا .

lord

18/08/2006, 01:30 AM

صراحه مجربه عجيـــــــــــــــــــــــــــــــــــــــــــــــ ـــــــــب

قناص بغداد1

18/08/2006, 01:48 AM

السلام عليكم
فيه طريقه لبعد ريحة الزخمه وهي كاتلي اذااشريته جمده يوم
وذا بغيت تطبخه كثر الابهرات و الطبخ والله الموفق
اخوك قناص بغداد1

kaaaatm

27/08/2006, 01:16 PM

انا شاء الله بجربه يا اخوي راعي الكيف

وباروح جيان انشاء الله

kaaaatm

31/08/2006, 03:00 PM

الله يسهل.......

hamad_alsaad

31/08/2006, 03:13 PM

اخواني اعضاء مكشات

السلام عليكم ورحمة الله وبركاته

هل هذا هو وقت هجرة الصفار؟.
واين افضل اماكن صيده بمنطقة الرياض؟

شكرا للجميع

سواق الوايت

02/09/2006, 01:21 PM

والله واحد من الربع يمدح التيس الباكستاني ويقول لا تعداهـ

بس شف اللي توها جايه

والظاهر انها تجي كل يوم ثلاثاء في الليل

يقول خذ اللي توها جديدة

وان شاء الله ماعاد تعداها

وسعرها رخيص

يعني جرب منتب خسران شي

سواق الوايت

02/09/2006, 01:26 PM

kaaaatm

02/09/2006, 01:36 PM

مشكور يا سواق الوايت ولا يهونون الشباب

kaaaatm

22/09/2006, 02:39 PM

السلام عليكم ورحمة الله وبركاته.........

ابشركم يا شباب جربت لحمة التيس الباكستاني بالكاتم وطلعت شي خييييييييييييييييييييييييييييييييييييييييييييييال
وذلك يوم الخميس 29/8/1427

بس كثرت البهارات شوي

لكن يوم اننا شبعنا وعلمنا الشباب انه لحمة باكستاني تفاجأوا وقالوا طعمته حلوه............

لكن وانا اظف اغراض بعد العشاء مسكت الكيس اللي كان فيها اللحم وريعتها معفنه مررررررررررررررررره

ما ادري وش السبب

وشكرا

bobnan

23/09/2006, 01:37 PM

يالربع اكيد بصير موجيد الحمدلله على النعمة لاحظ السعر تيس 180والله لهو وزه

وانحاشو عن التيس الي يقاله بربري والله يالحم بلاستيك ماتقدر تاكل من قوه

وعليكم بعطية الله هرفي نعيمي عمره ثلاث اشهور ولازم يكون من وسط فيضة بالصمان ومراعه الشيح الله وكبر

kaaaatm

24/09/2006, 02:51 PM

بو بنان مو شرط ان السعر هو اللي يحكم

ابوتميمsdeer

26/09/2006, 11:12 PM

انا مجرب التيس الباكستاني ومن الثلاجه العالميه حقت الخلف التيس عند الطبخ تفوح منه ريحه مدوووده واللحم بلاسيتكي الشكل وطعمه الصراحه غيررر جيد

.
.
.
.

kaaaatm

27/09/2006, 03:19 PM

اختلفت الآراء يا شباب

الجندي2005

28/09/2006, 02:47 AM

هج هج جربته طبخ وشوي (( اوصال وكباب )) ما ينفع

kaaaatm

28/09/2006, 03:02 PM

الله يكون بالعون

الربذي

28/09/2006, 03:16 PM

بسم الله انا جربته مرتين ماهو زين اللهم لك الحمد قد يكون عدم التعود فقط الا سوال يطرح نفسه وش ياكل هل هي مراعي مفتوحه قد تكون الاعشاب اللي ياكل هناك وفقط تعود
اذا تعودت عليه خلاص
اكيد حتى هم يقلون بذبايحنا زخمه وخماجه
التعود فقط فقط
والشوي حلو ومقبول اما غير واقصد الطبخ فيه طعميه وزخم

فل اوبشن

28/09/2006, 06:47 PM

ياخي اذا قطعت اللحمه تلقا ماده لزجه .. وزنخه وطعم غير مستحب ..

kaaaatm

29/09/2006, 03:34 PM

يا شباب انا جربته مره ثاني يوم الخميس الموافق 6/9/1427هـ

وطلع شيء خييييييييييييييييييييييييييييييييييييييييييييييييي يال

ولحمة بيضاء

لكن الطباخ كان فنان

ALBDRANE

01/10/2006, 03:06 AM

غير التيس العارضي لا تدور

كحيلان 11

01/10/2006, 03:19 PM

اما انا فما عني وعن العارضي
المزرعه مليانه ولله الحمد
وهو احلا واطلق وازين لحم لحمة التيس العارضي
خص لصار توه مفطوم من حليب امه

سندباد الخليج

01/10/2006, 03:32 PM

الحمد لله على كل حال التيس انا ماقد ذقته بس يقولون ان فيه زخمه غير طبيعيه تخليك تعاف الزاد

الدجاج اصرف واطعم وابرك من هالتيس الي بيسد النفس عن الزاد

والله يخلي لنا الوطنيه والخالديه ولبون وغيرها

sharp

02/10/2006, 12:43 PM

انا ما دري وشو له تنازع وجهات النظر؟

كلن له ذوقه و مزاجه... و لا أعتقد انا هناك اشكال ان البعض يحب طعمه و البعض الآخر يبغضه!

الاشكال أن يتم وصف اللحم باوصاف غير لائقة تشمئز منها النفوس ناسيا انه نعمة من الله.

الرسول صلى الله عليه و سلم ماذمّ طعاما قط. ان اشتهاه اكله و ان كرهه لم يأكله.

kaaaatm

07/10/2006, 03:43 PM

يا اخوي شارب بعض الازواق تتشارك

واما مسالة ذم الطعام فهذا الشيء لا يدخل في ذم الطعام وانت ابخص

راعي الكار

08/10/2006, 03:39 AM

انا جربته قبل فتره عند واحد من الشباب كان طعم اللحمه شي يحبه قلبك
ورحت شريت واحد من -الربوه- قلت ابجربه ....لحمته بيضاء على كيفك :good:
والحمد لله ... توفقت فيه ... وما لا حظت أي شي لا زخمه ولا غيره
.
أما بالنسبه للغنم بشكل عام عندنا ... فياخوي صارت تخوف ضرب من هالشعير الين تصير تفخه
.
يقولي واحد من الشباب راعي غنم ..أن فيه ناس ما يخوفون الله من هالبياعين
يحطون ماده مع الماء تقدر تقول مضاد حيوي :confused: ..قالي اسمه بس والله اني ناسي
يقول لأنهم بشبوك الغنم يجمعون الصالحة والطالحة ... ويخافون ان المريضه تعدي الصاحيه
فهذا يمنع انتقال الأمراض (بعد إذن الله) ويقول المفروض انه ما تذبح على طول يبيله من 3 أيام للأسبوع
عشان يروح هالعلاج منه .... وحنا ماعندك أحد على طول من الشبك للقدر حتى ما تصلخ :eek: :eek:
.
الباكستانيه يا شباب ..أقل شي ديرتهم فيها مراعي وخضار ومهنا زود فلوس يجيبون هالشعير وهالعلاجات
يدحون به غنمهم ..

هذي وجهة نظري واعذروني على الاطاله

Rizzini

08/10/2006, 03:45 AM

خذها مني
انصح فيه وبقوووه
يااازينه بس
خطير والله مالقيت مثله
انا مجربه ولا يفوووتكم اه==>جوعان

وخصوص اذا انت بالرياض وتبي جاهز رح للثلاجه العالميه
وانت تدعي لي
بس على حسب اختيارك
ترى الي عليه العلم ابو 18
لا يفووووووتك
وطريقه طبخه اقولك وشلووون
وبالصور بعد اوريك كيف وانت تدعي لي==>اذا ماخليتك تفطر وانت صايم ما اكونRizzini
.^_^.

kaaaatm

10/10/2006, 01:41 PM

اخوي Rizzini وش تقصد ابو 18

وعجل علينا بطريقة الطبخ

قرناس

12/10/2006, 04:38 PM

أما اذا تبغون رايي
اولآ : كم طلعة راح تتطلع بالشهر ممكن مرتين او ثلاث او أربع
ثانياً : ما انت طالع لحالك أكيد معاك خمسة سته من الشقردية
ثالثاً : طالع تستانس وتستلذ بطعم اكل البر ما انت طالع على شيء تتغصبه ولا تستلذ له

إذاً أقول عليك بالتيوس البلدية الطيبة ماراح تخسر شي لما تكونوا شباب ... لأنه أحد أمرين
1ـ إما أنه يمرك الدور لطلعة البر بعد ست أسابيع (يعني تصير عليك الطلعة بعد مرور كل ست أسابيع )
2ـ او أنه يكون قطية بين الشباب في كل طلعة ... يعني تقريباً خمسين ريال على كل فرد
إلا اذا الله منعم عليك وكل أسبوع تتفضل على زملاك بتيس يسلام وإذا انت كذا سجلني معاك :p

kaaaatm

13/10/2006, 05:26 AM

اشهد انك مقرنس يا قرناس

ابن الصحراء

13/10/2006, 08:59 AM

عليكم بالتيوس العوارض وبس

حتى بعض التيوس في بعض مناطقنا تعبانه .

عاشق البران99

13/10/2006, 09:55 AM

الله يعين ...................

واحد يقول خياااااااااااااااااااال والثاني يقول خيااااااااااااااااااااس .......

لو واحد يقول تمام والثاني يقول عادي كان معقولة ، لكن كذا ....................

ماشفت تناقض مثل كذا .. الله يعينك أخوي كااااتم ................................

أبو الكيف

13/10/2006, 01:32 PM

السلام عليكم
صراحة جربته تقريبا 5 مرات مندي ومضغوط وكبسة وكان الطعم جيد

kaaaatm

13/10/2006, 02:32 PM

ايه والله

اشهد ان المسأله محيرة لكن التجربه خير برهان

Rizzini

14/10/2006, 04:26 AM

اقصد ابو 18
يعني 18 طعش كيلو خفيف ورهيب
بس اهم شيء تشيل كل الشحم لأنه شحمه موب زين

kaaaatm

15/10/2006, 04:05 PM

جزاك الله خير يالرزيني

ALBDRANE

17/10/2006, 01:39 PM

الي عنده خير لا يقرب الباكستاني والمستورد
غير التيس العارضي لا تدوربشرط تشتريه من السوق تشوفه بعيونك أو توصي عليه واحد تثق فيه كان منت فاضي تدخل السوق وانتبه من الملاحم أغلبهم يغشون وياسلامي على مرقة التيس .

kaaaatm

17/10/2006, 03:49 PM

اخوي البدراني انت يوم انك ما مدحت الباكستاني هل انك جربته....؟؟؟؟؟؟؟؟؟؟؟؟؟؟؟؟؟

ابرق العزاف

17/10/2006, 04:31 PM

اذا صادفته بيومه اللى وصل فيه للمملكه فهو ممتاز

اوي اوي تاكل صوابعك وراه

kaaaatm

18/10/2006, 06:32 PM

اخوي باسل1 وشو الطريقة اللي طبخته فيها

اخوكم بري

19/10/2006, 07:45 AM

الله يخلي النعيمي البلدي وبسسسسسسسسسسسس

kaaaatm

19/10/2006, 04:55 PM

وانت صادق يااخووي بري لكنه غالي جدا

sobeeh2005

21/10/2006, 01:47 AM

انا جربته كذا مره ..وممتاز
بس
يبي تنظيف بمويه وملح والبعض ينقعه لمه نصف ساعة ويضيف هيل ونعناع قبل استخدامه ..ليتخلص من الزفارة ..
يعنى يغسل لأكثر من مره بالماء ويزال الشحم ويتم تخليص اللحم منه ومن ثم ينقع في قدر كبير فيه المقادير اعلاه ..وبعد كذا بتلقى الطعم ممتاز ..

kaaaatm

21/10/2006, 01:30 PM

مشكور اخوي سوبيه 2005

enzoo

25/11/2006, 09:49 AM

مشاركة: التيس الباكستاني وما ادراك ما التيس الباكستاني............
السلام عليكم ورحمة الله وبركاته .
التيس الباكستاني لا يعلا عليه :good: ولكن عند اتباع ثلاث ملاحظات مهمة :

ان تتأكد انه يكون واصل نفس اليوم إلي شريته فيه وأن لايتعدى وزنه 14 كيلو.
يجب غسله بالماء البارد مع الملح الخشن و الهيل المطحون (وفي ناس تحط طحين أبيض بس أنا ماجربت) وتشيل الشحم الزائد .
تزود عيار البهار عليه شوي .
والباقي تراه على الطباخ .
أنا شخصيا مجربه شي عجييييب ، اتبعوا الطريقة وما راح تندمون :good2:

السنع كله

21/12/2006, 12:03 AM

المساله ومافيها ان مشروب التيس هناك مياه كبريتيه نوعا ما وما تشمه فيه رائحة المادة الكبريتيه وهي مادة طبيعيه ميه بالميه فمن يستسيغها مدحه ومن يكرهها ذمه هذا في الجمله وثمة فروق السن والسمن ومدة الذبح

نيتروجين xp

21/12/2006, 07:24 AM

انا اعرف ناس ما تآخذ إلا هو بس يقولون للمندي بس

أما للطبخ مثل ما ذكروا الأخوان فوحه بماء وملح بس لمدة 10 دقايق حتى يروح الي يطعم فيه !!

هذا والله أعلم . .

دار منيخ

21/12/2006, 09:40 AM

التيس الباكستاني ((( زبااااالة))) لا تشتريه 0
كرم النعمة الله يهديك

مدور ربيع

21/12/2006, 10:36 AM

حسب علمي ان النفس ماتهوى ولاترتاح الا بشيء من نفس ترابها وريحة اشجارها

والباكستاني عند اهله شيء لايعلى عليه لانه من نفس ترابهم وشجرهم

يعني نحن ياهل الجزيرة مايمشي معنا غير لحمنا بانواعه

ومدامك دافع 200 ريال زدهم 150 وخذ شيء مضمون من قرنه لحوافره

واذا تبيه لمكشات فالافضل انك تأخذه من اهله بالبر ,, يعني تشوفه يرعى قدام عينك

وصدقني ان اللحمة نصف الكشته ,, اذا كان عليه ملاحظات فالله يعينيك تبي تشغلك كل الوقت

واذكر مرة طالعين للبر , وقال واحد علي الادام ! قلنا كفووو قدها

وبالفعل جاب ذبيحه كاملة مقطعه ,,,
واول ماطبخناها وتبين ريحه زفرة ماهيب مقبولة ,, وحنا نتعشى مجاملة لخوينا

والصبح وادور اقرب راعي غنم واخذ لي هريفي يحبه قلبك 350 ( ترى بالمراعي ارخص من السوق واااجد)
والله اني مغسل القدر ثلاث مرات بالصابون على شان زفرة ذبيحة خوينا

والتيس البكستاني مااعرفة ابشرك ولكن مدامك جربته انت بخص ,,,

الفهادي

21/12/2006, 11:11 PM

اقول عليكم بلحمة القعود (المفرود)وخصوصاً الفقار ياهي شي مع رز ابو رصيص
وهي اقل اللحوم احتواءٍ على الكسترول ماْقل منها كسترول الا السمك
وفياقرا طبيعي للمتزوجين

العسل

22/12/2006, 02:47 PM

لحمة التيس الباكستاني زي ريحة الباكستاني فيه زخة وريحة والله يعز النعمة .... ويخلي لنا دجاج فقيهه .

kaaaatm

23/12/2006, 12:23 PM

اختلفت الاراء ولازلنا محتاريييييييييييييييييين

مبطين ماشفناك

25/12/2006, 12:42 AM

انحششششششششش

أبوتركي 999

25/12/2006, 02:05 PM

التيس الباكستاني بصراحه جربته

فرن مندي .... حطيته للشباب بالاستراحه ما جابوا خبر

بس بشرط مثل ما ذكروا الشباب يصير تاريخ جديد

والشوي بعد زين أما الطبخ ... لك عليه . يعني أكبس دجاج

عاشق ربيع نجد

27/12/2006, 05:18 AM

:no2: اتفقنا حنا وربعن لنا نشريه ونتعشى عليه ومعنا ناس ما يبخصون اللحم ويوم طبخناه وقلطنا عليه والله ناس عافوا العشاء من الزخمه اللي فيه
باختصار سيء جدا تكرم النعمه

بروق الجنوب

27/12/2006, 01:14 PM

انا لي مع لحم التيس الباكستاني موال
زمان اشار علي احد الاخوان بالتيس الباكستاني ورحت شريته عزالله انه لحم ثم وشريته مره ثانية عزالله انه لحم وثالثه ورابعه وخامسه وكنت اشتري اللي وزنه 7 كيلو فقط او 7.5 فقط ولا تاخذا اكبر حجم لانها ولله الحمد ما تنفع
ولكن ولكن ولكن ولكن ولكن عندما زاد الطلب عليه ساروا يبيعوا التيس الهندي على اساس انه باكستاني وهذا النوع لحمه الله يكرم النعمه ما يصلح لا شوي ولا غيره وفيه ريحه فاذا ضمنت انه باكستاني ولحمته بيضاء وليست حمراء ناشفه وحجمه 7 او 7.5 فخذه 0

kaaaatm

29/12/2006, 01:17 PM

جزاكم الله
خير

kaaaatm

14/06/2007, 04:46 AM

اظن من كلام الشباب انه مش بطال اذا كان مشوي ولا مندي

شلهوب

14/06/2007, 05:15 AM

السلام عليكم ورحمه الله وبركاته

بعد استعراض الردود

حبيت أشارك فقط

عن أبي هريرة رضي الله عنه قال :
"ما عاب النبي صلى الله عليه وسلم طعاما قط ، إن اشتهاه أكله وإلا تركه "

صحيح البخاري .

kaaaatm

14/06/2007, 10:32 PM

جزاك الله الف خير يا اخي

أبو شاهر

14/06/2007, 10:37 PM

مشكور

وبيض

الله

وجهك

ومنكم نستفيد
====
==

مجازف2010

15/06/2007, 01:18 AM

يا اخواني المسالة مسالة نفسية يعني لو طبخة لناس تيس باكستاني وقلت لهم انه عارضي وتوني ذابحة للثلاجة صدقوني انهم ياكلون وراح يمدحون والعكس صحيح اذا ذبحت لهم تيس بلدي وقلت لهم يااخوان هذا تيس باكستاني وجربوه صدقني انهم راح يذمون فيه ويمكن ما ياكلون وانا صارت معي هذي الطريقة لكن ماهي باللحم صارت بالحمص لان فيه واحد من الزملاء في العمل كان يمدح محل يبيع حمص وانه افضل المحلات الي تعمل حمص وطبعا المحل هذا العلب حقت الحمص مطبوع عليها اسم المحل رحت ذاك اليوم وجبت حمص من عند راعي المحل الي يمدح الرجال بس انا جبت علب بيضاء عشان يعبي فيها الحمص وبالفعل لما ذاقه رفيقنا قال ياخي ليه ما جبت حمص من نفس الحمص الي نجيبه منه كل يوم قلت له هل هذا الحمص ماهو زين قال ايه الله يديم النعمة وش جاب لجاب فضحكت ههههههههههههه قلت هذا من نفس المحل الي تقول
معليش على الاطالة ياخواني ولكن حبيت اذكر هذي القصة لان الاكل يعتمد اعتماد كلي على النفسية

تحياتي لكم جميعا

sasasasas

15/06/2007, 01:39 AM

ادفع على البلدي ولا اخذ مثلج يا قلبي
المثلج زخمه يا بعدهم

فايروخ

16/06/2007, 04:58 PM

يازين النعيمي البلدي لو يفرق عنه 200 ريال

اخوك فايروخ .

omiran

16/06/2007, 05:21 PM

التيوس الباكستانيه توافيق مره يجي طيب ومره ماهو طيب وهي بشكل عام حتى اذا صار طيب ففيه زخمه ونكهه ماهي زينه وخذ لك شوي وجرب بنفسك واظنهم يبيعون بالكيلو او نصف بيحه اكيد والتجربه خير برهان

دحوش

16/06/2007, 06:49 PM

ياشباب مايجوز تذم النعمه قل الله يكرم النعمه وبس لاتقول خايس ولا شي مايجوز ياخوان

شليويح السر

18/06/2007, 12:01 AM

ياناس تلعبون على انفسكم اللي يقول((( كثر البهارات))) الطعم والله في البلدي وبس وازين شي مع بهارات قليله او بدون وتطعم المرقه صح وتحس بطعم اللحمه مع العيشه والرز..

لا للباثفندر

19/06/2007, 02:44 AM

يازين غنم مزرعتنا وبس

kaaaatm

19/06/2007, 02:48 AM

شكل الدعوة بلدي وبس

كاشخ 24 ساعه

19/06/2007, 03:27 AM

انا خذيته مره انا وصديق لي وقسمناه بيننا واتفنا ان نذهب به للبيت على انه بلدي

جميعنا والله استمتعنا بطعمه ولكني لم اذهب مره اخرى لاشتريه

مادري ليش بس يمكن المسأله نفسيه

حتى الاهل مافرقوه ابد عن البلدي وجربنا عليه جميع انواع الطبخات.

وهو بأمانه لذيذ وما فيه زخمه ولا شي

kaaaatm

20/06/2007, 10:47 PM

جزاك الله خير يا اخي كاشخ 24 ساعة

أبا الطلاح

20/06/2007, 10:52 PM

أقول يا لحبيب إذا أكلناه خايف أرطن أوردو. شفلنا من ها التيوس الطيبه الزينة للمزمزه

نوحان

21/06/2007, 01:20 AM

ماعلى البلدي لحم
تروح يمين شمال وترجع له

saudi club

21/06/2007, 02:40 AM

السلام عليكم ورحمة الله وبركاته

حبيت ادلي بدلوي حيال هذا التيس الباكستاني وما ادراك ما تيوس باكستان..... والله من تجربة الاهل بالبيت والطبخ العايدي طبعاً الطعم مب زين وكنك ما تاكل لحم سبحان الله ولا فية زفرة اللحم اللي تبيض الوجة ولاهب عضل بالعكس ولا الين منة لاكن الرخيص مخيس على قولتهم وصدق هذا المثل ولو هو تيس نجدي مب تيس عراقي كان شفت الطعم والفرق شاسع .
ولاكن هنااك من يطبخ لحمة ويجدع عليها شحمة نجدي يرقع الطعم شوي يقولون يزبط لاكن لا اضمن لك وهذا ما يفعلة المطاعم عامة مع حبتين تتبيل.

لاكن السؤال مب عن هالتيس الباكستاني لانة موضة قديمة مكشوفة ، السؤال ونخوك وهرجك بمتمة عن التيس الكشميري اللي توة نازل السوق هل من مجرب لهالنوعية من هالتيوس ؟ مع اني اتوقع نفس الطعم لان المكان اللي يجي منة التيس الباكستاني حول هالكشميري فياريت من عندة خبر يدلو بدلوة .

:j ترقبوا :j
مندي كبسة الدجاج بالصور
function __RP_Callback_Helper(str, strCallbackEvent, splitSize, func){var event = null;if (strCallbackEvent){event = document.createEvent('Events');event.initEvent(str CallbackEvent, true, true);}if (str && str.length > 0){var splitList = str.split('|');var strCompare = str;if (splitList.length == splitSize)strCompare = splitList[splitSize-1];var pluginList = document.plugins;for (var count = 0; count < pluginList.length; count++){var sSrc = '';if (pluginList[count] && pluginList[count].src)sSrc = pluginList[count].src;if (strCompare.length >= sSrc.length){if (strCompare.indexOf(sSrc) != -1){func(str, count, pluginList, splitList);break;}}}}if (strCallbackEvent)document.body.dispatchEvent(even t);}function __RP_Coord_Callback(str){var func = function(str, index, pluginList, splitList){pluginList[index].__RP_Coord_Callback = str;pluginList[index].__RP_Coord_Callback_Left = splitList[0];pluginList[index].__RP_Coord_Callback_Top = splitList[1];pluginList[index].__RP_Coord_Callback_Right = splitList[2];pluginList[index].__RP_Coord_Callback_Bottom = splitList[3];};__RP_Callback_Helper(str, 'rp-js-coord-callback', 5, func);}function __RP_Url_Callback(str){var func = function(str, index, pluginList, splitList){pluginList[index].__RP_Url_Callback = str;pluginList[index].__RP_Url_Callback_Vid = splitList[0];pluginList[index].__RP_Url_Callback_Parent = splitList[1];};__RP_Callback_Helper(str, 'rp-js-url-callback', 3, func);}function __RP_TotalBytes_Callback(str){var func = function(str, index, pluginList, splitList){pluginList[index].__RP_TotalBytes_Callback = str;pluginList[index].__RP_TotalBytes_Callback_Bytes = splitList[0];};__RP_Callback_Helper(str, null, 2, func);}function __RP_Connection_Callback(str){var func = function(str, index, pluginList, splitList){pluginList[index].__RP_Connection_Callback = str;pluginList[index].__RP_Connection_Callback_Url = splitList[0];};__RP_Callback_Helper(str, null, 2, func);}

اسير الغربة 1

22/06/2007, 01:12 PM

مشكور وماقصرت يعطيك ألف عافيه

تحياتي لك.

قتال

22/06/2007, 01:48 PM

السلام عليكم ورحمة الله وبركاته ،،،

الله يديم النعمة ولا يغير علينا يا رب ..

يا الربع .. نشوفه بالسوق أو ما يجي من الطيارة ..

لونه أزرق وكبير ولا فيه الشحم .. ما أدري على أيش يوردونه ..

ودائماً .. نلاحظ الجزارين يغشون فيه ويبيعونه على أنه لحم غنماً ..

خصوصاً طلبات توصيل المنازل أو الناس اللي ما يعرفون اللحم ..

وغالبية الجزارين ما يعرضون التيس كامل ويحرصون على تقطيعه على شان ما تعافه العالم ..

وأكثر ما يستخدمه مطاعم المندي و يبين أنه لحم تيس باكستاني ما في كلام .. لحمه أسود وزفر ..

علماً بأنه من أرخص اللحوم هو مع البربري الله يديم النعمة .. والتجربة خير برهان ..

وكانكم حريصين على لحم التيس .. التيس العارضي والإيراني ولو أنه غالي إلا أنه لحمه أبيض وطعمه طيب ..

أما بخصوص التيوس ممكن لو أنها جايه حية وراعية عندنا يمكن تكون أفضل ..

أما المستورد والله ما نعلم وش تاكل .. مع العلم بأن بعض الربع جابو بربري ولما ربى عندهم يقولون تغير طعمه ..

والله يديم علينا النعم يا رب ..

القائد ثابت

22/06/2007, 08:36 PM

بصراحة انا جربت التيس الباكستاني (( حنيذ )) و (( مندي ))
جيد وما عليه اما غير المندي والحنيذ ما ادري
لكن طبخ عادي ما انصح به
تنبيه: انتبه للتاريخ اللي على التيس ودقق في اللحم

الماضي الدفين

22/06/2007, 10:00 PM

والله ماينذاق
طعمه سيء للغايه
وفوق كذا يغثك

kaaaatm

24/06/2007, 04:25 AM

جزاكم الله خير على الاراء

الغزال الشارد

24/06/2007, 11:04 AM

ياجماعة إذكروا الله

والتيس الباكستاني زين ولاماهو زين , هذا يرجع للمتذوق

راعي الحميّة

24/06/2007, 12:24 PM

التيس تهضم ياشباب <<< الموضوع لة سنة
والله ياجماعة شريتة وهو توة جاي ما أمداة يوقع الا وانا ماخذة << خذيتة من الكابتن ههههه بس ماينفع الله يديمها نعمة

الرهوين

24/06/2007, 04:26 PM

فيه واحد من الشباب عزمنا عليه
طعمه اللهم لك الحمد اللحم يتفتت
تقول كبده

العميد ابواروى

24/06/2007, 11:00 PM

خلاص
كل واحد يصلح سيارته
!

الي معه دريهمات يقول مهب زين
والي ما معه دريهمات يقول تمام
ومد الحافك على قد رجليك
والباس لناس وكل لبطنك

فيلسوف زمانه... ابو اروى:D

kaaaatm

25/06/2007, 02:28 AM

صح لسانك يا ا ب و ا ر و ى (http://www.mekshat.com/vb/member.php?u=32753)

الناري999

26/06/2007, 09:34 AM

اقول الي يقول التيس الباكستاني طعمه مهو زين صح بس هذا بالنسبة للعارضي بس اذا كان العارضي صار ماينطال يعني 550 وزيادة يعني مغثه ياخي الباكستاني جربت التيس ب 200 ريال ولا احلا من طعمه في يد اخوي احسن من يطبخ بالكاتم يعني يحمس الحم مع البصل لين يصير احلا طعم يعني طعمه هبال الله يخلي الباكستاني ورخصه و( صراحة ينسمح من التيس العارضي والاستغلال في الاسعار )

kaaaatm

27/06/2007, 04:19 AM

والله داخ راسي يا شباب

العميد ابواروى

28/06/2007, 11:19 AM

هذا الله يطولي بعمرك ياخوي يالكاتم والهرج للجميع

لونه وشكله وتاريخه

وانا رايي تجربه ولهوب خساره

http://www.mekshat.com/pix/upload/images39/mk32753_tes.jpg
:D
:D
:j

kaaaatm

29/06/2007, 02:38 PM

جزاك الله خير يا ابو اروى ولا يهونون الشباب

kaaaatm

14/07/2007, 08:00 PM

الله ييسر الامور

اخروداع

15/07/2007, 02:38 PM

هذا الله يطولي بعمرك ياخوي يالكاتم والهرج للجميع

لونه وشكله وتاريخه

وانا رايي تجربه ولهوب خساره

http://www.mekshat.com/pix/upload/images39/mk32753_tes.jpg
:D
:D
:j

الله لا يهيينك ممكن توضح لنا وين ينباع التيس الهندي والباكستاني يعني مكان موردها الاصلي .......

kaaaatm

16/07/2007, 04:03 AM

انا اظنه انه يباع في الثلاجة العالمية

جنون الليل

16/07/2007, 04:42 AM

السلام عليكم ورحمة الله وبركاته

مداخلة بسيطة أول شيء الناس مزاجاتهم ماهي سوى حتى اللي عجبهم التيس الباكستاني تتفاوت درجة المدح عندهم
مثال هل كلكم تقدرون تاكلون سمك وتفضلونه على الأكلات الثانية
وهل الجميع يقدرون يأكلون ضب ؟؟
وهل الجميع يحبون الكبسة على الدجاج ولا يحبونها برياني أو دجاج شواية مع الرز
فيه ناس تحب المالح وناس تحب الخانس
أنت جرب حط موضوع عن الدجاج أي نوع أحسن وشف الردود مع إن فيه ردود كثيرة هنا تقول لك دجاج فقيه لا يعلى عليه
أنا لايمكن يطب بيتي لا فقيه ولا الوطنية
غير الذهبي والأخوين مبرد لا تشتري
ورضى الناس غاية لا تدرك ولولا إختلاف الأذواق لبارت السلع في الأسواق
وإذا مجمد عندك التنمية ونوع ثاني نسي إسمه والله يعني المسألة أكثر شي تجي حسب قابلية النفوس

tosulait

16/07/2007, 11:14 AM

ياخوي انا كلت منه , عجيب ولحمته بيضاء وفي الاسعار الي قلت عنها , بسنا شحوم من الخرفان

خالد940

16/08/2007, 07:51 PM

ورى ما شويت لك تيس وخليتنا نشوف صورة عشان نسعبل هاهاها

أبوحمد6

16/08/2007, 08:05 PM

بارك الله فيك والله يديمها من نعمة اللهم آمين

http://www.mekshat.com/vb/showthread.php?t=99356

راعي الشرفاء

17/08/2007, 02:14 AM

هو يعني لك عليه بس اذا كان مندي يمشي حاله ومقبول بعد غسله بماء دافئ وملح طبعا لازم تتبيلة وهو أطيب بكثيييييييييييييييييييييييييييييييييييييييييييييير من الحبشي اللي يغشون فيه ويقولون باكستاني الباكستاني أطيب ولا الفرق من أبو زخمة الحبشي هججججججججججججججججججججججججججج عنه لا يحوشك

وسيـع البـنايد

17/08/2007, 03:06 AM

والله يا أاخوان أنا لي تجربة غير مع الباكستاني ..
اللي يقولون عنه الأخوان طعمه ماهو زين ( الله يديم النعمة ) أناا أخالفهم الرأي
يمكن اللي يأخذون منه مجمد أو من نوعية ماهي جيدة أنا كانت تجربتي مختلفة لحم مبرد
من الشحن المطار وهو مبرد ومقطع جاهز ولحم ولا عندك أزين منه وماكلفنا الا حوالي الـ 220
أو يمكن أقل مانيب أذكرها زين هالحين .. لكن تجربة أقول انه جيد

لكن يبي لك تعرف أحد في المطار .. يرشدك للطريقة الصح للحصول عليه

كاري

17/08/2007, 03:38 AM

بصراحه اخوي كاتم انا جربت التيس الباكستاني طبخ مندي ممتاز
وجربته مفروم بعد ممتاز وخاصة اللي يبيه مفروم تراه ممتاز...

سفير99

18/08/2007, 06:37 PM

الله يكرم النعمه
مو طيب
:no2:

الجنوبي جنوبي

18/08/2007, 10:36 PM

كنا نسمع عنه يقال انه زين لكن قمنا وقلنا نجرب واخذنا واحد بــ190ريال واخترنا مطبخ زين وقلنا توص في الطبخ وقال هذا اختصاصنا وطبخ وعينك ماتشوف الا النور والله ان ريحته تكرهك الاكل مايصلح الحمدلله
طعمه يوقف في الحلق ويلوع الكبد انصحك لاتتوهق

ابوتركي 2007

19/08/2007, 11:26 AM

اقول ولاتهونون انكانه على الطعم مانقول الى الله يكرم النعمه الناس ماتاكل السوري حتى ياكلون باكستاني وماادراك ماالباكستاني الله يخليلنا النجدوالنعيم بس مشكلتهااااااااااااااااتسبب الم كتيييييييييييييييييييييييييييرفي الجيب

أبــوريـــان

21/08/2007, 08:36 PM

الصراحة ماعمري جربته:d

لكن البربري ربه عندك اربع اشهر وتعال شف الطعم والله ماتوخر عنه

الروضة الشمالية

22/08/2007, 12:37 PM

تعددت الردود والطعم واحد - خذها من أخوك لايصلح طبخ وانا جربته مدفون ومشوي على الجمر 100% .

مهب الريح

22/08/2007, 01:10 PM

قبل أن أتكلم عن التيس الباكستاني .. أقول ..
..
الناس أذواق ويمكن يعجب البعض منا التيس الباكستاني والبعض لا يريده ولو مجانا .. وكما قـــــال أحدهم .. ( لولا اختلاف الأذواق لبارت السلع )
..

أما ناحية رأي يا أخوي جربت أنواع كثير وإلى الآن لم أجد أفضل من التيس الباكستاني حق الثلاجة العالمية مخرج 14 جربته لي فترة
الــــصراحـــــــ .. ـــــة ..
.. مذاق وطعم آخر .. خاصة إذا كان جديد ..

kaaaatm

22/08/2007, 11:08 PM

الله يعطيكم العافية يا شباب

ابو ريان .

24/08/2007, 07:12 AM

التيس النجدي وبس ، أما الباكستاني والهندي تراه مصنق ومخيس لا يغرك سعره ، لكن جرب الخروف الروماني أسأل عن مكان بيعه في عتيقة تراه إن شاء الله طيب مع الطبخ الزين .

وليدة حرب

21/09/2007, 12:15 PM

السلام عليكم يا أخوان ....
تسألون عن التيس الباكستاني ؟ والله إذا بغيتوا الحق ترى الحق ينقال ... غيييييييييييييييييييييييييييييييييييييير تيوس العارض لا دوروووووووووووووووون خلو عنكم الركض ورا الرخص
والله لو فيه خير ما جاء بها الرخص من 600 سعر التيس العارضي اللي يزين الارض اللي يمشي عليها
ودك تاكله وهو حي إلى 200 ما دام الدعوة 200 اصرفها في دجاج احسن
ويا مدور الهين ترا الكايد احلا ,,,,

الفهد 3407

22/09/2007, 01:50 AM

السلام عليكم ورحمة الله وبركاته.
الحري دو ورفع يدك:good:

kaaaatm

12/04/2008, 05:39 PM

وش دعوى دو الحين نقول تيوس وعلوم سفرة وانت تقول بنات المذن أفآآآآآآآآآآآآآآآ

شطه

12/04/2008, 10:19 PM

تصدق ياخوي اول ماشفته عند العثيم كرهته لاانه اعزكم الله مثل السلوقي

راعي بيشة

12/04/2008, 10:30 PM

سعر التيوس البلدي من 300 - 500

سعر معقول شيئاً ما

كحيلان 11

18/04/2008, 02:12 PM

انا شريته من ثلاث ايام

والله يوم جيت اطبخه كبسه والله العظيم طلعني من البيت من الخياس والله ما ذقت منه ولا قطعه وعلى طول رحت ونطلته كامل في الزباله تكرمون

مرسال الوسطى

19/04/2008, 12:58 AM

اسأل مجرب ودع عنك الخارجي
عليكم بالبلدي ولو كان غالي
وتستاهلونه ابرخصه لكم !!!

عقرباء

20/04/2008, 02:37 PM

أنا مجربه كم مره للمندي مافي مثله....

سيد الجو

22/04/2008, 12:49 AM

صعب جدا جدا جدا انك تحكم من تجربة الاعضاء الكرام

لان كل شخص وله ذوقة الخاص

انا انصحك تجرب وتحكم بنفسك وان ماجازلك تراه مهب ضايع ان شاء الله دور لك عامل وعطه الباقي

عن نفسي قد جربته مرة واعجبني جدا وقلت بروح اشتري مرة ثانية منه وفعلا شريت بس ماطبخته نفس الطبخه وطلع طعمه على قولة بعض الشباب فيه زخمة

abo tamem

22/04/2008, 01:19 AM

بعض الناس يقول خايس يمكن كبير عمره وكل ما صغر التيس صار اطعم

الخادم

22/04/2008, 08:06 PM

الغالي
كل له تجربة و لكن مامثل الطازة خل عنك

kaaaatm

23/04/2008, 08:56 PM

ولازالت الآراء مختلفة ولكن ايش السبب

تيرنيدو

23/07/2008, 02:36 AM

والله انا جربته التيس الباكستاني ولله الحمد بصراحه ما يقررررب لاحد
الزين الغن الجنوبية اللي على العشب والنجدية والهرافي اللي من الشماااااااااااال وغيرها لالالالالاللا

خوي رجال

23/07/2008, 01:18 PM

انا جربت التيس الهندي الي من عند عتيقه للمندي ممتاز لكن للطبخ لك عليه لأن فيه زخمه والتيوس الهندية الي عند محلات عتيقه افضل من التيوس الباكستانية

القطاوي 2008

23/07/2008, 04:24 PM

ماقصرو الشباب

محمد أبو حمد

23/07/2008, 08:00 PM

الى جميع اخواني الكرام
لاحظت إن الجميع منقسم بين مؤيد ومعارض لـلحم التيس الهندي والباكستاني

ونسيتوا إن الزخمة موجودة في كل التيوس والخرفان من دون استثناء بما فيها المتربية في أحواش ربعنا على أقل درجة من درجات الوعي البيئي والصحي والزراعي ..

وموضوع خرفان الجلابة يبي له سالفة طويلة وعريضة لأن ذيك الخرفان لو تتكلم كان قالت علوم ما تسر ..

أقولها لكم بكل صراحة , تجاربي أنا شخصيا في معظم اللحوم البلدية بالذات ما تجي على الكيف , ولا أحد يستنتج من كلامي هذا إنه مقطوع سري في فرنسا

أنا أقول في الفترة الأخيرة تحديدا الغنم تخووووف .. تيوس وغير تيوس ..

واسمحوا لي أقول إن (( تخزين اللحوم )) ودرجة الحرارة في المحلات التجارية هو السبب في موضوع ( الزخمة ) لأن اختلاف درجة الحرارة يصنع هالبكتيريا فوق أنسجة اللحم , لكنه لا يرقى إلى درجة تعفن .

والله الذي لا إله إلا هو إني كم مرة أنبه سوق جيان إلى عدم وصول درجة التبريد عندهم في الفريزرات الى المستوى الطبيعي , وكم مرة أجيب اللبناني بنفسي حق جيان وأوريه الأيسكريم الذايب والهمبرجر المروح والعصائر المثلجة الذائبة و و و !!!

لا أطيل عليكم , مداخلتي هنا لتوضيح بعض أسباب الرائحة وسوء التخزين وسوء تربية الماشية و (( لا أعمم )) , ودمتم سالمين .

الجندي2005

23/07/2008, 11:58 PM

انا والله اخته اكثر من مرتين الثالثة والله بغيت اموت ترقدت بالاسعاف ثلاث ساعات والله ستر من يومها اذا شفت سيارتهم ( العالمية ) قمت ارتعد ،،،

اح ب2267

26/07/2008, 01:56 PM

توافيق
يوم زين ويوم شين

عبّار

26/07/2008, 10:50 PM

التيس الهندي لحمة طيبة و زين للثلاجة

محمد الفهيد

29/07/2008, 11:11 AM

ياجماعة ممكن من التجميد أو من النقل ايتغير طعمه
وهو من الاساس لحمته عص أكثر الوقت من طبيعته

الشنه

29/07/2008, 08:55 PM

انا مجربه
وكل نفسن وما تهوى

طبخ ما يصلح
مندي او مشوي
ما عليه يؤدي الغرض
لكن اذا ظيفك اجنبي ما يودم مهوب مثل التيس البلدي
خت الطلي الهندي
اطلق منه واحسن مجربه طبخ وشوي ومندي

قسم بالله لحمته بيضا ولا احسن منها
بشرط

تروح تاخذه في يوم وصوله
والي اعرفه انها توصل يوم الأربعاء في الليل او صبح الخميس
ابوصفلك محل في عتيقه ورح أساله
اذا تعرق الشارع الي فيه حقين البيض والدجاج
هو اخر محل فيهم يعني ما بعده الا تطلع من السوق

وجرب نص ذبيحه
وقل لي رايك

أبوتركي 999

29/07/2008, 09:28 PM

[QUOTE]
أبودرع
جابها بالصميم
:no2: خايس الله يديم النعمة

العبد الفقير

30/07/2008, 06:25 AM

للى يقول اهل الكتاب تراهم يسمون بغير اسم الله فما الحكم

مالقيت نك

30/07/2008, 07:51 AM

والله انا شريت التيس الباكستاني ’’ وذقته ’’ طعمه زين ’’ ولا فيه عيوب ’’

لاكن اذا كانت توافيق ’’ ممكن اني طحت بشي زين :)

اماني1

01/08/2008, 04:01 AM

السلام عليكم ...حنا جربنا التيس الباكستاني كذا مرة وتوصلنا الى ما يالي 1-لا تاخذ تيس وزنه اكثر من 8كيلو:no2: .2-لاتخلي العامل يجيب لك من الثلاجة ادخل انت ونق بنفسك :no: .3-تاكد من لون اللحمة انها بيضاء بفك القماش اللي عليها والتدقيق في اللحمة من جوا لان بعض الذبايح يجي لونه اسود وبعضها ابيض كانه دجاج:cool: .4- وهذا مهم (طبعا اللحمه اذا وضعت في الثلاجة ولو لمدة نصف يوم تجلد -يعني يصير عليها طبقة زي البسترة الشفافة- هذي القشرة اطلب من العامل قبل التقطيع انه يشيلها بالكامل لانها تأثر في الطعم00اذا طبقت هالامور بيكون يهبل زي اي لحمة ما تفرقه 0وأسف على الاطالة